Chapletajic 18:32 - Quiché Bible

³² Ri Abraham xutakej chi na u tzijobexic ri Dios, xubij che: “Bana' la jun tok'ob, mäpe oyowal la chwe, xuwi chi c'u we jumul ri' quinch'aw uc' la, man quinya' ta chi c'u latz' che la: ¿jas cäban la we ne xa e lajuj (10) querik la ri man c'o ta jubik' qui mac?” Ri Ajawaxel xubij che: “Cumal quech we lajuj (10) ri', man quinsach ta u wäch ri tinimit.”

Chapletajic 18:32 Iomraidhean Croise

Chapletajic 18:30

Ri Abraham xutz'onoj tok'ob che ri Dios, xubij: “Quintz'onoj jun tok'ob che la, mäpe c'u oyowal la chwe, quintakej u tz'onoxic tok'ob che la; we c'u ne xa e juwinak lajuj (30) ri man c'o ta jubik' qui mac querik la.” Ri Ajawaxel xubij che: “We quebenrik juwinak lajuj (30), quinsach u mac ri tinimit.”

Chapletajic 18:31

Ri Abraham xutakej u tz'onoxic tok'ob che ri Dios xubij: “Wajaw Dios, sibalaj in chajil anima' chi je ch'abexic la wa' quinbano, ¿jas cäc'ulmatajic we ne xa e juwinak (20) ri man c'o ta jubik' qui mac querik la?” Ri Ajawaxel xubij chi che ri Abraham: “Rumal quech we juwinak (20) ri', man quinsach ta u wäch ri tinimit.”

Chapletajic 44:18

Ri Juda xoc chuwäch ri Jose, xubij che: “Quinwaj quinbij quieb oxib tzij che la. Bana' la jun tok'ob mäpe oyowal la chwe, ri lal xak junam k'ij la ruc' ri ajawinel.

Ri Job 33:23

We c'u ne c'o jun tako'n aj caj chunakaj, jun ri cha'om chuxo'l jun mil ri chch'aw ta puwi' chuya' ta c'u k'alajisanic chi colom ri u c'aslemal,

Salmib 86:5

Rumal rech chi lal, Ajawaxel, lal utz cacuyun c'u la nim ri lok'ok'ebal c'u'x la chque ri quenatan la.

Elem 32:14

Xuk'il c'u rib ri Ajawaxel che ri c'ax ri u chomam u banic puwi' ri u tinimit.

E C'ambal tak Tzij 15:8

Ri Ajawaxel man quebucoch'taj ri qui sipanic ri e banal tak etzelal, cuc'amowaj c'ut ri qui bochi'nic ri e suc' ruc' quicotemal.

Ri Isaiy 65:8

Ri Ajawaxel cubij: “Aretak sibalaj c'o qui wa'l ri uva ri winak man xak ta cäretzelaj, cuya' c'ut cäresaj rumal rech chi cuya' cäresaj q'ui u wal. Je c'u quinban in xukuje' rumal ri qui lok'al ri e pataninelab tak wech: man quinsach ta u wäch ronojel ri nim tinimit.

Ri Jeremiy 5:1

Ri Ajawaxel je cubij wa': “Chebibinibej ri e u xo'l tak ja re ri Jerusalen, kas chixcayilob, chixtzucun pa tak ri c'ayibal, che rilic we quiriko jachin jun ri cuchacuj ta ri suq'uilal, ri caraj cux aj kas jic ranima'. We quiriko quinsach na u mac ri Jerusalen.

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ri Matey 7:7

“Chixtz'ononok, cäyataj c'u na chiwe; chixtzucunok, quixrikon c'u na; chixc'orc'ot chuchi' ri oquibal, cäjaktaj c'u na chiwäch.

Efesios 3:20

Are c'u ri camic chkanimarisaj ba' u k'ij ri Dios, ri sibalaj nim na ri cäcuin che u banic chuwäch ri cäkata' che, nim na chuwäch ri cäkachomaj chi cubano. Je cubano rumal ri cuinem ri cächacun pa kanima'.

K'atal tak Tzij 6:39

Xubij chic ri Jedeon: “Mäpe oyowal la chwe. We quintz'onoj chic jun jasach che la. Xa jun c'utbal chic quinwaj quinwilo. Quinwaj quinwilo chi cäcanaj chaki'j ri u tz'umal chij, are ta c'u ri räxk'ab cuch'akba' ri ulew ri c'o pa tak u xcut ri u tz'umal chij.”