Chapletajic 18:25 - Quiché Bible

²⁵ ¡Mäban la ri' chi junam cäcämisaj la ri c'o u mac ruc' ri man c'o ta jubik' u mac, je ta ne ri e quieb e macuninak! ¡Mäban la we c'ax ri'! Lal ri lal nimalaj k'atal tzij puwi' ronojel ri uwächulew, ¿la ma ta c'u cäban na la ri suc'alaj k'atoj tzij?”

Chapletajic 18:25 Iomraidhean Croise

Chapletajic 18:24

We ne e c'o cawinak lajuj (50) winak ri man c'o ta jubik' qui mac pa ri tinimit. Pune' c'u jewa' ¿la cäsach la u wäch ri tinimit junam cuc' ri cawinak lajuj (50) ri man c'o ta jubik' qui mac, a ma ta quel c'u'x la chque rumal quech ri cawinak lajuj (50)?

Nabe Tzijobelil 16:33

¡Ri che' ri e c'o pa tak ri c'ache'laj qui raka' tak qui chi' rumal quicotemal chuwäch ri Ajawaxel, ri cäpe che ajawinic cho ri uwächulew!

Ucab Tzijobelil 19:7

Je ba' ri' nim chiwila' wi ri Ajawaxel kas chi xoc il che ri qui bano, rumal rech chi ri Ajawaxel ri ka Dios man xak ta cucoch'o chi cäban ta ri man suq'uil taj, ri jalan wächaj mawi ri u pa k'abaj.”

Ri Nehemiy 9:33

Pune' c'u je c'ulmatajinak wa', ri lal, lal ch'ajch'oj che chak'maquil; ri lal, banom la wa' ruc' jiquilal, are c'u ri uj ka banom ri etzelal.

Ri Job 34:10

E are' c'u ri alak, winak ri utz ta cächoman alak, chintatabej alak. ¡Mawi machomaxic chi ri Dios, ri c'o ronojel u cuinem, chubana' ri lawaloyil o chuchacuj ta ri ma ta suq'uilal!

Ri Job 34:12

Kastzij, ri Dios, ri c'o ronojel u cuinem, man c'o ta jun lawaloyil cubano mawi jun man suq'uilal taj;

Ri Job 8:20

Ri Dios man cuwonoba' ta ri winak ri man c'o ta macaj pa ri u c'aslemal, mawi quebutok'ej ri banal tak etzelal.

Ri Job 8:3

Ri Dios, ri c'o ronojel u cuinem, mawi jubik' cujech'obisaj ri suq'uilal mawi ri takalic.

Salmib 50:6

Ri caj cuk'alajisaj chi ri Dios are' jun suc'alaj k'atal tzij.

Salmib 58:11

Cubij c'u na chbil rib: “¡C'o ba' rumal cux jic jun winak! ¡C'o jun Dios ri cuk'at tzij puwi' ri uwächulew!”

Salmib 7:12

We ri winak man cätzelej ta ruc' ri Dios, ri Dios cuban u ware ri u ch'ich' re ch'o'j; u tanim chic ri u q'uiakbal ch'ab,

Salmib 75:3

Aretak cäyicop ri uwächulew, querachilaj conojel ri winak ri e c'o chuwäch, in in banowinak chi co e tac'al ri e u tiq'uilibal.”

Salmib 94:2

Lal ri lal u k'atal tzij ri niq'uiajsak; ¡walij la chquij ri caquinimarisaj quib ya' c'u la ri takal chque!

Salmib 98:9

Chuwäch ri Ajawaxel, ri cäpe che u k'atic tzij puwi' ri uwächulew. Cätakan na paquiwi' tak ri tinimit cho ri uwächulew ruc' colomal xukuje' junamil.

Ri Tzijonel 3:17

Quinbij c'ut chi ri Dios cuk'at na tzij puwi' ri winak ri tz'akatisanel xukuje' ri banal etzelal, c'o c'ut jun jok'otaj che ronojel ri cac'ulmatajic xukuje' che ronojel ri cäbanic.

Ri Tzijonel 7:15

Ronojel wa' wilom chupam ri man c'o ta u beya'l, xak lok' are' c'u nu c'aslemal wa': utzalaj tak achijab ri quecämic pune' c'o sibalaj cutzil, xukuje' itzel tak winak ri e banal tak etzelal q'ui junab quec'asi'c.

Ri Jeremiy 11:20

Are c'u ri lal, Ajawaxel ri c'o ronojel cuinem la lal jun suc'alaj k'atal tzij; lal ri eta'm la ri c'o c'ä chupam ri ranima' ri winak. Chya' la chwe chi quinwil ri u c'äjisaxic qui wäch we winak ri' umal la, pa k'ab c'u la nu jachom wi ri nu c'ulmam.

Ri Jeremiy 12:1

Ajawaxel, we quinec'ulelan che la, ri lal amak'el are c'o na rumal ri cäbij la; are ta c'u ne quinwaj quinc'ot ta chi' la che ri qui c'ulmatajic jujun jastak. ¿Jasche man c'o ta caquic'ulmaj ri itzel tak winak? ¿Jasche utz e c'olic ri man kas e jic taj?

Ri Ezequiel 18:25

Ri ix quibij chi man suq'uil taj ri cätajin quinbano; chatatabej c'ut tinimit aj Israel, ¿la quichomaj ix chi man utz taj ri cätajin quinbano? ¿La mat are ri ix, ri man utz taj ri cätajin quibano?

Ri Malaquiy 3:18

C'äte c'u ri' ri ix quich'ob chi na jumul ri jalbem ib ri c'o chuxo'l ri utz xukuje' ri lawaloyil, chuxo'l ri cak'ijilan che ri Dios xukuje' ri man cak'ijilan ta che.”

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

2 Corintios 5:10

Rajawaxic c'ut chi konojel cäkatac'aba' na kib chuwäch ri u k'atbal tzij ri Crist, rech chkajujunal cäkac'am na ri tojbal re ri ka banom aretak c'ä uj c'o pa ri ka cuerp, we utz, we man utz taj.

U Camulixic ri Pixab 1:16

Xukuje' xinya' we takanic ri' chque ri e i k'atal tak tzij: ‘Chebiwilij conojel xukuje' chibana' ri suq'uil chque conojel, chque ri i winakil xukuje' chque ri man i winakil taj;

U Camulixic ri Pixab 1:17

aretak quik'at tzij, rajawaxic junam ri u k'atic tzij quiban paquiwi' ri winak: Chibana' ri suc'alaj k'atan tzij paquiwi' ri man nimak ta qui k'ij xukuje' paquiwi' ri nimak qui k'ij, mixe'j iwib chuwäch jachin jun, rech c'u ri Dios ri k'atoj tzij. Are c'u we c'o jun jasach ri man quixcuin ta che u k'atic tzij puwi', chic'ama' ulok chnuwäch rech quink'at tzij in puwi'.’

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

Hebreos 12:23

Ix opaninak cuc' ri nabeal tak winak re ri comon cojonelab, ri qui mulin quib, ri e tz'ibam qui bi' pa ri caj. Ix opaninak chunakaj ri Dios, ri qui K'atal Tzij conojel, chquiwäch ri cuxlabal ri suc'alaj tak winak ri e tz'akatisam chic.

K'atal tak Tzij 11:27

Ri in man c'o ta jun etzelal nu banom chawe. At ri' ri cätajin caban etzelal, at petinak c'u che u banic ch'o'j kuc'. Ri Ajawaxel are k'atal tzij, cuk'at na tzij paquiwi' ri aj israelib xukuje' paquiwi' ri aj amonib.”