Chapletajic 1:1 - Quiché Bible

¹ Aretak xchapletaj u banic ronojel ri c'olic, ri Dios xuban ri caj ulew.

Chapletajic 1:1 Iomraidhean Croise

Ucab Ajawinelab 19:15

je ch'awem wa' xuban ruc' ri Dios: “Ajawaxel, u Dios ri Israel, ri c'o ri u tem re ajawibal paquiwi' ri aj cajalaj tak to'banelab ri e c'o qui xic': xuwi ri lal lal Dios ri lal c'o paquiwi' conojel ri ajawibal ri e c'o cho ri uwächulew; lal xbanow la ri caj xukuje' ri ulew.

Nabe Tzijobelil 16:26

Ri e qui diosib ri e jule' tak tinimit chic man c'o ta qui banic, are c'u ri Ajawaxel are' xebanow tak ri caj.

Ucab Tzijobelil 2:11

Are c'u ri Hiram ajawinel re Tir, xutak jun wuj che ri Salomon ri cubij wi che: “Ri Ajawaxel u banom che la chi lal cajawinel ri aj israelib, rumal rech chi lok' cäril wi ri u tinimit.”

Ri Nehemiy 9:6

Xubij c'ut ri Esdras: “Lal ri' ri Ajawaxel, man c'o ta chi c'u jun. Lal xbanow la ri caj xukuje' ri sibalaj chicaj na che ri caj, xukuje' conojel tak ri e u ch'imil; xban la ri ulew xukuje' ronojel ri c'o chuwäch, ri plo xukuje' ronojel ri e c'o chquipam. Lal cäyo'w la qui c'aslemal conojel ri jastak. Rumal ri' cäk'ijilax la cumal tak ri ch'imil re ri caj.

Ri Job 26:13

Ruc' ri u wupunic xujamajobisaj ri u wäch ri caj; ruc' ri u k'ab xucämisaj ri cumätz ri xak cacasasic.

Ri Job 38:4

¿Jawije' at c'o wi aretak ri in co xintiq'uiba' ri uwächulew? ¡Chabij chwe, we kas nim ri awetamabal!

Ri Job 9:8

Man c'o ta jachin xtoban ruc' xulic' ri caj xuxak'alej c'ut ri jujilaj awaj ri c'o chupam ri plo.

Salmib 102:25

Co xtiq'uiba' la ri uwächulew kas pa ri qui tiquitajic; lal xbanow la ri caj.

Salmib 104:24

¡E joropa' ri jastak ri e banom la Ajawaxel! Conojel xeban la ruc' no'j; ¡ri uwächulew nojinak che ronojel ri q'uiyisam la!

Salmib 104:30

We c'u cätak la ulok ri uxlab la re c'aslemal, queq'uiyic, jeri' cac'aq'uirisaj la ri u bantajic ri uwächulew.

Salmib 115:15

¡Ri Ajawaxel, ri xbanow ri caj ulew, chuya' ri u tewichibal chiwe!

Salmib 121:2

Ri to'l wech quel na ulok ruc' ri Ajawaxel, ri xbanow ri caj xukuje' ri ulew.

Salmib 124:8

Ri to'bal kib cäpe ruc' ri Ajawaxel, ri xbanow ri caj xukuje' ri ulew.

Salmib 134:3

¡Ri Ajawaxel, ri xbanow ri caj xukuje' ri ulew, chatutewichi'j ulok pa ri juyub Sion!

Salmib 136:5

Che ri xebanow ri caj ruc' no'jinic, junalic c'ut ri u lok'ok'ebal c'u'x.

Salmib 146:6

Are' xbanow ri caj, ri ulew, ri plo, xukuje' conojel ri e c'o chquipam. Ri are' amak'el u jekebam ri u tzij.

Salmib 33:6

Ri caj xukuje' ronojel ri c'o chuwäch are' ri Ajawaxel xbanowic ruc' ri u tzij xukuje' ruc' ri ruxlab ri xel pa u chi'.

Salmib 33:9

Aretak c'u xch'awic, ronojel xbantajic; xtakanic, ronojel c'ut co xjeki'.

Salmib 8:3

Aretak quinwil ri caj ri kas rt lal xabanow la, ri ic' xukuje' tak ri ch'imil ri xecoj la chuwäch,

Salmib 8:4

quinchomaj: ¿Jas cux ri winak? ¿Jas cux ri rija'l ri winak? ¿Jas che cänataj che la, xukuje' coc c'u la il che?

Salmib 90:2

C'ä majok cheq'uiy tak ri juyub, c'ä majok chc'oji' ri ulew xukuje' ri niq'uiajsak, pa tak ri k'ijol ojer petinak ulok c'ä pa ri q'uisbal tak k'ijol, lal lal Dios.

Salmib 96:5

Ri e qui diosib ri jule' tak tinimit chic man c'o ta jas ri quecuin ta che u banic, are' c'u ri Ajawaxel, are' xebanow ri caj.

Elem 20:11

Rumal rech chi wakib k'ij xucoj ri Ajawaxel che u banic ri caj, ri ulew, ri plo xukuje' ronojel ri c'o chquipam, xoc c'u che uxlanem chupam ri uwuk k'ij. Rumal ri' ri Ajawaxel xutewichi'j ri k'ij re uxlanem xuk'alajisaj c'ut chi tastalic k'ij.

Elem 31:18

Aretak ri Ajawaxel xutanaba' u tzijobexic ri Moises puwi' ri juyub Sinai, xebujach quieb tz'alam abaj che ri tz'ibatal wi ri pixab rumal ri kas u wi' u k'ab ri Dios.

E C'ambal tak Tzij 16:4

Ri Ajawaxel u winakirisam ronojel che jun patanijic; xukuje' ne ri itzel winak che ri k'ij re ri c'äjisabal wächaj.

E C'ambal tak Tzij 3:19

Ruc' no'j xukuje' etamanic, ri Ajawaxel co xutiq'uiba' ri caj xukuje' ri uwächulew;

Ri Tzijonel 12:1

Chnataj chawe ri a winakirisanel camic ri c'ä at ac'al c'ä maja' c'u ne quepe tak ri k'ijol ri e rech c'axc'olil, quepe c'u na tak ri junab aretak cabij na: “Man quinna' ta chi quicotemal che coc'owisaxic c'aslemal.”

Ri Isaiy 37:16

“Ajawaxel ri c'o ronojel cuinem la, u Dios ri Israel, ri c'o ri tem la re ajawibal la paquiwi' ri aj cajalaj tak to'banelab ri e c'o qui xic', xuwi ri lal lal Dios paquiwi' conojel ri ajawibal rech ri uwächulew lal xbanow ri caj xukuje' ri ulew.

Ri Isaiy 40:21

¿La ma ta iwetamam? ¿La ma ta i tom u tzijol? ¿La ma ta xtzijox chiwe kas pa ri tictajic? ¿La ma ta i ch'obom ulok kas aretak xban ri uwächulew?

Ri Isaiy 40:26

Chixca'yampe' chicaj, chiwila' c'ut: ¿Jachin xbanow ronojel wa'? Ri cujach qui wäch chquijujunal, conojel c'ut quebusiq'uij ruc' ri qui bi'. Sibalaj nim ri u cuinem xukuje' ri u chuk'ab, chi man c'o ta jun chque ma ta copanic.

Ri Isaiy 40:28

¿La xa pa u ma ta aweta'm? ¿La ma ta a tom? Ri Ajawaxel, ri junalic Dios, ri xbanow ronojel ri uwächulew, man cächukchub ta mawi cäcosic ri retamanic man c'o ta u q'uisic.

Ri Isaiy 42:5

Ri Dios, ri Ajawaxel, ri xbanow ri caj xulic' c'ut, ri xnuc'uw ri ulew xukuje' ri c'o chuwäch, ri cuya' qui c'aslemal xukuje' cuxlab ri winak ri e jekel chuwäch, cubij c'u che ri pataninel rech:

Ri Isaiy 44:24

Are wa' cubij ri Ajawaxel ri torol awech, ri xatnuc'uwic c'ä majok chatalaxok: “In ri Ajawaxel, ri banowinak conojel ri jastak, in xinlic'ow ri caj xukuje' co xinjekeba' ri uwächulew man c'o ta c'u jachin jun xinto'wic.

Ri Isaiy 45:18

Ri xbanow ri caj, ri are Dios xukuje' Ajawaxel, ri xbanow ri ulew xukuje' xunuc'u, ri co xujekeba', ri xbanowic rech man xak tacätolic xane' quec'oji' winak chuwäch, je cubij wa': “In ri' ri Ajawaxel, man c'o ta chi c'u jun.

Ri Isaiy 51:13

¿La cäsach ri Ajawaxel pa a jolom ri xatwinakirisanic, ri xlic'ow ri caj xukuje' ri xjekeban ri uwächulew? ¿La catbirbit na chi pa k'ij chi chak'ab, rumal ri coyowal ri banal tak c'ax ri xak at queyem jampa' quecuin che u sachisaxic a wäch? ¿Jawije' ta c'u c'o wi we oyowal ri'?

Ri Isaiy 51:16

xinlic' ri caj xukuje' xinjekeba' ri ulew. In xinya' ri nu tzij pa a chi' xatinchajij c'ut ruc' ri u to'banic ri nu k'ab. In xinbij che ri Sion: ‘Ri at at nu tinimit.’ ”

Ri Isaiy 65:17

Chiwilampe', in quinban na jun c'ac' caj xukuje' jun c'ac' ulew. Ri re ojer man cänatax ta chi na, man c'o ta chi jun cänatan chi na.

Ri Jeremiy 10:12

Ri Ajawaxel ruc' ri u cuinem, xuban ri ulew; ruc' ri u no'j co xutiquiba' ri uwächulew; ruc' ri retamanic xulic' ri caj.

Ri Jeremiy 32:17

‘Lal, Ajawaxel, ruc' nimalaj u liq'uic ri cuinem la xban la ri caj xukuje' ri ulew. Man c'o ta jun jasach ri ma ta cacuin la chubanic.

Ri Jeremiy 51:15

Ri Ajawaxel ruc' ri u cuinem, xuban ri ulew; ruc' ri u no'j xutiq'uiba' ri uwächulew ruc' ri retamanic xulic' ri caj.

Ri Zacariy 12:1

Are tzijobelil wa' ri cuya' ri Ajawaxel che ri Israel. Ri Ajawaxel ri u lic'om ri caj, ri co u tiquibam ri ulew, ri u yo'm ri u c'aslemal ri winak, cujiquiba' u bixic:

Ri Matey 11:25

Pa ri k'ij ri' xch'aw ri Jesus, xubij: “Quink'ijilan che la, Tat, Rajaw caj ulew, chi xebec'u' la we jastak ri' chquiwäch ri c'o qui no'j xukuje' ri c'o qui ch'obobal, xebec'utinisaj c'u la chquiwäch ri ac'alab.

Marcos 13:19

Pa tak ri k'ij ri' quepe na c'axc'olil ri man ilom ta ulok kas pa ri u tiquiritajic ri uwächulew c'ä camic ri xuban ri Dios, mawi cäc'ulmax na.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Hechos 17:24

Ri Dios ri xbanow ri uwächulew xukuje' ronojel ri c'o chuwäch, are' ri Rajaw ri caj ulew. Man cäc'oji' ta pa tak ja ri e banom che qui k'ab winak.

Hechos 4:24

Ri e are', aretak xquito, junam xquiban ch'awem ruc' Dios, xquibij: “Kajaw, lal ri' ri Dios ri xbanow la ri caj, ri ulew, ri plo, xukuje' conojel ri jastak ri e c'o chquipam.

Romanos 11:36

Ruc' are' e elinak wi ulok conojel ri jastak, rumal are' xukuje' che are' e c'o wi. Chnimarisax u k'ij ri Dios amak'el chbe k'ij sak. Je chbanok.

1 Corintios 8:6

chke c'u uj xa' jun Dios c'olic, are ri Tataxel, ri quepe wi conojel ri jastak. Ri uj c'o che u patanixic ri are'. Xukuje' chi xa' jun Ajawaxel c'olic, are ri Jesucrist. Rumal ri are' e c'o conojel ri jastak. Xukuje' ri uj rumal ri are' uj c'olic.

Efesios 3:9

Yo'm pa nu k'ab chi quink'alajisaj chquiwäch conojel, ri jastak re ri Dios ri e c'u'tal ulok kas aretak xtiquiritaj ri uwächulew. Je u chomanic ri Dios wa' ri xebanow conojel ri jastak.

Hebreos 1:10

Xukuje' cubij ri Dios: “Ri at, Wajaw pa ri u tiquiritajic xaban ri uwächulew, xukuje' ri caj are u chac ri a k'ab.

Hebreos 1:2

Pa we q'uisbal tak k'ij ri' xujuch'abej rumal ri C'ojolaxel. Ri xucojo chi are' quechben conojel ri jastak, rumal c'u ri are' xebantaj ronojel ri uwächulew xukuje' ronojel ri c'olic.

Hebreos 11:3

Rumal ri cojonic cäkach'obo chi xtiquiritaj ri uwächulew xukuje' ronojel ri c'olic rumal ri u tzij ri Dios, jeri' chi ri jastak ri man queilitaj taj, xbanbex que ri jastak ri quebilitajic.

Hebreos 3:4

Ronojel ja cäban rumal jachin jun. Are c'u ri xebanow conojel ri jastak, are' ri Dios.

2 Pedro 3:5

Xa man cäcaj taj cäquetamaj chi ojer rumal ri u tzij ri Dios xebantaj ri caj, chi ri ulew pa ri ja' xel wi ulok xukuje' chi co c'o pa ri ja'.

1 Juan 1:1

Cäkatz'ibaj bic chiwe ri kas c'olinak ulok pa ri tiquiritajic, ri ka tom, xukuje' ri kilom cuc' ri kas e ka bak'wäch. Kilom c'ut xukuje' xekachap cuc' tak ri e ka k'ab. Are wa' ri Tzij rech c'aslemal.

Apocalipsis 10:6

Quincha' ri chi'nic ri kas cäban na chuwäch ri c'asal amak'el chbe k'ij sak, ri e u banom ri caj ri ulew xukuje' ri jastak ri e c'o chquiwäch, ri plo xukuje' conojel ri jastak ri e c'o chupam. Xubij: “Man c'o ta chi cäkeyej na.

Apocalipsis 14:7

Xubij ruc' chuk'ab: “Chixe'j iwib chuwäch ri Dios. Chinimarisaj u k'ij, rumal rech chi xopan ri jok'otaj aretak cuk'at tzij. Chik'ijilaj ba ri xbanow ri caj, ri ulew, ri plo xukuje' ri e u q'uiyibal tak ja'.”

Apocalipsis 21:6

Te c'u ri' xubij chwe: “Xbantajic. In ri' ri nabe xukuje' ri q'uisbal, ri tiquiritajic xukuje' ri q'uistajic. Apachin ri cächaki'j u chi', quinya' na re ri q'uiyibal ja' re c'aslemal, ri xa' cäcochi'xic.

Apocalipsis 22:13

In ri' ri chaplebal xukuje' ri q'uisbalil, ri nabe xukuje' ri q'uisbal u tza'm, ri tiquiritajic xukuje' ri q'uistajic.”

Apocalipsis 3:14

“Chatz'ibaj che ri u tako'n ri comon cojonelab pa Laodisey; ‘Ri Kastzij, ri jicalaj k'alajisanel ri cubij ri kastzij, ri takanel puwi' ronojel ri banom rumal ri Dios, jewa' cubij:

Apocalipsis 4:11

“Kajaw xukuje' ka Dios, ya'tal che la ri u c'amic ri juluwem, ri nim ilic xukuje' ri cuinem. Lal xebanow la conojel ri jastak, rumal ri rayibal la e c'olic, xebantajic.”