Chapletajic 13:13 - Quiché Bible

¹³ jawije' ri e c'o wi ri winak ri sibalaj e banal tak etzelal chuwäch ri Ajawaxel.

Chapletajic 13:13 Iomraidhean Croise

Chapletajic 10:9

Ri Nimrod are nimalaj tzucunel rumal ri u to'banic ri Ajawaxel. Chi' esam wi ri tzij ri cäbixic: “Junam ruc' ri Nimrod ri xux nimalaj tzucunel rumal ri u rayibal ri Ajawaxel.”

Chapletajic 15:16

Oc'owinak chi quiejeb sient (400) junab quetzelej na ulok ri e awija'lil pa we c'olbal ri', maja' c'u caquitz'akatisaj u banic ri quetzelal ri aj amoreyib.”

Chapletajic 18:20

Ri Ajawaxel xubij che ri Abraham: “Ri winak aj Sodom, aj Gomor nu tom qui tzijol chi sibalaj e itzel tak winak, xukuje' chi sibalaj e nimak tak ajmaquib,

Chapletajic 19:13

Cäkasach c'u u wäch we c'olbal ri'. Sibalaj q'ui chi c'u ri tzujunic banom chuwäch ri Ajawaxel chquij ri winak re we tinimit ri', rumal ri' xujutak ulok che u sachic u wäch.”

Chapletajic 38:7

Man xkaj ta c'u ri itzel u c'aslemal ri Er chuwäch ri Ajawaxel, rumal ri' xucämisaj.

Chapletajic 39:9

Chupam we ja ri' man c'o ta jun ri c'o ta na u takanic chnuwäch; ri wajaw man c'o ta ri ma ta u jachom pa nu k'ab xane' xak xuwi ri lal, lal c'ut ri rixokil; je c'u ri' ¿jas ta che quinban jun jasach ri sibalaj lawalo, quinmacun ta c'u chuwäch ri Dios?”

Chapletajic 6:11

Nojinak c'u ri uwächulew che etzelal chuwäch ri Dios xukuje' che tokinic.

Ucab Ajawinelab 21:6

Xak c'u u wi' chic xebuporoj ri u c'ojol che tabal tak tok'ob, xebusiq'uij tak ri uxlabal xebuban c'u ch'obonic, xujekeba' ri u ya'ic qui k'ij tak ri uxlabal xukuje' ri itzinic. Ri e u banoj ri xebubano man utz ta xeril ri Ajawaxel, xuq'uis c'u retzelaxic rib chuwäch.

Ri Isaiy 1:9

We ta ri Ajawaxel ri c'o ronojel u cuinem ma ta xebuto'tajisaj can quieb oxib chke, je ta ka c'ulmam ri' jas ri xuc'ulmaj ri Sodom xukuje' ri Gomor.

Ri Jeremiy 23:14

In e wilom ri e k'axal tzij pa Jerusalen quequiban xibibalalaj tak jastak: quekaj pa mac ruc' jun winak chic xukuje' t'orinic, je tak caquiban wa' che quiya'ic tak chajin anima' chque ri banal tak etzelal rech man caquitanaba' ta u banic ri quetzelal. Ri e are' xukuje' tak ri winak ri e jekel chupam ri tinimit xak e junam tak qui banic wa' chwe jacha' ri Sodom xukuje' ri Gomor.

Ri Jeremiy 23:24

¿Jachin ta lo ri cäcuinic cuc'u' ta rib chquiwäch ri nu bak'wäch? Ruc' ri nu wächbalil quinnojisaj ri caj xukuje' ri ulew. In ri Ajawaxel quinjiquiba' u bixic.

Ajilanic 32:23

We c'u man jewa' qui bano, chiwetamaj chi quiban jun macaj chuwäch ri Ajawaxel copan c'u na ri c'äjisabal i wäch rumal we macaj ri'.

Ri Matey 9:10

Xc'ulmatajic chi ri Jesus c'o pa ri mexa cho rachoch ri Matey. E q'ui c'u tok'il tak alcabal xukuje' ajmaquib xet'uyi' pa ri mexa ruc' ri Jesus xukuje' cuc' ri u tijoxelab.

Ri Matey 9:13

Jix chiwetamaj ri quel cubij we tz'ibatalic ri': ‘Ri quinwaj are' chi quel i c'u'x, ma are ta ri qui chi'xic tabal tak tok'ob.’ Man in petinak taj che qui siq'uixic ri e suc', xane' ri ajmaquib, rech cäquiq'uex qui c'u'x.”

Ri Xuan 9:24

C'äte ri' xquisiq'uij chic chucamul ri achi ri moy canok, xquibij che: “Chanimarisaj ba' u k'ij ri Dios. Uj keta'm chi we achi ri' ajmac.”

Ri Xuan 9:31

Keta'm chi ri Dios man quebutatabej ta ri ajmaquib. We c'u c'o jachin ri cuya' u k'ij ri Dios, ri cuban ri u rayibal, are wa' cätatabex rumal.

Romanos 1:27

Xukuje' ri achijab je xquibano. Man xquiban ta chic cuc' ri ixokib jas ri kas ya'tal chque. Xane' xquiban q'uixbalalaj tak jastak ri achijab cuc' cach tak achijab. Xenicow pa tak ri qui rayinic chbil tak quib. Cätajin cäquic'am ulok ri c'axc'olil jas ri takal chque, rumal rech chi xquisach qui be.

Hebreos 4:13

Man c'o ta jun jasach banom ta cho ri uwächulew c'u'm ta chuwäch ri Dios. Conojel ri jastak e ch'anach'oj xukuje' e k'alaj chuwäch ri u bak'wäch ri Jun ri cäkabij wi na jas ri ka banom.

2 Pedro 2:10

Sibalaj cuc'äjisaj c'u na qui wäch ri winak ri cäquiban ri itzelalaj u rayibal ri qui ti'jal, xukuje' cäquiban tz'ilalaj tak jastak, ri man cäquiya' ta quib pa takic. Ri e are' man c'o ta cäquixe'j wi quib, xane' cäquibano jachique ri cäcaj, xukuje' man cäquixe'j ta quib che u bixic c'axalaj tak tzij chque ri c'o quekle'n.

Ri Juds 1:7

Je jas ri Sodom xukuje' Gomor xukuje' ri tinimit ri e sutininak quij, xquiban que jas ri xquiban ri e tako'nib aj caj ri man xeniman taj. Xquiban macunic cuc' ixokib achijab, xukuje' xec'am bic cumal itzel tak rayinic ri man ya'tal ta u banic. Xecoj che c'ambal no'j chi c'o c'äjisabal qui wäch pa ri junalic k'ak'.

Nabe Samuel 15:18

Je c'u ri', we are' ri Ajawaxel xattakow bic xuya' bic takanic chawe chi casachisaj qui wäch ri ajmaquib tak aj amalesib, xukuje' che qui banic c'ax chque c'ä caq'uis na tzij paquiwi'.

Nabe Samuel 2:17

Je c'u ri', sibalaj c'axalaj mac ri cäquiban we alabom ri' chuwäch ri Ajawaxel, man nim ta c'u quequil wi ri tabal tak tok'ob ri queya' che ri Ajawaxel.