Chapletajic 12:2 - Quiché Bible

² Quinban na jun nim tinimit ri nim u k'ij chque ri e awija'lil; catintewichi'j na xukuje' quinnimarisaj na a k'ij, catux c'u na jun tewichibal chque niq'uiaj chic.

Chapletajic 12:2 Iomraidhean Croise

Chapletajic 13:16

In quinban na chi ri e are' quebux na e jacha' ri u puc'uq'uil ri ulew. Je c'u ri' jacha' chi man ya'tal taj quebajilax ri e u bak'wäch ri puc'uc', mawi xukuje' ya'talic chi quebajilax ri e u k'ab tak awachalaxic.

Chapletajic 15:5

Ri Ajawaxel xuc'am bic ri Abram cho ja, xubij che: “Chatca'y chicaj, chebawajilaj ri ch'imil we catcuinic. Jewa' ri qui q'uial ri e awija'lil.”

Chapletajic 17:20

Nu tom ri a ch'awem puwi' ri Ismael, quintewichi'j c'u ri are'; quinbano chi quec'oji' e q'ui u c'ojol xukuje' chi queq'uiyir ri e u k'ab tak rachalaxic. Ri Ismael queralc'ualaj na cablajuj (12) c'amal tak be ri nimak qui k'ij. Quinbano chi ri are' cupok'isaj na jun nim tinimit, sibalaj nim.

Chapletajic 18:18

cux c'u na qui tat jun cowilaj nim tinimit ri nim u k'ij. Nu bim c'u che chi rumal are' quebentewichi'j na conojel tak ri nimak tinimit ri e c'o cho ri uwächulew.

Chapletajic 18:19

Nu cha'om rech quebutak ri e u c'ojol xukuje' ri e rija'lil che qui nimaxic ri e nu tijonic, rech cäquiban ronojel ri utz, ri suc', quinban c'u na in ronojel ri nu bim.”

Chapletajic 19:29

Jewa' xuban ri Dios che u sachic u wäch ri tinimit tak ri e c'o xo'l tak ri juyub, jawije' xc'oji' wi ri Lot, xnataj c'u ri Abraham che ri Dios. Rumal ri' xresaj ulok ri Lot pa ri c'olbal ri xsach u wäch.

Chapletajic 24:1

Sibalaj c'u ne nim winak chic ri Abraham, ri Ajawaxel u tewichi'm c'u pa ronojel.

Chapletajic 24:35

Ri Ajawaxel sibalaj u tewichi'm ri wajaw Abraham, u yo'm u k'inomal: e u yo'm u chij, u wacax, xukuje' u rajil re sak puak re k'an puak, e c'o pataninel tak rech achijab xukuje' ixokib, e c'o u camey, e c'o u bur.

Chapletajic 25:11

Chwi' ri u cämical ri Abraham, ri Dios xutewichi'j ri Isaac ri xcanaj can che jekelem chunakaj ri c'ua' ri u binam: “Ri C'aslic Quinuca'yej.”

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Chapletajic 26:4

Quinbana' na chi ri e awija'lil quebux na sibalaj e q'ui e jacha' ri ch'imil ri e c'o cho ri caj, quinya' c'u na ronojel we ulew ri' chque. Quebentewichi'j c'u na conojel ri nimak tak tinimit rech ri uwächulew cumal ri e awija'lil.

Chapletajic 27:29

Tinimit winak chatpatanin na; chi ri nimak tak tinimit chiquixucu' quib chawäch. Chattakan paquiwi' ri kas e awachalal; ¡cäquimej quib chawäch! Ri catquic'okoj na, quec'okotaj na, ri catquitewichi'j, quetewichitaj na.”

Chapletajic 28:14

Ri e are' quebux na jacha' ri u puc'uq'uil ri ulew, caquilic' na quib pa ri iquiak'ab xukuje' pa ri mox k'ab, pa ri elebal k'ij pa ri kajebal k'ij, conojel c'ut ri achalaxic re ri uwächulew quetewichitaj na rumal awech xukuje' cumal tak ri e awija'lil.

Chapletajic 35:11

ri Dios xubij che: “In ri' ri Dios ri c'o ronojel u cuinem; chec'ol q'ui awalc'ual xukuje' ri e awija'lil Chawe quel wi na jun nim tinimit xukuje' q'ui tak tinimit, quebel na ajawinel chquixo'l tak ri e awija'lil.

Chapletajic 46:3

Ri Dios xubij che ri Jacob: “In ri' ri Dios, ri u Dios ri a tat. Maxe'j awib che ri a benic pa Ejipt, quinban c'u na chi ri e awija'lil quebux na jun nim tinimit ri nim u k'ij.

Ucab Samuel 7:9

at c'u wachilam apawije' ta ne ri at benak wi, nu q'uisom tzij paquiwi' conojel ri c'ulel ri xebel ulok che a cämisaxic sibalaj c'u nu nimarisam a k'ij, jacha' ri u nimarisaxic qui k'ij ri achijab ri nimak na qui k'ij ri e c'o cho ri uwächulew.

Nabe Ajawinelab 1:47

ri e rach k'atal tak tzij ri ajawinel David, e opaninak ruc', che u bixic che chi quequicot ruc', xukuje' che u rayixic chi ri Dios chubana' chi utz ta chel na ri Salomon, chnimar ta na ri rajawibal chuwäch ri ech la. Xumej c'u rib ri ajawinel David pa ri u ch'at che u k'ijilaxic ri Dios,

Ri Job 35:8

Chque tak ri winak jacha' ri lal ri cuban wi c'ax ri mac la xukuje' ri cuban wi utzil ri e utzalaj tak banoj la.

Salmib 107:38

Ri Ajawaxel quebutewichi'j, quebupok'isaj, xukuje' quebupok'isaj ri cawaj.

Elem 1:7

are c'u ri aj israelib xepok'ic, sibalaj xeq'uiyiric xec'oji' q'ui calc'ual xc'oji' c'u sibalaj qui chuk'ab. Xnoj ri ulew cumal.

Elem 32:10

¡Camic chinaya' can pa jamaril nicowirinak c'u ri woyowal quinsachisaj na qui wäch! Ri in quinban na chawe jun nimalaj tinimit.”

Ri Isaiy 51:2

Chiwilampe' ri Abraham, ri i tat, xukuje' ri Sara, ri xyo'w i c'aslemal. Aretak xinsiq'uij xa jun u tuquelam rib, xintewichi'j c'ut xebenya' e q'ui rija'lil.

Ri Ezequiel 34:26

In quebenya' na ri nu chij chrij ronojel ri tastalicalaj nu juyub, quebentewichi'j c'u na; quebenjabij na ulok tewichibal paquiwi', pa ri k'ijol ri takalic.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Ri Zacariy 8:13

Je c'u ri' jacha' ri ix, ri ix aj judeyib xukuje' ri ix ri ix aj israelib, xixux can c'okobal chquixo'l ri niq'uiaj nimak tak tinimit chic, jeri' ri in camic quixinto'tajisaj na quinban c'u na chi quixux tewichibal. ¡Mixe'j iwib! ¡Chebicojo tak i chuk'ab!”

Ajilanic 14:12

Quintak na ulok jun cämisanel yabil paquiwi' che qui k'atixic rech man queboc ta che rechbexic we ulew ri'; chawe c'u at quinban c'u na jun tinimit ri nim na xukuje' c'o na u chuk'ab chquiwäch e are'.”

Ajilanic 22:12

Ri Dios xubij che ri Balaam: “Man catbe ta cuc' mawi mac'okoj we tinimit ri', we tinimit ri' nu tewichi'm.”

Ajilanic 23:20

In c'o takanic wuc' che u tewichi'xic; we ri Dios cätewichinic, in man quincuin taj quinc'ulelaj.

Romanos 4:11

Ri retal re kopinic ri Abraham ri xcojic, ri xkopix che ri u wi' ri u tz'umal ri achi wi, are cäc'utuwic chi k'alajisam chic chi suc' chic rumal ri u cojonic. Xcojon c'ut aretak c'ä majok chcoj ri retal re kopinic. Jeri' ri Abraham xux qui mam conojel ri quecojonic, pune' man cojom ta ri etal re kopinic chque. Jeri' ri Dios xukuje' quebuk'alajisaj chi e suc'.

Gálatas 3:14

Je xuban wa' rech cäpe ri u tewichibal ri Abraham paquiwi' ri man aj judeyib taj rumal ri Crist Jesus, xukuje' rech rumal ri cojonic, cäkac'am ri Uxlabaxel ri u bim ulok ri Dios chi cuya' na.

Gálatas 3:7

Chich'obo' ba' chi ri quecojonic, are ri' kas e rija'lil ri Abraham.

U Camulixic ri Pixab 26:5

Quebabij c'u na we tzij ri' chuwäch ri Ajawaxel ri a Dios: ‘Ri e nu mam xak e quieb oxib aj arameyib ri xak xebinic, xecokxanij quib pa Ejipt, xejeki' c'u can chila', xebux c'u jun nim tinimit ri xc'oji' qui chuk'ab xukuje' man quebajilataj taj.