Chapletajic 13:16 - Quiché Bible

¹⁶ In quinban na chi ri e are' quebux na e jacha' ri u puc'uq'uil ri ulew. Je c'u ri' jacha' chi man ya'tal taj quebajilax ri e u bak'wäch ri puc'uc', mawi xukuje' ya'talic chi quebajilax ri e u k'ab tak awachalaxic.

Chapletajic 13:16 Iomraidhean Croise

Chapletajic 15:5

Ri Ajawaxel xuc'am bic ri Abram cho ja, xubij che: “Chatca'y chicaj, chebawajilaj ri ch'imil we catcuinic. Jewa' ri qui q'uial ri e awija'lil.”

Chapletajic 16:10

Xubij chi c'u na ri tako'n che ri Agar: “Quinbano chi queq'uiyir na ri e awija'lil, ri man c'o ta jun cäcuinta che cajilaxic.

Chapletajic 17:16

Quintewichi'j na, quinya' na jun a c'ojol rumal are'. Kastzij, quintewichi'j na. Ri are' cux na qui nan e q'uia nimak tak tinimit, ri e rija'lil quebux na ajawinelab quech tak tinimit.”

Chapletajic 17:2

Ri in quinban na jun c'ulwächinic awuc': quinban na chi sibalaj queq'uiyir c'u na ri e awija'lil.”

Chapletajic 17:20

Nu tom ri a ch'awem puwi' ri Ismael, quintewichi'j c'u ri are'; quinbano chi quec'oji' e q'ui u c'ojol xukuje' chi queq'uiyir ri e u k'ab tak rachalaxic. Ri Ismael queralc'ualaj na cablajuj (12) c'amal tak be ri nimak qui k'ij. Quinbano chi ri are' cupok'isaj na jun nim tinimit, sibalaj nim.

Chapletajic 17:6

Quinbano chi sibalaj queq'uiyir ri e awija'lil; quebel na ajawinelab chquixo'l xukuje' nimak tak tinimit.

Chapletajic 18:18

cux c'u na qui tat jun cowilaj nim tinimit ri nim u k'ij. Nu bim c'u che chi rumal are' quebentewichi'j na conojel tak ri nimak tinimit ri e c'o cho ri uwächulew.

Chapletajic 21:13

Are c'u ri ral ri lok'om pataninel quinbano chi cupok'isaj na jun nim tinimit, rumal rech chi a c'ojol.”

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Chapletajic 26:4

Quinbana' na chi ri e awija'lil quebux na sibalaj e q'ui e jacha' ri ch'imil ri e c'o cho ri caj, quinya' c'u na ronojel we ulew ri' chque. Quebentewichi'j c'u na conojel ri nimak tak tinimit rech ri uwächulew cumal ri e awija'lil.

Chapletajic 28:14

Ri e are' quebux na jacha' ri u puc'uq'uil ri ulew, caquilic' na quib pa ri iquiak'ab xukuje' pa ri mox k'ab, pa ri elebal k'ij pa ri kajebal k'ij, conojel c'ut ri achalaxic re ri uwächulew quetewichitaj na rumal awech xukuje' cumal tak ri e awija'lil.

Chapletajic 28:3

Ri Dios ri c'o ronojel u cuinem cattewichi'n na, chebuya' ta ba' na e q'ui ri e awija'lil rech chawe quebel wi tinimit tak winak.

Chapletajic 32:12

Kas c'u chi sakil bim la chi cäban na la utzil wuc', xukuje' chi ri e wija'lil sibalaj quepok' na je jas ri u q'uial ri sanyeb ri c'o chuchi' ri plo ri man quebajilataj taj.”

Chapletajic 32:13

Ri Jacob xwar chila' pa ri ak'ab ri', xebucha' jujun awaj chquixo'l ri rawaj che u sipaxic che ri Esau ri rachalal:

Chapletajic 35:11

ri Dios xubij che: “In ri' ri Dios ri c'o ronojel u cuinem; chec'ol q'ui awalc'ual xukuje' ri e awija'lil Chawe quel wi na jun nim tinimit xukuje' q'ui tak tinimit, quebel na ajawinel chquixo'l tak ri e awija'lil.

Chapletajic 46:3

Ri Dios xubij che ri Jacob: “In ri' ri Dios, ri u Dios ri a tat. Maxe'j awib che ri a benic pa Ejipt, quinban c'u na chi ri e awija'lil quebux na jun nim tinimit ri nim u k'ij.

Nabe Ajawinelab 3:8

in c'o c'ut che c'amal u be ri tinimit la ri cha'om la: jun tinimit ri sibalaj nim ri rumal ri u q'uiyal, man cuya' taj cajilaxic mawi cachomaxic e joropa'.

Nabe Ajawinelab 4:20

Ri Juda, xukuje' ri Israel man quebajilataj taj ri qui winakil, e jacha' ri sanyeb ri c'o chuchi' ri plo. Sibalaj c'o ri catijic xukuje' ri cuq'uiaxic, c'o nimalaj quicotemal.

Ucab Ajawinelab 13:23

Xel c'u u c'u'x ri Ajawaxel chque xukuje' xutok'obisaj qui wäch, xa' rumal rech ri u c'ulwächinic xuban ruc' ri Abraham, ri Isaac xukuje' ri Jacob, xoc c'u il chque man xraj ta c'ut xusachisaj ta qui wäch mawi xeburokij ta bic chuwäch. Man u banom ta c'u c'ä camic.

Nabe Tzijobelil 21:5

Ri Joab xujach ri cajilabal ri winak pa u k'ab ri David, ri cajilabal ri aj Israel ri xmolotajic e jun miyon jun sient mil (1,100,000) achijab ri e takal che u banic ch'o'j, xukuje' quiejeb sient oxc'al lajuj mil (470,000) pa Juda.

Nabe Tzijobelil 27:23

Ri David man xerajilaj taj ri c'ä maja' catz'akat jujun tak winak qui junab, rumal rech chi ri Ajawaxel u chi'm chi quebupok'colisaj na ri aj Israel jacha' ri ch'imil ri e c'o chicaj.

Ucab Tzijobelil 1:9

Are' c'u ri camic, Dios xukuje' Ajawaxel, chtz'akatisaj la u banic ri xbij la che ri David ri nu tat, xban c'u ya' la chwe chi quinux ajawinel re jun tinimit ri man c'o ta rajilabal jacha' ri u puc'uq'uil ri ulew.

Ri Job 5:25

Quepok'otaj na ri e awija'lil jacha' k'ayes pa ri juyub.

Elem 1:7

are c'u ri aj israelib xepok'ic, sibalaj xeq'uiyiric xec'oji' q'ui calc'ual xc'oji' c'u sibalaj qui chuk'ab. Xnoj ri ulew cumal.

Elem 32:13

Chenataj ri e pataninel tak ech la che la, ri Abraham, ri Isaac, xukuje' ri Israel, xcha' la chque ri chi'nic ri kas cäban na pa ri bi' la: ‘Quinbano chi ri e u wi' tak i mam sibalaj queq'uiyiric jacha' ri ch'imil ri e c'o pa ri caj, ronojel c'u we ulew ri' ri nu chi'm chiwe, quinya' che quechbal re chbe k'ij sak.’”

Ri Jeremiy 33:22

Xukuje' cuc' ri e rija'lil ri David ri pataninel wech, xukuje' cuc' tak ri e nu pataninelab ri e rija'lil ri Levi, quinban na chque chi man quebajilataj taj e jacha' ri ch'imil re ri caj xukuje' ri qui wäch tak ri sanyeb re ri plo, ri man c'o ta jun cäcuinic querajilaj.”

Ajilanic 23:10

E jacha' ri u puc'uq'uil ri ulew; ¿jachin ta ri cacuin ta che cajilaxic? ¿Jachin ta ri cacuin ta che retamaxic ri cajilabal? ¡C'o ta banom wi chi je ta nu cämic jacha' we suc'alaj tak achijab ri', ri e q'uisbal tak nu k'ij e je taj jacha' ri e quech tak are'!”

U Camulixic ri Pixab 1:10

Sibalaj e q'ui chi c'ut ri e iwalc'ual ri e u yo'm ri Ajawaxel chiwe, camic ix, ix jun nimalaj tinimit chic jacha' ri ch'imil ri e c'o chicaj.

Hebreos 11:12

Rumal ri', che ri jun, ri xa' jubik' cäraj man cäcämic, xeq'uiy wi ulok e q'ui winak, ri man cuya' taj cajilaxic, je jas ri ch'imil re ri caj, je jas ri sanyeb chuchi' ri plo.

Apocalipsis 7:9

Aretak e bantajinak chi we jastak ri', xinca'yic, xinwil q'uialaj winak, ri man c'o ta jun cäcuin che cajilaxic, ronojel qui wäch tak tinimit, amak', winakil, ch'abal. E tac'atoj chuwäch ri tem re ajawibal xukuje' chuwäch ri Alaj Chij, quicojom sakloloj tak atz'iak xukuje' cuc'am u xak tak tut pa qui k'ab.

K'atal tak Tzij 6:3

Aretak ri aj israelib c'o chic u wäch ri qui tico'n, ri aj madianib, ri aj amalesib xukuje' ri winak aj elebal k'ij quepe chquij.

K'atal tak Tzij 6:5

Aretak quepaki' ulok quequic'am ulok ri qui cäbal ri lic'om aj binecatel xukuje' ri cawaj, cäquinojisaj ri u wäch ri ulew, cäquisach u wäch ronojel ri tico'n. Quequic'am ulok qui camey ri man e ajilatal taj e jacha' ri sac' ri e banal tak c'ax.