Chapletajic 1:24 - Quiché Bible

²⁴ Xubij chi ri Dios: “Chebupok'isaj ri ulew ronojel qui wäch awaj: aj uwo ja xukuje' juyubal tak awaj, xukuje' ri cäquijururej quib puwi' ri ulew.” Je c'u xbantajic.

Chapletajic 1:24 Iomraidhean Croise

Chapletajic 1:23

Jewa' ri u tz'akatisaxic ri uro' k'ij.

Chapletajic 2:19

Are c'u ri Ajawaxel Dios ulew xucoj che qui banic conojel ri awaj xukuje' conojel tak ri chicop ri c'o qui xic', xebuc'am c'u ulok chuwäch ri achi rech quebucoj qui bi'. Ri achi xucoj qui bi' conojel ri awaj aj uwo ja, conojel ri chicop ri c'o qui xic' xukuje' conojel ri juyubal tak awaj, are c'u bi'aj wa' xcanaj chque. Man c'o ta c'u ne jun chque ri utz ta xel che to'l rech ri xtaki' ta che.

Chapletajic 6:20

Queboc na awuc' pa ri jucub pa tak c'ulaj ronojel qui wäch awaj: chicop ri c'o qui xic', awaj aj uwo tak ja, xukuje' awaj ri cäquijururej quib puwi' ri ulew, rech quec'asi'c.

Chapletajic 7:14

Ronojel qui wäch juyubal tak awaj xeboc cuc' pa ri jucub, xukuje' ronojel qui wäch tak awaj ri e aj uwo ja ronojel qui wäch awaj ri cäquijururej quib xukuje' ronojel qui wäch chicop ri c'o qui xic'.

Chapletajic 8:19

Xukuje' xebel ulok conojel ri awaj ri e aj uwo ja, xukuje' ri e juyubal tak awaj, ri awaj ri cäquijururej quib, xukuje' ri chicop ri c'o qui xic'.

Ri Job 39:1

“¿La aweta'm jampa' quebalan ri juyubal tak q'uisic'? ¿La awilom aretak cac'oji' cal ri cati'tab tak ri ama'ib tak mazat?

Ri Job 39:19

¿La xa pu at xatyo'w u chuk'ab ri quiej, jachin xwikow ri rij u wi' cuc' ri u wi'?

Ri Job 39:5

¿Jachin xyo'w che ri juyubal bur chi cawacatilobic? ¿Jachin xyo'w che chi tzokopitalic cabinic?

Ri Job 39:9

¿La are pa a c'u'x chi ri juyubal wacax caraj catupatanij cäroc'owisaj ta c'u ri chak'ab chupam ri qui warabal ri awawaj?

Ri Job 40:15

Chawila' ri jilijic Behemot, nu q'uiyisam junam awuc': cutij k'ayes jacha' ri wacax;

Salmib 104:18

Ri tac'atak tak juyub are' qui c'olbal chque ri juyubal tak q'uisic', xo'l tak ri abaj cäquic'u' wi quib ri imul.

Salmib 104:23

C'äte ri' quel ulok ri winak cäbe pa ri u chac cachacun c'ut c'ä coc na ri ak'ab.

Salmib 148:10

¡Ri awaj e aj uwo tak ja xukuje' ri e juyubal tak awaj! ¡Ri chicop ri c'o qui xic' xukuje' ri caquijuruj tak quib!