Chapletajic 18:14 - Quiché Bible

¹⁴ ¿La c'o ta c'u lo jun jasach ri ma ta cäcuin ri Ajawaxel che u banic? Che ri jun junab chic junab ak'anok quinpe na che a solixic, pa ri k'ij ri' ri Sara c'o chic jun ral ala.”

Chapletajic 18:14 Iomraidhean Croise

Chapletajic 17:16

Quintewichi'j na, quinya' na jun a c'ojol rumal are'. Kastzij, quintewichi'j na. Ri are' cux na qui nan e q'uia nimak tak tinimit, ri e rija'lil quebux na ajawinelab quech tak tinimit.”

Chapletajic 17:21

Are' c'u ri nu c'ulwächinic quinjekeba' na ruc' ri Isaac, ri a c'ojol ri cuya' na ri Sara chawe junab, pa tak we k'ijol ri'.”

Chapletajic 18:10

Jun chque xubij: “Che ri jun junab chic quinpe che a solixic, pa ri k'ij c'ut ri' ri awixokil c'ochic jun ral ala.” U tatbem c'u ulok ri Sara ri cäquitzijoj, man c'o ta cunabej ri Abraham chi c'o ulok ri Sara chrij ri u chi' ri lic'om rachoch.

Chapletajic 18:13

Xubij c'u ri Ajawaxel che ri Abraham: “¿Jasche cätze'n ri Sara? ¿La ma ta cucojo chi cäc'oji' na jun ral pune' ta ne nim winak chic?

Chapletajic 18:15

Aretak ri Sara xuta' ri xbixic, xuxe'j rib, are ta xraj xresaj ta rib chupam. Rumal ri' xubij: “Ri in man cätajin ta quintze'nic.” Ri Ajawaxel xutzelej u bixic che: “Weta'm chi xattze'nic.”

Chapletajic 21:1

Jas ri u bim ulok ri Ajawaxel, kas je xuban che ri Sara,

Chapletajic 21:2

ri are' xcanaj yawab winak, xralaj c'u jun u c'ojol ri Abraham aretak sibalaj nim winak chic. Xalax ri ac'al kas pa ri k'ij ri u bim ri Dios.

Ucab Ajawinelab 4:16

Xubij c'ut ri Elisey che: “Che ri junab ri cäpetic, je tak k'ijol wa', ak'alum chic jun awal.” Ri ixok xutzelej u bixic: “Jayi', tat, jun achi ri pataninel rech ri Dios musub ri pataninel rech.”

Ri Job 36:5

Ri Dios c'o ronojel u cuinem, xukuje' nimalaj etamanel, man cäretzelaj ta c'u u wäch ri man c'o ta u mac.

Salmib 90:13

¡Ajawaxel, tzelej la kuc'! ¿Joropa' k'ij cäbeytaj chi na la? Chel c'u'x la chque tak we pataninelab la ri'.

Salmib 93:1

¡Ri Ajawaxel ajawinel! ¡Ri Ajawaxel xratz'iakij rib ruc' juluwem, xukuje' u sutim rij ruc' cuinem! Are' xjekeban ri uwächulew rech man cäslab taj.

Salmib 95:3

Rumal rech chi ri Ajawaxel are' nimalaj Dios, ri nimalaj Ajawinel ri c'o paquiwi' conojel ri diosib.

Ri Isaiy 50:2

¿Jasche, aretak xinulic man c'o ta jachin xinriko? ¿Jasche, aretak xinsiq'uinic, man c'o ta jun xch'aw chwe? ¿La are pa i c'u'x chi man quincuin ta che i toric? ¿La are pa i c'u'x chi man quincuin ta che i tzokopixic? Cubana' jun takanic ri quinya'o chi cächaki'jar ri plo, e are tak c'ut ri nima' quebux chaki'j uwo sak rech quecäm ri cär rumal chakij chi', quepuk'pup c'ut rumal rech chi man c'o ta ja'.

Ri Jeremiy 32:17

‘Lal, Ajawaxel, ruc' nimalaj u liq'uic ri cuinem la xban la ri caj xukuje' ri ulew. Man c'o ta jun jasach ri ma ta cacuin la chubanic.

Ri Jeremiy 32:27

“In ri' ri Ajawaxel, ri u Dios ronojel c'aslic. Man c'o ta jun jasach ri ma ta quincuin chubanic.

Ri Daniel 6:20

Aretak nakaj chi c'o wi ri ajawinel, ruc' bis xusiq'uij ri Daniel, je xubij wa: “Daniel, pataninel rech ri c'aslic Dios, ¿la xcuin ri a Dios che a to'ic pa qui chi' ri coj?”

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ri Zacariy 8:6

Pa ri k'ijol ri' ronojel wa' je ta ne ri ma ta bantajel chquiwäch ri e to'tajinak can che ri nu tinimit; are c'u ri chwe in man je ta quel wa' chnuwäch. In, ri Ajawaxel ri c'o ronojel u cuinem, quinjiquiba' u bixic:

Ajilanic 11:23

Are c'u ri Ajawaxel xutzelej u bixic che: “¿La are' pa a c'u'x chi sibalaj ch'utin ri nu cuinem? Camic cawila' na we quetz'akatok o jayi' ri nu bim.”

Ri Matey 14:31

Ri Jesus xuc'am che ri u k'ab, xuchapo, xubij che: “Ri at, xa' jubik' a cojonic, ¿jasche xuban quieb a c'u'x?”

Ri Matey 19:26

Ri Jesus xca'y chque, xubij: “Ri winak man quecuin ta wa' che u banic, are c'u ri Dios cäcuin che u banic ronojel.”

Ri Matey 3:9

Michomaj u bixic pa iwanima': ‘Ri Abraham are' ri ka mam.’ Quinbij c'u chiwe, chi ri Dios cäcuinic cuban rija'l ri Abraham chque tak we abaj ri'.

Marcos 10:27

Ri Jesus xca'y chque, xubij che ri winak man bantajel taj: “Man je ta c'u wa' che ri Dios; che c'ut ri are' man c'o ta ri mat bantajel.”

Ri Lucax 1:13

Ri tako'n aj caj xubij che: “Zacariy, maxe'j awib. Ri a bochi'nic xtatajic. Ri awixokil Elisabet cäralaj na jun a c'ojol. Xuan ri u bi' cacoj na.

Ri Lucax 1:18

Xubij ri Zacariy che ri tako'n aj caj: “¿Jas quinban che retamaxic chi kastzij wa'? Ri in, in nim winak chic, xukuje' ri wixokil.”

Ri Lucax 1:37

Man c'o ta c'u jun jasach ri ma ta cäcuin ri Dios che u banic.”

Ri Lucax 8:50

Aretak xuta' wa' ri Jesus, xch'awic, xubij che ri Jair: “Maxe'j awib. Xuwi chatcojonok. Ri a mia'l cäto'taj c'u na.”

Romanos 4:21

Kas reta'm chi ri Dios c'o u cuinem che u banic ronojel jas ri xubij ulok chi cuya' na che.

Efesios 3:20

Are c'u ri camic chkanimarisaj ba' u k'ij ri Dios, ri sibalaj nim na ri cäcuin che u banic chuwäch ri cäkata' che, nim na chuwäch ri cäkachomaj chi cubano. Je cubano rumal ri cuinem ri cächacun pa kanima'.

U Camulixic ri Pixab 30:3

are' c'u ri Ajawaxel ri i Dios cuq'uex na ri i taklebem quel c'u na u c'u'x chiwe; quixumulij chi na ulok chquipam tak ri ulew ri ix urokim wi bic.

U Camulixic ri Pixab 7:21

Mixe'j ba iwib chquiwäch, ri Ajawaxel ri i Dios ri nimalaj Dios ri xukuje' mayibal c'o iwuc'.

Filipenses 3:21

Ri cujal wachij na ri ka cuerp ri man nim ta u k'ij, cux na xak junam ruc' ri juluwemalaj u cuerp, jas ri u cholajil ri cuinelalaj u cuinem ri rumal wa' xukuje' cäcuinic quebucoj conojel ri jastak chuxe' ri u takanic.

Filipenses 4:13

Ronojel quincuin chubanic are' c'u Crist ri cäyo'w nu chuk'ab.

Hebreos 11:19

Ri Abraham reta'm chi ri Dios c'o u cuinem che qui c'astajisaxic ri cäminakib; rumal ri' ri Abraham xuc'am chi jumul ri u c'ojol jacha' pa ri cämical, je xux jun c'ambal no'j.

K'atal tak Tzij 13:3

Are' c'u ri aj cajalaj u tako'n ri Ajawaxel xuc'ut rib chuwäch, xubij c'u che: “Ri at mawi jumul e c'olinak awal, catcanaj c'u can yawab winak, cäc'oji' c'u na jun awal ala.

Nabe Samuel 14:6

Ri Jonatan xubij che ri to'l rech: “Tasaj, chujk'axok jawije' ri c'o wi ri juk'at ajch'ojab ri e k'ijilal tak diosib. Craj ne c'o jas cuban ri Ajawaxel che ka to'ic, man c'u c'ax ta cuban ri are' che u ya'ic ri ch'äcanic chke we e c'o q'ui winak o xa e quieb oxib.”