Bixonic Tak 4:15 - Quiché Bible

¹⁵ Ri u q'uiyibal ja' pa ri ticbal cotz'i'j are jun c'ua' ri caq'uiy wi ulok ri ja' ri cakaj ulok kas pa ri Libano.

Bixonic Tak 4:15 Iomraidhean Croise

Salmib 46:4

Jun nima' cuc' tak ri u k'ab cuya' quicotemal che ri u tinimit ri Dios, ri sibalaj tastal na chquixo'l ri e u tinimit ri aj chicaj.

E C'ambal tak Tzij 5:16

Matix ri ja' ri c'o chupam ri q'uiyibal a ja'; xak matixo, cajamij c'u can pa be.

E C'ambal tak Tzij 5:18

¡Tewichital ri caq'uiy wi ri a ja'! ¡chatquicot ruc' ri a c'ulaj pa ri awac'alal,

Ri Tzijonel 2:6

Xebenban c'olbal ja' che qui nojisaxic che ja' che qui ja'xic tak ri che ri e ticom;

Bixonic Tak 4:12

At, alaj wana'b, at ri catec'ulan wuc', at ticbal cotz'i'j tz'apitalic, tz'apim ja', t'ikom bulbux;

Ri Isaiy 58:11

Ri in quinc'am na a be amak'el, quintz'ebej na ri catijo chupam ri chaki'j uwo sak, quinya' na u chuk'ab ri a cuerp catux c'u na jacha' jun ticbal cotz'i'j ri utzalaj u ja'xic banom, jacha' jun u q'uiyibal ja' ri man cätzaj taj.

Ri Jeremiy 17:13

Ajawaxel lal ri' ri eyebal u c'u'x ri Israel. Ronojel ri catzakow la canok cacanaj pa q'uixbal. Ronojel ri cunajtajisaj rib che la cäsach na u wäch jacha' jun bi'aj ri tz'ibam pa ri puc'uc' ulew, rumal ri tzakic la canok, ri bulbux ja' ri cajororic.

Ri Jeremiy 2:13

Ri nu tinimit quieb u wäch ri mac u banom: in u q'uiakom canok in, u q'uiyibal c'aslic ja', xequic'ot c'ut ri kas e qui c'ua', c'ua' tak ri e xarxobinak ri man quequic'ol ta ri ja'.”

Ri Zacariy 14:8

Quebel c'u na ulok pa Jerusalen c'aslic tak ja', ri quebelel na pa sak'ij xukuje' pa k'alaj, pa niq'uiaj chque cäbe na chupam ri Cäminak Cho ri jun pa niq'uiaj chic cäbe che u suq'uil ri Plo Mediteran.

Ri Xuan 4:10

Ri Jesus xubij che: “We ta aweta'm ri cusipaj ri Dios, we ta aweta'm jachin ri' ri cubij chawe: ‘Chaya' nu joron’, at ta ri' cata' awe che, ri in c'ut quinya' ta awe ri' ri c'aslic joron.”

Ri Xuan 4:14

Apachin c'u ri cäruq'uiaj re ri joron ri quinya' che, mawi jumul chbe k'ij sak cächaki'j ta chi na u chi'. Xane' ri joron ri quinya' che, cux na jun u q'uiyibal ja' che, ri cäpixc'on che junalic c'aslemal.”

Ri Xuan 7:38

Ri cäcojon chwe in, jas ri cubij ri Tz'ibatalic: ‘nima' re c'aslic ja' quebel na ulok pa ri ranima'.’ ”

Apocalipsis 22:1

Ri tako'n aj caj xuc'utuxtaj jun nima' re c'aslemal chnuwäch cächuplinic jacha' ri cha'. Quel c'u ulok che ri u tem ri Dios re ajawibal, xukuje' ri re ri Alaj Chij.