Chapletajic 1:11 - Quiché Bible

¹¹ xubij: “Ri ulew chebuq'uiyisaj ronojel qui wäch k'ayes xukuje' ichaj ri quequiya' ija', cheq'uiy ronojel qui wäch che' ri quequiya' wächinic.” Je c'u xbantajic.

Chapletajic 1:11 Iomraidhean Croise

Chapletajic 1:12

Xeq'uiy c'ut ronojel qui wäch k'ayes cho ri ulew ri quequiya' qui wäch, xukuje' xeq'uiy ronojel qui wäch che' ri quequiya' wächinic. Xril c'u ri Dios chi utz xelic.

Chapletajic 1:29

Xukuje' xubij chi na chque: “Chiwilampe', quebenjach pa i k'ab ronojel qui wäch k'ayes ri e c'o cho ri uwächulew ri quequiya' ija', xukuje' conojel ri che' ri quequiya' qui wächinic. Ronojel wa' cajwataj che tzukbal iwib.

Chapletajic 2:16

xuya' we takanic ri' che: “Cuya' catij awe ri qui wäch conojel ri che' ri e c'o pa ri ticonijibal, Matij c'u awech ri u wäch ri che' ri cuya' retamaxic ri utz xukuje' ri man utz taj.

Chapletajic 2:5

maja' c'u c'o jun k'ayes cho ri uwächulew mawi c'o jun ichaj q'uiyinak rumal rech chi ri Ajawaxel Dios maja' cukasaj jäb puwi' ri ulew, mawi c'o jachin caticow ri ulew.

Chapletajic 2:9

Ri Dios xebuq'uiyisaj chila' ronojel qui wäch je'licalaj tak che' ri quequiya' utzalaj tak wächinic utz qui tijic. Pa u niq'uiajil c'ut ri ticonijibal xucoj wi ri juwi' che' re ri c'aslemal, xukuje' ri juwi' che' ri cuya' retamaxic ri utz xukuje' ri man utz taj.

Ri Job 28:5

Ri ulew pa ri u wi', cuq'uiyisaj trico, are c'u ri chuxe' uxinak jacha' k'ak'.

Salmib 1:3

Ri winak ri' junam ruc' juwi' che' ri tiquil chuchi' jun nima', ri cuya' u wächinic pa ri u k'ijol ri mawi jubik' quechaki'jar ta ri u xak. ¡Ronojel ri cubano, utz quelic!

Salmib 147:8

Ri are' cuch'uk ri caj ruc' ri sutz', cucolomaj ri jäb che ri ulew, quebuq'uiyisaj ri k'ayes pa tak ri juyub,

Ri Isaiy 61:11

Jacha' c'ut ri qui q'uiyic ulok ri tico'n pa ri ulew queq'uiy c'u ulok ri tuxaj chupam ri u ticbal cotz'i'j, jeri' cuban na ri Ajawaxel chi cäq'uiy na ri u ch'äcanic, chi conojel c'ut ri nimak tak tinimit chequibixoj na bix re k'ijilanic.

Ri Jeremiy 17:8

Cux c'u na jacha' juwi' che' ri tiquil chuchi' jun nima', ri quebuyuk tak ri e u ra'b chuchi' ri ja' man c'u cuna' ta rib aretak quepe tak ri k'ak'al, amak'el xak cätojtak wi ri e u xak. Pa ri u k'ijol ri sak'ij man cuna' taj, mawi jumul cutanaba' ta u ya'ic u wäch.

Ri Matey 3:10

Camic yo'm chic ri icäj che qui t'oyic bic ri che' c'ä chaquixe'. Ronojel che' ri man cuya' ta utzalaj u wächinic, cächoy na, cäq'uiak pa ri k'ak'.

Ri Matey 6:30

We ri k'ayes re ri juyub, ri c'o camic, chwek c'ut cäq'uiak pa k'ak', je ratz'iakixic wa' rumal ri Dios, ¡e ta c'u lo ri ix; ay ri ix, xa' jubik' i cojonic!

Marcos 4:28

Pa re wi cäwächin ri ulew: nabe quel ulok ri tuxaj, te c'u ri' ri äj, c'äte ri' ri jolomaj quechomakir c'ut ri u wäch ri jolomaj.

1 Corintios 15:38

Ri Dios c'ut cäyo'w ri u banic ri tico'n, jas ri xraj. Cuya' chque ri ija' chquijujunal ri qui banic ri qui cuerp.

Hebreos 6:7

Ri ulew q'ui mul cäkaj ri jäb puwi'. We ri ulew cuya' jun tico'n ri c'o u patan chque ri quetajinic, c'o ri u tewichibal ri Dios puwi'.

Santiago 3:12

Wachalal, ¿la cäcuin ri u che'al higo che qui ya'ic aseitun? ¿La cäcuin lo ri juwi' uva che qui ya'ic higo? mawi cäcuin jun u q'uiyibal tzayalaj ja' che u ya'ic qui'laj ja'.