Bixonic Tak 3:1 - Quiché Bible

¹ Chupam ri nu ch'at, pa tak chak'ab xintzucuj ri cälok'ok'ex rumal ri nu c'aslemal. Xintzucuj man c'u xinrik taj.

Bixonic Tak 3:1 Iomraidhean Croise

Salmib 22:2

Nu Dios, pa k'ij xukuje' chak'ab quinsiq'uin che la, man c'o ta c'u catzelej la u bixic; man c'o ta uxlanem nu rikom.

Salmib 4:4

¡Chixbirbitok; mixmacun chic! Aretak ix k'oyol chic, pa tz'inelem, chinic'oj ri kas iwetambal c'uxaj;

Salmib 6:6

In cosinak che ok'ej. Jujun tak ak'ab quinq'uis wib che ok'ej cäch'aki' ri nu ch'acat cumal ri u wa'l nu wäch.

Bixonic Tak 1:7

Chabij chwe, u lok'ok'ebal c'u'x ri nu c'aslemal, ¿Jawije' quebayuk'uj wi tak ri a jumulaj? ¿Jawije' quebac'am wi bic che uxlanem aretak curik ri tiq'uil k'ij? ¿Jas ta che xak quinbinic jacha' jun wacatel, Chquinakaj tak ri e qui jumulaj tak ri e awachil?”

Bixonic Tak 5:8

Ixokib aj Jerusalen, we quirik ri nu lok', chichi'j chwe chi quibij che chi cätajin quincäm rumal lok'ok'ebal c'uxaj.”

Ri Isaiy 26:9

Ruc' ronojel ri wanima' quinbik'bit che la chak'ab kas pa ri wanima' q'uiyinak wi ulok ri rayinic che tzucuxic la. Aretak cak'at la tzij puwi' ri uwächulew ri achijab cäquetamaj na jas ri suq'uil.

Ri Isaiy 55:6

Chitzucuj ri Ajawaxel utz c'ä cuya' qui riko, chisiq'uij utz c'ä nakaj c'o wi.

Ri Lucax 13:24

“Chicojo' i chuk'ab rech quixoc pa ri uchi'ja ri ch'utin u wäch. Quinbij c'u chiwe chi e q'ui cäquitzucuj coquic, man quecuin ta c'ut.

Ri Xuan 11:29

Aretak xuto, xwalij aninak, ri Mariy xopan ruc'.

Ri Xuan 21:17

Ri Jesus xubij chi che churoxmul: “Simon, u c'ojol ri Jonas: ¿la quinalok'ok'ej?” Xbison ri Lu' rumal rech chi xubij che churoxmul: “¿La quinalok'ok'ej?” Xubij c'u che ri Jesus: “Wajaw, lal eta'm la conojel, eta'm la chi lal quinlok'ok'ej.” Ri Jesus xubij che: “Chebayuk'uj ri nu chij.

1 Pedro 1:8

Quilok'ok'ej ri Jesucrist pune' man iwilom ta u wäch, quixcojon che pune' man quiwil ta camic. Sibalaj quixquicot ruc' ri Jesucrist, ruc' jun quicotemal ri man quixcuin ta che u bixic, c'o i quicotemal ri nim u k'ij.