Apocalipsis 8:2 - Quiché Bible

² Xebenwil ri wukub tako'nib aj caj ri e tac'atoj chuwäch ri Dios. Xya' wukub trompet chque.

RI KꞌAKꞌ TESTAMENTO PA TZIJOBꞌAL KꞌICHEꞌ

² Kꞌa te riꞌ xeꞌnwil ri e wuqubꞌ angelibꞌ e takꞌal cho ri Dios, xyaꞌtaj kꞌu jujun suꞌ chike chi kijujunal.

K'iche'

² Te ri' xeinwil ri wukub ángeles ri e tac'al chuwäch ri Dios, xyi' c'u wukub tun chque.

K'iche' (New Orthography)

² Te ri' xeinwil ri wuqub' ángeles ri e tak'al chuwäch ri Dios, xyi' k'u wuqub' tun chke.

Apocalipsis 8:2 Iomraidhean Croise

Ri Zacariy 4:10

“Ri winak ri man xequiya' ta qui k'ij ri ch'utinalaj tak yacanic pa ri chaplebal, camic quejajat na aretak cäquil ri Zorobabel cätajin quebuq'uis qui banic tak ri chac.” Oc'owinak chi c'u wa', ri tako'n aj caj xutik u bixic: “We wukub chäj ri' e are' ri e u bak'wäch ri Ajawaxel, ri quequibinibej ronojel ri uwächulew.”

Ri Matey 18:10

“Chiwila' c'o jun chque we ch'utik ri' miwetzelaj u wäch. Quinbij c'u chiwe, chi e c'o ri q'ui tako'nib pa ri caj ri amak'el cäquil u wäch ri nu Tat ri c'o pa ri caj.

Ri Matey 24:31

Quebutak na ri tako'nib aj chicaj ruc' nimalaj rok'ebal trompet. Quebumulij na ri e rech ri e u cha'om pa ri quiejeb u tza'm ri uwächulew, che ri jun u tza'm ri caj c'ä che ri jun chic.

Ri Lucax 1:19

Ri tako'n aj caj xubij che: “In Gabriel, in tac'al chuwäch ri Dios. In takom ulok che a ch'abexic, che u tzijoxic we utzalaj tak tzij ri' chawe.

Ri Lucax 21:36

Xakba' chixc'ol suc'umatalic, chibana' ch'awem ruc' Dios ronojel jok'otaj, rech quixcuinic quixto'tajic man quebikajbej ta c'ut we jastak ri' ri quec'ulmataj na quixcuin c'u ri' quitac'aba' iwib chuwäch ri Rija'l Winak.”

1 Corintios 15:52

Pa jun aninakil, pa jun jakow bak'wächaj, aretak cok' ri q'uisbal trompet, cok'esax c'u na ri trompet, te c'u ri' quec'astajisax na ri cäminakib ruc' jun cuerp ri man cäcäm ta chic. Ri uj c'ut cujq'uextaj na.

1 Tesalonicenses 4:16

Are ri Ajawaxel cäkaj na ulok chicaj, ruc' takanic, ruc' ri u ch'abal jun qui nimal ri tako'n aj caj, ruc' ri rok'ibal ri u trompet ri Dios. Are c'u nabe quec'astaj na ri cäminakib ri xecojon che ri Crist.

Apocalipsis 1:4

In Xuan quintz'ibaj chque ri wukub comon cojonelab ri e c'o pa Asiy. Chic'ama' ri tok'ob xukuje' ri jamaril che ri ri c'olic, ri c'o ulok, ri cäpe na, xukuje' chque ri wukub uxlabal ri e c'o chuwäch ri u tem re ajawibal,

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Apocalipsis 15:1

Xinwil jun etal chic pa ri caj, nim xukuje' jik'ibal. E c'o wukub tako'nib aj caj ri e cuc'am ri wukub q'uisbal tak c'axc'olil. Cuc' c'u wa' caq'uis u tza'm ri royowal ri Dios.

Apocalipsis 16:1

Xinta' jun cowilaj ch'abal ri xel ulok pa ri k'ijilabal, ri xubij chque ri wukub tako'nib aj caj: “Jix, chik'ija' puwi' ri uwächulew ri wukub lak re ri royowal ri Dios.”

Apocalipsis 8:13

Xinwilo, xinta' jun cot cärapin pa u niq'uiajil ri caj, cubij ruc' chuk'ab: “¡C'ax! ¡C'ax! ¡C'ax caquirik na ri e jekel cho ri uwächulew, aretak quebok'esax na ri qui trompet ri oxib tako'nib aj caj chic ri quecok'esaj na chanim!”

Apocalipsis 8:6

Ri wukub tako'nib, e uc'aninak ri wukub trompet, xquisuc'umaj quib che cok'esaxic.

Apocalipsis 9:1

Ri uro' tako'n aj caj xrok'esaj ri u trompet. Xinwil c'u jun ch'imil ri xtzak ulok chicaj puwi' ri uwächulew. Xya' c'u ri lawe che re ri jul re ri k'ekumalaj c'olbal.