Apocalipsis 4:2 - Quiché Bible

² Chanim xinc'oji' pa ri Uxlabaxel. Xinwil jun tem re ajawibal ri yo'm pa ri caj, c'o c'u jun t'uyul puwi'.

RI KꞌAKꞌ TESTAMENTO PA TZIJOBꞌAL KꞌICHEꞌ

² Qas pa ri qꞌotaj riꞌ xinkanaj pa ri ukwinem ri Uxlabꞌixel, kꞌa te riꞌ xinwilo jun tꞌuyulibꞌal pa ri kaj, pa ri tꞌuyulibꞌal riꞌ kꞌo jun tꞌuyulik.

K'iche'

² Chanim c'ut xchaptaj ri wanima' rumal ru chuk'ab ri Lok'alaj Espíritu. Te' xinwilo c'o jun je'lalaj t'uyulibal cojom pa ri caj. C'o c'u Jun t'uyul chila'.

K'iche' (New Orthography)

² Chanim k'ut xchaptaj ri wanima' rumal ru chuq'ab' ri Loq'alaj Espíritu. Te' xinwilo k'o jun je'lalaj t'uyulib'al kojom pa ri kaj. K'o k'u Jun t'uyul chila'.

Apocalipsis 4:2 Iomraidhean Croise

Nabe Ajawinelab 22:19

Xutik chi c'ut ri Micaiy: “Rumal wa' we bim la ri', chtatabej la ri cubij ri Ajawaxel: Xinwil ri Ajawaxel t'uyul puwi' ri u tem re ajawinel, xukuje' conojel ri e c'o chicaj ri e tac'atoj, chunakaj, pa ri u wiquiak'ab pa ri u mox k'ab.

Salmib 11:4

Ri Ajawaxel c'o chupam ri tastalicalaj rachoch, ri Ajawaxel c'o ri u tem re ajawibal pa ri caj, e jaktal ri e u bak'wäch queralwächij conojel ri winak.

Ri Isaiy 6:1

Pa ri junab aretak xcäm ri ajawinel U, xinwil ri Ajawaxel, t'uyul pa jun tem re ajawinel ri sibalaj naj elinak chicaj, ri u chi' ri u k'u' u nojisam u pam ri rachoch Dios.

Ri Jeremiy 17:12

Ri rachoch ri ka Dios are' jun tem re ajawibal ri cäjuluwic, ri c'o chicaj kas pa ri tiquiritajic.

Ri Ezequiel 1:26

Puwi' ri wocowic xinwil jun jasach jacha' jun tem re ajawibal ri je ta ne cäpe ri je'licalaj räx abaj ri zapir, puwi' c'u we tem re ajawibal ri' c'o jun jasach ri je ta ne u banic jun winak.

Ri Ezequiel 1:28

Ri cajunamataj ruc' ri räxquiak'ab aretak cäc'utun pa tak ri sutz' aretak c'o musmul jäb. Jewa' xuban ri u c'utic rib ri u juluwem ri Ajawaxel chnuwäch. Aretak xinwilo, xinmej wib chuwäch, c'ä xinya' na ri nu palaj cho ri ulew.

Ri Ezequiel 10:1

Xinwil c'ut chi, puwi' ri wocowic ri c'o paquiwi' ri qui jolom ri aj cajalaj tak tobanelab ri e c'o qui xic', xc'utun jun jasach ri jacha' u banic jun tem re ajawibal ri je ta ne cäpe ri je'licalaj räx abaj zapir.

Ri Daniel 7:9

“Xintakej ca'yem, c'ä xecoj na jujun tak tem re ajawibal, xt'uyi' c'u jun Nim Winak. Ri ratz'iak sibalaj e sak jacha' ri sakalaj tew, ri u wi' jacha' ri ch'ajch'ojalaj rismal chij. Ri u tem re ajawibal xukuje' tak ri e u quetet e rak' k'ak',

Ri Matey 22:43

Ri Jesus xubij chque: “¿Jas c'u che cäbix Wajaw che rumal ri David, rumal ri Uxlabaxel? Xubij c'ut ri David:

Hebreos 8:1

Ri u c'u'x ri ka bim are wa': Chi je u beya'l wa' ri qui nimal ri cojol tabal tok'ob ri kech uj xt'uyi' chicaj pa ri u wiquiak'ab ri u tem ri Dios re ajawibal, ri nim u k'ij ri c'o pa ri caj,

Apocalipsis 1:10

Xc'ulmataj c'ut chi pa ri k'ij re ri Ajawaxel, in c'o pa ri Uxlabaxel. Xinta' c'u jun nimalaj ch'abal chwij je ta ne ri rok'ebal jun trompet,

Apocalipsis 12:5

Ri ixok xralc'ualaj c'u jun ral ala, ri cätakan na paquiwi' conojel ri nimak tak tinimit ruc' jun bara' re räx ch'ich'. Are' c'u ri ral ri ixok xtokix bic, xc'am bic chuwäch ri Dios xukuje' chuwäch ri u tem re ajawibal.

Apocalipsis 17:3

Pa ri Uxlabaxel, ri tako'n aj caj xinuc'am bic pa jun chaki'j uwo sak. Xinwil c'u jun ixok t'uyul chrij jun quiäk rij itzel awaj. Ri awaj nojinak che bi'aj ri queyok'on che ri Dios. C'o wukub u jolom, c'o lajuj ruc'a'.

Apocalipsis 19:4

Ri juwinak quiejeb nimak tak tatayib xukuje' ri quiejeb awaj xexuquic, xquik'ijilaj ri Dios ri t'uyul puwi' ri tem re ajawibal, xquibij: “¡Je' chbanok! ¡Chanimarisax u k'ij ri Ajawaxel!”

Apocalipsis 20:11

Xinwil c'u jun nim sakloloj tem re ajawibal xukuje' c'u ri t'uyul puwi'. Ri caj xukuje' ri ulew xebanimaj chuwäch ri are'. Man xriktaj ta jun c'olbal chque.

Apocalipsis 21:10

Ri tako'n aj caj xinuc'am bic pa ri Uxlabaxel puwi' jun nimalaj juyub naj elinak chicaj. Xuc'ut ri tastalicalaj u tinimit ri Dios chnuwäch, ri Jerusalen, ri cätajin cäkaj ulok chicaj ruc' ri Dios.

Apocalipsis 21:5

Xubij ri t'uyul puwi' ri tem re ajawibal: “Chawilampe', quinban c'ac' chque conojel ri jastak.” Te c'u ri' xubij chwe: “Chatz'ibaj rumal rech chi e jic xukuje' kastzij we tzij ri'.”

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.

Apocalipsis 4:10

ri juwinak quiejeb nimak tak tatayib quexuqui' chuwäch ri t'uyul pa ri tem re ajawibal, cäquik'ijilaj ri c'asal amak'el chbe k'ij sak, cäquiya' ri qui corona' chuwäch ri tem, cäquibij:

Apocalipsis 4:5

Quebel ulok caypa', ch'abal, xukuje' cakulja pa ri tem re ajawibal. Quenicow c'u wukub chaj chuwäch ri tem. E are' c'u wa' ri wukub ruxlabal ri Dios.

Apocalipsis 4:9

Aretak ri awaj cäquiya' juluwem xukuje' nim ilic xukuje' k'ijilanic che ri t'uyul pa ri tem re ajawibal, che ri c'asal amak'el chbe k'ij sak,

Apocalipsis 5:1

Xinwil pa ri u k'ab re ri riquiak'ab ri t'uyul pa ri tem re ajawibal jun wuj ri tz'ibatal chupam xukuje' chrij t'ikom c'u cuc' wukub t'ikbal.

Apocalipsis 5:13

Conojel ri jastak ri e banom rumal ri Dios, ri e c'o pa ri caj, ri e c'o cho ri uwächulew, ri e c'o chuxe' ri ulew, ri e c'o pa ri plo, xukuje' conojel ri jastak ri e c'o chquipam, xinto chi cäquibij: “Che ri t'uyul pa ri tem re ajawibal xukuje' che ri Alaj Chij chyok wi ri tewichi'nic, xukuje' ri nim ilic, xukuje' ri juluwem, xukuje' ri cuinem amak'el chbe k'ij sak.”

Apocalipsis 6:16

Xquibij chque ri juyub xukuje' chque ri nimak tak abaj: “Chixtzak ulok pakawi'. Chujiwawaj chuwäch ri t'uyul puwi' ri tem re ajawibal xukuje' chuwäch ri royowal ri Alaj Chij,