Chapletajic 13:10 - Quiché Bible

¹⁰ Ri Lot xca'y apan che ronojel ri u beya' ri nima' Jordan xril c'ut chi, c'ä pa ri alaj tinimit Zoar, ri beya' e c'o q'ui ja' chupam jacha' jun ticonijibal cotz'i'j. Xa co'l man cajunamataj ruc' ri Ejipt. (Wa' je u banic nabe c'ä mäjok chesachisax qui wäch ri tinimit ri Sodom xukuje' ri Gomor rumal ri Ajawaxel.)

Chapletajic 13:10 Iomraidhean Croise

Chapletajic 11:27

E are' tak wa' ri e rija'lil ri u c'ojol ri Tare are ri Abram, ri Nacor, xukuje' ri Aran. Ri u c'ojol ri Aran are ri Lot,

Chapletajic 13:11

Are c'u ri Lot are xucha' ronojel ri u beya' ri nima' Jordan, xbe c'u ri Lot pa elebal k'ij che ri c'olbal ri e c'o wi. Jewa' xc'ulmatajic, aretak ri Abram xukuje' ri Lot xquitas quib.

Chapletajic 13:9

Chawilampe', c'o ronojel ri ulew chawäch, chacha' jachique ri cawaj. Chabana' jun tok'ob, chatasa' awib chwij. We catbe pa ri iquiak'ab in quinbe pa ri mox k'ab, we c'u catbe pa ri mox k'ab in quinbe na pa ri iquiak'ab.”

Chapletajic 14:2

E are' tak wa' ri' xquimajij u banic ch'o'j chrij ri Ber, rajawinel ri Sodom, ri Birs rajawinel ri Gomor, ri Sinab rajawinel ri Adma, ri Semeber rajawinel ri Zeboim, xukuje' chrij ri rajawinel ri Bela, ri tinimit ri cäbix Zoar che.

Chapletajic 14:8

Xebel c'u ulok ri ajawinelab re Sodom, Gomor, Adma, Zeboim, Bela, xebe pa ri beya' re Sidim. Chila' we job ajawinelab ri' xech'ojin ruc' ri Quedorlaomer, ri Tidal, ri Amrapel, ri Arioc, e are' ri quiejeb ajawinelab re Elam, Goim, Sinar, xukuje' Elasar.

Chapletajic 3:6

Xril c'u ri ixok chi sibalaj je'lic ri u wäch ri che', xpe u rayinic che u tijic rech cäc'oji' retamanic. Xuchup c'u jun chque ri e u wäch ri che', xutij c'ut xuya' c'u rech ri rachajil, xukuje' c'u ri are' xutijo.

Chapletajic 47:6

Ronojel ri ulew re Ejipt c'o pa a k'ab. Chaya' ri Gosen chque, are c'u utzalaj ulew wa' pa Ejipt, rech quecanaj che jekelem chi'. We c'u cach'obo chi e c'o sac'ajalaj tak achijab chquixo'l, chebacojo' che takanelab paquiwi' ri wawaj.”

Chapletajic 6:2

ri e ralc'ual ri Dios xquilo chi ri alitomab ri' sibalaj e je'lic. Xequicha' quixokil chquixo'l, xec'uli' c'u cuc' jachin ri xcaj wi.

Nabe Ajawinelab 7:46

Ri ajawinel xebuban wa' pa k'ak' pa tak molte re sanyeb, pa ri ulew ri c'o chunakaj ri Jordan, chuxo'l ri Sucot ruc' ri Saretan.

Ri Job 40:23

We caq'uiy ri nima' man cuxe'j ta rib; pune' copan ri nima' c'ä pa u tza'm man c'o ta jas cubij u c'u'x.

Salmib 107:34

ri ulew ri cäwächinic cuq'uex pa rulewal atz'am rumal ri quetzelal ri winak ri e c'o chila';

Ri Isaiy 15:5

Ri wanima' cutz'onoj chi quet'oy ri aj Moab ri winak quebanimajic, quebe c'ä pa Zoar, c'ä pa Eglat-selisiy. Quebok'ic quepaki' cho ri tac'atic juyub re Luhit pa ri be re Horonaim cäquirak qui chi' rumal ri c'axc'ol ri cätajin cäquiriko.

Ri Isaiy 51:3

Ri in quinban na utzil che ri Sion, ri tinimit ri yojyobinak ronojel. Quebenjalwächij na chaki'j tak ulew ri e c'o pa ri chaki'j uwo sak pa jun ticbal cotz'i'j. Jacha' ri ticonijibal cotz'i'j ri xusuc'umaj ri Ajawaxel pa Eden. Chila' cäc'oji' wi na utzil, xukuje' quicotemal, bix re k'ijilanic xukuje' rok'ebal k'ojom.

Ri Jeremiy 48:34

Ri winak re Esbon caquirak qui chi' rumal ri k'oxomal, ri qui rakoj tak chi'aj quebopan c'ä pa Eleal xukuje' pa Jahaz, kas c'u pa Zoar c'ä pa Horonaim xukuje' c'ä pa Eglat-selisiy, e tzajtzobinak c'u ne tak ri e u q'uiyibal tak ja' ri e c'o pa Nimrim.

Ri Ezequiel 16:46

Pa ri u wiquiak'ab ri elebal k'ij c'o wi ri awatz, ri tinimit Samar, e rachil ri alaj tak u tinimit; pa ri u mox ri elebal k'ij, c'o wi ri a chak', ri tinimit re Sodom, e rachil ri alaj tak u tinimit.

Ri Ezequiel 16:49

Are wa' ri u mac ri a chak' Sodom: xquina' quib chi nimak qui k'ij rumal rech chi c'o sibalaj caquitzukbej quib xukuje' chi c'o ronojel u wäch k'inomal cuc', mawi c'u jumul xquiban ta jun tok'ob che ri meba' mawi che ri c'o u rajawaxic.

Ri Ezequiel 28:13

At c'o can pa Eden, ri u ticonibal ri Dios, at wiktal cuc' ronojel qui wäch abaj ri pakal cäjil: rubi, crisolit, jad, topas, cornalin, jasp, zapir, granat xukuje' esmerald; ri e wikbal tak awib xukuje' ri e u wi' tak a xiquin e k'an puak, xesuc'umax kas pa ri k'ij ri xatq'uiyisaxic.

Ri Ezequiel 31:8

Man c'o ta jun chacalte' ri c'o ta pa ri u ticonijibal ri Dios cäjunamataj ta ruc'; man c'o ta juwi' chäj ri e c'o ta u k'ab e jacha' ri u k'ab, man c'o ta jun tz'unuj ri e c'o ta sibalaj u xak, man c'o ta juwi' che' pa ri u ticonijibal ri Dios cajunamataj ta ruc' ri u je'lical.

Ri Ezequiel 31:9

In xinbanow je'lic che cumal ri q'uialaj u k'ab; ri niq'uiaj juwi' tak che' chic ri e c'o pa ri Eden ticbal u cotz'i'j ri Dios, cätitat caquina' che.’

Ri Ezequiel 47:18

Ri e c'ulbatil aj elebal k'ij quechaptaj bic chquixo'l ri Orion xukuje' ri Damasc quetakal c'ä pa ri tinimit Tamar, chunakaj ri Cäminak Cho, are' cutakej ri u rabic ri u chi' ri nima' Jordan cäkaj bic, are c'u cäcanaj wa' che c'ulbat chuxo'l ri Galaad ruc' ri Israel.

Ri Joel 2:3

Quejunamataj ruc' ri k'ak', ri ronojel cujarisaj; ri caporon chic c'a maja' coc'owic xukuje' c'une' aretak oc'owinak chic. Ri ulew, aretak c'a maja' quebopanic are jun ticonijibal ri sibalaj je'lic, aretak quebec cajunamataj chi can ruc' jun chaki'j uwo sak. ¡Man c'o ta jas ri cäto'taj ta can cumal!

U Camulixic ri Pixab 34:3

ri Negueb, ri u beya' ri Jordan xukuje' ri u lianic ri Jerico ri tinimit ri e c'o wi tak tut, copan c'ä pa Zoar.