Chapletajic 18:1 - Quiché Bible

¹ Ri Ajawaxel xuc'ut rib chuwäch ri Abraham pa ri c'ache'laj que räx che' ri rech ri Mamre, t'uyul ri Abraham chuchi' ri u lic'om ja pa tiq'uil k'ij.

Chapletajic 18:1 Iomraidhean Croise

Chapletajic 12:7

Chila' xuc'ut wi rib ri Ajawaxel chuwäch ri Abram, xubij che: “We ulew ri' quinya' na chque ri e awija'lil.” Ri Abram xuban jun porobal chila' ri xuk'ijilaj wi ri Ajawaxel, rumal rech chi chila' xuc'ut wi rib chuwäch.

Chapletajic 13:18

Je c'u ri', ri Abram xuwalijisaj bic ri u lic'om rachoch, xejekel pa ri c'ache'laj aj räx che' ri rech jun achi Mamre u bi', chunakaj ri tinimit Hebron. Chila' xuyac wi jun porobal che u ya'ic u k'ij ri Ajawaxel.

Chapletajic 14:13

C'o c'u jun achi ri xcuinic xuto' rib ri man xcämisax taj, are wa' ri xbec xuya' u bixic che ri Abram ronojel ri xbantajic. Ri Abram are ri aj hebrey, ri jekel pa ri c'ache'laj aj räx che' ri rech ri Mamre ri aj amorey. Ri Mamre rachalal ri Escol xukuje' ri Aner, ri e are' e utz ruc' ri Abram.

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Chapletajic 17:22

Aretak xtzijobetaj ri Abraham rumal ri Dios xel bic chi'.

Chapletajic 18:22

Quieb chque ri solinelab xquitakej ri qui be xebe pa Sodom, are c'u ri Abraham xcanaj na can chuwäch ri Ajawaxel.

Chapletajic 20:1

Ri Abraham xel bic pa ri c'olbal ri c'o wi xbe pa ri rulewal ri Negueb, xcanaj pa ri tinimit Jerar ri c'o chuxo'l ri Cades ruc' ri Xur.

Chapletajic 26:2

Xuc'ut rib ri Ajawaxel chuwäch ri Isaac chila', xubij che: “Matbe pa Ejipt. Chatc'ol pa ri c'olbal ri quinbij chawe,

Chapletajic 35:27

Ri Jacob xbe che u ch'abexic ri u tat pa Mamre, ri tinimit ri xukuje' cäbix Arba che o Hebron. Chila' c'u xc'oji' wi ri Abraham xukuje' ri Isaac.

Chapletajic 48:3

Xubij c'u che ri Jose: “Ri Dios ri c'o ronojel u cuinem, xuc'ut rib chnuwäch pa ri tinimit ri Luz u bi' ri c'o pa Canaan, xinutewichi'j c'ut,

Ucab Tzijobelil 1:7

Kas c'u pa ri chak'ab ri', ri Dios xuc'ut rib chuwäch ri Salomon xubij c'u che: “Chatz'onoj ri cawaj, ri in quiya' c'u na chawe.”

Elem 4:1

“Ri e are' man quecojon ta na ri' chwe, mawi caquiya' ta na qui xiquin ri',” xcha' ri Moises. “Xane' caquibij na chwe: ‘Ri Ajawaxel man u c'utum ta rib ri' chawäch.’ ”

Hechos 7:2

Ri Estebn xubij: “Wachalal tak xukuje' tatayib, tampe' alak ri nu tzij. Ri Dios ri sibalaj nim u k'ij xuc'ut rib chuwäch ri ka mam Abraham aretak c'ä c'o pa Mesopotam, c'ä majok chejekel pa Haran.

Hebreos 11:9

Rumal ri cojonic, xc'oji' pa ri ulew ri u bim ri Dios chi cuya' na che, xc'oji' chila' pa tak lic'om ja, je jas pa jun ulew man rech taj. Je xukuje' xquiban ri Isaac xukuje' ri Jacob, ri xa' junam ruc' ri Abraham ri xbix ri chi'nic chque.

Hebreos 13:2

Mäsach pa i jolom ri u ya'ic okxanibal chque ri winak. Rumal c'u wa' jujun man xquich'ob taj chi xquiya' okxanibal chque ri tako'nib aj caj.

Ri Josue 5:13

Jun k'ij, c'o apan ri Josue chunakaj ri Jerico, xrilo chi c'o jun achi' chuwäch ri c'o jun ch'ich' re ch'o'j pa u k'ab. Ri Josue xkeb ruc' xuc'ot c'u u chi': “¿La at kachil o at cachil ri ka c'ulel?”