Chapletajic 12:3 - Quiché Bible

³ Quebentewichi'j na ri catquitewichi'j, quebenc'okoj na ri catquic'okoj; conojel ri winak cho ri uwächulew cäquirik na tewichibal rumal awech.”

Chapletajic 12:3 Iomraidhean Croise

Chapletajic 18:18

cux c'u na qui tat jun cowilaj nim tinimit ri nim u k'ij. Nu bim c'u che chi rumal are' quebentewichi'j na conojel tak ri nimak tinimit ri e c'o cho ri uwächulew.

Chapletajic 18:19

Nu cha'om rech quebutak ri e u c'ojol xukuje' ri e rija'lil che qui nimaxic ri e nu tijonic, rech cäquiban ronojel ri utz, ri suc', quinban c'u na in ronojel ri nu bim.”

Chapletajic 22:18

conojel c'ut ri nimak tak tinimit cho ri uwächulew caquirik na tewichibal rumal quech. Rumal rech chi at nimaninak chwe.’ ”

Chapletajic 24:35

Ri Ajawaxel sibalaj u tewichi'm ri wajaw Abraham, u yo'm u k'inomal: e u yo'm u chij, u wacax, xukuje' u rajil re sak puak re k'an puak, e c'o pataninel tak rech achijab xukuje' ixokib, e c'o u camey, e c'o u bur.

Chapletajic 25:11

Chwi' ri u cämical ri Abraham, ri Dios xutewichi'j ri Isaac ri xcanaj can che jekelem chunakaj ri c'ua' ri u binam: “Ri C'aslic Quinuca'yej.”

Chapletajic 26:29

Chi mawi cäban jun etzelal chke, man c'o ta c'u c'ax ka banom uj chawe. Xuwi c'u utzil ka banom chawe, xatkajach ulok ruc' quicotemal, cätajin c'u cattewichi'x rumal ri Ajawaxel camic.”

Chapletajic 26:4

Quinbana' na chi ri e awija'lil quebux na sibalaj e q'ui e jacha' ri ch'imil ri e c'o cho ri caj, quinya' c'u na ronojel we ulew ri' chque. Quebentewichi'j c'u na conojel ri nimak tak tinimit rech ri uwächulew cumal ri e awija'lil.

Chapletajic 27:29

Tinimit winak chatpatanin na; chi ri nimak tak tinimit chiquixucu' quib chawäch. Chattakan paquiwi' ri kas e awachalal; ¡cäquimej quib chawäch! Ri catquic'okoj na, quec'okotaj na, ri catquitewichi'j, quetewichitaj na.”

Chapletajic 28:14

Ri e are' quebux na jacha' ri u puc'uq'uil ri ulew, caquilic' na quib pa ri iquiak'ab xukuje' pa ri mox k'ab, pa ri elebal k'ij pa ri kajebal k'ij, conojel c'ut ri achalaxic re ri uwächulew quetewichitaj na rumal awech xukuje' cumal tak ri e awija'lil.

Chapletajic 30:27

Xutzelej c'u u bixic ri Laban che: “Chabana' tok'ob, chatcanaj canok wuc'. In cuininak che retamaxic rumal ch'obonic chi ri Ajawaxel in u tewichi'm rumal awech.

Chapletajic 30:30

aretak xinulic, man e q'ui ta ri chij la e c'olic, camic c'ut sibalaj e pok'irinak chic. Aretak xinulic, chi' xchapletaj tewichi'xic la rumal ri Ajawaxel; ¿jampa' c'u quinchaplej chac in che quilixic ri wixokil xukuje' ri walc'ual?”

Chapletajic 39:5

Kas pa ri k'ij aretak ri Potipar xujach ri takanic pa u k'ab ri Jose puwi' ri rachoch xukuje' ronojel ri jastak rech, ri Ajawaxel xutewichi'j ri Potipar, pa ri rachoch jacha' xukuje' pa ri rulew.

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Elem 23:22

We c'u kastzij catniman che, caban ronojel ri nu takom u banic, quinux qui c'ulel ri qui banom qui c'ulel chawe, quink'atij qui wäch ri quek'atin a wäch.

Ajilanic 24:9

Aretak cacoti' che uxlanem, jeri' cäbantaj jun coj: man c'o ta jachin jun cuchajij ta anima' cuc'asuj. ¡Chtewichitaj ri cattewichinic, xukuje' chc'okotaj ri catc'okonic!”

Ri Matey 25:40

Ri Ajawinel cubij na chque: ‘Kastzij quinbij chiwe chi ronojel ri xiban che jun chque we ch'utik tak wachalal ri', chwe in xiban wi.’

Ri Matey 25:45

Ri Ajawinel cubij na chque: ‘Kastzij quinbij chiwe chi ronojel ri man xiban ta che jun chque we ch'utik tak wachalal ri', chwe in ri' man xiban ta wi.’

Ri Lucax 24:27

Xuchaplej c'u ulok ruc' ri u Tzij ri Moises xukuje' ri qui Tzij conojel ri e k'axal tak tzij. Xuk'alajisaj chquiwäch ri Tzij ri qui bim can chrij ri are' pa conojel ri Tz'ibatalic.

Romanos 4:11

Ri retal re kopinic ri Abraham ri xcojic, ri xkopix che ri u wi' ri u tz'umal ri achi wi, are cäc'utuwic chi k'alajisam chic chi suc' chic rumal ri u cojonic. Xcojon c'ut aretak c'ä majok chcoj ri retal re kopinic. Jeri' ri Abraham xux qui mam conojel ri quecojonic, pune' man cojom ta ri etal re kopinic chque. Jeri' ri Dios xukuje' quebuk'alajisaj chi e suc'.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

Gálatas 3:16

Ri Dios xubij ri chi'm che ri Abraham xukuje' chque ri rija'l. Ri Tz'ibatalic man cubij taj: “Chque ri e awija'lil”, je ta ne chquij q'ui, xane' cubij che jun: “Che ri awija'lil”. Are' ri Crist.

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

Gálatas 3:8

Ri Tz'ibatalic cubij c'u ulok chi ri Dios cuk'alajisaj chi e suc' ri man aj judeyib taj rumal ri cojonic. Xutzijoj ulok ri utzalaj tak tzijol che ri Abraham aretak xubij: “Conojel ri nimak tak tinimit quetewichitaj na rumal awech.”

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

Colosenses 3:11

Man c'o ta chi cubij we aj judey o we man aj judey taj, we kopim ri u wi' ri u tz'umal ri ix achijab wi o man kopim taj, we naj cäpe wi, we man c'o ta retamanic, we lok'om pataninel o tzokopitalic; ri c'o cubij chi ri Crist are' ronojel pa conojel.

Apocalipsis 7:9

Aretak e bantajinak chi we jastak ri', xinca'yic, xinwil q'uialaj winak, ri man c'o ta jun cäcuin che cajilaxic, ronojel qui wäch tak tinimit, amak', winakil, ch'abal. E tac'atoj chuwäch ri tem re ajawibal xukuje' chuwäch ri Alaj Chij, quicojom sakloloj tak atz'iak xukuje' cuc'am u xak tak tut pa qui k'ab.