Chapletajic 19:34 - Quiché Bible

³⁴ Chucab k'ij chic, ri nabeal xubij che ri u chak': “Chatampe', in chak'ab iwir xinwar ruc' ri ka tat, kaya' chi ba' u wa'l uva che ri ka tat rech catwar chi at ruc'; rech uj quieb cäc'oji' u c'ojol kuc'.”

Chapletajic 19:34 Iomraidhean Croise

Chapletajic 19:33

Kas pa ri chak'ab ri' xquiya' u wa'l uva che ri qui tat, xwar c'u ri nabeal ruc'; are c'u ri u tat man xunabej taj aretak xk'oyi' ruc' mawi aretak xwalijic.

Chapletajic 19:35

Xquiya' chi u wa'l uva che ri qui tat, xwar chi c'u ri chak'axel ruc', man xunabej ta c'u ri Lot aretak xk'oyi' ruc' mawi aretak xwalijic.

Ri Isaiy 3:9

Chisakil quemacunic, man cäquic'u' ta ri cäquibano e junam ruc' ri Sodom, cäquiya' u bixic chque conojel ri winak. Tok'ob qui wäch, e are' quesuc'uman ri c'äjisabal qui wäch.

Ri Jeremiy 3:3

Rumal ri' e k'ilk'obinak tak ri jäb pa ri k'aläj xukuje' pa ri nabe tak ic'. Junam catpe ruc' jun ixok quech nim ch'utin; ¡chc'ol ba' a q'uixbal!

Ri Jeremiy 5:3

Ajawaxel, ri catzucuj la are ri winak ri jic ranima'. Xc'äjisaj la qui wäch man c'ax ta c'ut xquina'; xebeyojyobisaj la man xcaj ta c'ut xquesaj ta qui no'j. E täc, e co c'u na chuwäch ri abaj, man xcaj taj xetzelej chupam ri utzalaj be.

Ri Jeremiy 6:15

¡Cheq'uix ta ba' che qui banic ri jastak ri man queben coch' taj! Man je ta c'u ri' man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, caquichak'ij na quib quetzak c'u na e jacha' ri e jule' chic. In, ri Ajawaxel, quinbij.”

Ri Jeremiy 8:12

¡Cheq'uix ta ba' che qui banic ri jastak ri man quebencoch' taj! Man c'u je taj, man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, cäquichak'ij na quib quekaj c'u na jacha' ri jule' chic. In ri Ajawaxel, quinjiquiba' u bixic.’ ”