Chapletajic 10:15 - Quiché Bible

¹⁵ Ri u nabeal ri Canaan are ri Sidon; Het u bi' ri chak'axel.

Chapletajic 10:15 Iomraidhean Croise

Chapletajic 23:3

Xelextax c'u bic jawije' c'o wi ri Sara ri cäminak, xbe che u bixic chque ri aj hititib ri e aj chila':

Chapletajic 24:3

chabana' ri chi'nic ri kas cäban na pa ri u bi' ri Ajawaxel, ri Dios ri ajchak'e ri caj ulew, chi mac'uluba' ri nu c'ojol Isaac ruc' jun ali ri quel waral pa Canaan jawije' ri in c'o wi,

Chapletajic 49:13

Ri Zabulon cäc'oji' chuchi' ri plo, ri quebopan tak wi ri jucub. Ri e u c'ulbatil copan c'ä pa Sidon.

Ucab Samuel 11:3

Xuya' takanic ri David chi chetamaxok jachin we ixok ri', xbix c'u che chi we ixok ri' are' ri Betsabe u mia'l ri Eliam rixokil c'ut ri Uriy aj hitit.

Ucab Samuel 24:6

Xebe chi c'u pa Galaad xukuje' pa Cades, pa ri culew ri aj hitit. Xebopan c'u pa Dan xecotin pa Sidon.

Nabe Tzijobelil 1:13

Ri Canaan are' u tat ri Sidon, ri nabe u c'ojol xukuje' re ri Het.

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Elem 34:11

Chebitz'akatisaj ba' qui banic ri ix nu takom wi camic, are c'u ri in quebenwesaj bic chiwäch ri aj amoreyib, ri aj cananeyib, ri aj hititib, ri aj perezeyib, ri aj hebeyib, ri aj jebuseyib.

Ri Isaiy 23:4

Sibalaj chatq'uixok, Sidon, u chuk'ab ri plo, cabij c'u na: “Man c'o ta chi k'oxom chwe re alanic, man quinwil ta chiquiwäch wal. Man e c'o ta chi wal alabom quebenq'uiyisaj, man c'o ta chi wal alitomab quebenchajij.”

Ri Jeremiy 47:4

Xopan c'u ri k'ij che u sachisaxic qui wäch ri aj pilisteyib, che quesaxic che ri Tir xukuje' ri Sidon ri to'l tak quech ri c'ä e canajinak. Je, ri Ajawaxel cusachisaj qui wäch ri aj pilisteyib, ri xebel ulok pa ri ulew ri c'o chupam ri plo re Cret.

Ri Ezequiel 27:8

Ri achijab ri quepakchi'n ri a jucub e aj Sidon xukuje' aj Arbad, ri e c'amal tak u be ri a jucub e nawinelalaj tak awachijab.

Ri Ezequiel 28:21

“At, winak, chatca'y apan che ri Sidon, chatch'aw c'u pa ri nu bi' chaya' u bixic ri u c'äjisaxic u wäch,

Ri Josue 11:8

ri Ajawaxel Dios xuya' ri ch'äcanic chque ri aj israelib, xquitakej c'u qui cämisaxic c'ä xebopan na pa ri tinimit Sidon xukuje' pa Misrepot-maim, pa ri elebal k'ij c'ä pa ri lianic pa Mizpa. Mawi jun chque xc'asi' ta canok.

Nabe Samuel 26:6

Xtzijon c'u ri David ruc' ri Ahimelec ri aj hitit xukuje' ruc' ri Abisay ral ri Sarb rachalal ri Joab xuc'ot qui chi': “¿Jachin chiwe cuya' u tzij cäkaj bic wuc' pa ri kajebal c'ä jawije' c'o wi ri Saul?” “In quinkaj bic uc' la,” xcha' ri Abisay.