Chapletajic 1:16 - Quiché Bible

¹⁶ Ri Dios xebuban ri quieb sakilal: ri nim rech cätunun pa k'ij xukuje' ri ch'utin rech cätunun chak'ab. Xukuje' xebuban ri ch'imil.

Chapletajic 1:16 Iomraidhean Croise

Ri Job 31:26

Wilom ri k'ij cajuluwic xukuje' cabin ri ic' ruc' ronojel ri u jolk'inic,

Ri Job 38:7

quebixon c'ut ri ch'imil rech chuxo'l ri qui quicotemal ri e pataninel tak wech aj caj?

Salmib 148:3

¡Chik'ijilaj ix, k'ij xukuje' ic'! ¡Chik'ijilaj ix, juluwemalaj tak ya'l sakilal!

Salmib 148:5

Chiya' u k'ij ri u bi' ri Ajawaxel, are c'u ri are' xuya' jun takanic, ronojel c'ut xebantajic;

Salmib 19:6

Quel ulok ri k'ij, pa jun u xcut ri caj cäcotin c'ut c'ä copan na pa ri jun uxcut chic, man c'o ta c'u ri cacuinic canimaj ta chuwäch ri u k'ak'al.

Salmib 74:16

E ech c'u la ri pa k'ij xukuje' ri chak'ab, lal xjekeban la ri ic' xukuje' ri k'ij,

Salmib 8:3

Aretak quinwil ri caj ri kas rt lal xabanow la, ri ic' xukuje' tak ri ch'imil ri xecoj la chuwäch,

Ri Isaiy 13:10

Ri ch'imil xukuje' ronojel ri c'o cho ri caj man quetunun ta chic; ri k'ij c'äte jubik' quel ulok cäk'ekumaric, ri ic' man cäjuluw ta chic.

Ri Isaiy 24:23

Aretak ri Ajawaxel ri c'o ronojel u cuinem cuc'ut rib chi are ajawinel pa ri juyub Sion xukuje' pa Jerusalen, ri k'ij xukuje' ri ic' cäk'ekumar na, ri e c'amal tak u be re ri u tinimit cäquil na ri u juluwem ri Ajawaxel.

Ri Isaiy 40:26

Chixca'yampe' chicaj, chiwila' c'ut: ¿Jachin xbanow ronojel wa'? Ri cujach qui wäch chquijujunal, conojel c'ut quebusiq'uij ruc' ri qui bi'. Sibalaj nim ri u cuinem xukuje' ri u chuk'ab, chi man c'o ta jun chque ma ta copanic.

Ri Isaiy 45:7

In quinyo'w ri sakil xukuje' ri k'eku'm, in quinyo'w ri utzalaj c'aslemal xukuje' ri u q'ueyowal. In, ri Ajawaxel ri quinbanow conojel we jastak ri'.”

Ri Jeremiy 31:35

Ri Ajawaxel, ri xucoj ri k'ij rech catunun pa k'ij xukuje' ri ic' xukuje' tak ri ch'imil rech quetunun chak'ab, ri cabanowic chi cuyujula' rib ri plo xukuje' chi quejinin tak ri rekbala', ri cabinax Ajawaxel ri c'o ronojel u cuinem, je cubij wa':

Ri Habacuc 3:11

Ri k'ij xukuje' ri ic' man quebel ta ulok chupam ri c'olbal quib chuwäch ri c'aslicalaj quijulk'inic ri e ch'ab la xukuje' tak ri e ruc'upinic che ri tz'imaj ch'ich' la.

Ri Matey 24:29

“Chanim c'ut, aretak oc'owinak chic ri k'ij ri' re ri c'axc'olil, ri k'ij cäk'ekumar na, ri ic' man cuya' ta chic ri u sakil, ri ch'imil ri e c'o chicaj quetzak na ulok, ri chuk'ab e aj caj queyicop na.

Ri Matey 27:45

Kas pa ri tiq'uil k'ij c'ä pa ri urox jok'otaj benak k'ij xk'ekumar ronojel ri uwächulew.

1 Corintios 15:41

Jun wi ri u juluwem ri k'ij, jun chi wi ri u juluwem ri ic', jun chi wi ri qui juluwem ri ch'imil. Xukuje' ri ch'imil jalajoj ri qui juluwem.

U Camulixic ri Pixab 4:19

Xukuje' aretak quixca'y cho ri caj, quiwil c'u ri k'ij, ri ic', xukuje' conojel tak ri ch'imil ri e c'o chicaj, mixtzak c'u chupam ri takchibal macaj, che qui k'ijilaxic. Are c'u ri Ajawaxel ri i Dios xebuq'uiyisaj tak ri ch'imil chque conojel ri tinimit cho ri uwächulew.

Apocalipsis 21:23

Ri tinimit man cajwataj ta ri k'ij che rech cuya' ri u sakil, mawi rajawaxic ri ic' che. Are c'u ri u juluwem ri Dios xjuluw puwi', are c'ut ri u chäj are' ri Alaj Chij.