Apocalipsis 3:9 - Quiché Bible

⁹ Chawilampe', quinban na chque ri e re ri u comon ri Satanas, ri cäquibij quib chi e aj judeyib, man e aj judeyib ta c'ut, xak c'u cäquiban tzij, chawilampe', quinban na chi quepetic, quexuqui' chquiwäch ri e awakan, cäquetamaj c'ut chi at nu lok'ok'em.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Kinbꞌan na chi ri winaq ri e rech ri Itzel, kexukiꞌ na chawach rech jeriꞌ kakilo chi sibꞌalaj katinloqꞌaj rumal cher kakibꞌij chi aꞌj Israel man qas tzij ta kꞌut.

K'iche'

⁹ ¡Chatampe'! Are c'u ri jun comon winak ri e rech ri Satanás, ri banal tak tzij ri' ri cäquibij chi kas e aj Israel, pune man kas tzij tä ri', ri in quinbano chi ri e are' quebe' na, quexuqui c'u na chawäch rech cäquetamaj chi at lok' chnuwäch.

K'iche' (New Orthography)

⁹ ¡Chatampe'! Are k'u ri jun komon winaq ri e rech ri Satanás, ri b'anal taq tzij ri' ri käkib'ij chi qas e aj Israel, pune man qas tzij tä ri', ri in kinb'ano chi ri e are' keb'e' na, kexuki k'u na chawäch rech käketamaj chi at loq' chnuwäch.

Apocalipsis 3:9 Iomraidhean Croise

Ri Ester 8:17

Pa conojel u tz'akatil ri ajawibal, pa conojel tak tinimit xukuje' tak c'olbal jawije' tak ri copan wi ri u takanic ri ajawinel, ri aj judeyib xenoj che quicotemal xukuje' jajatem, xequiban tak wa'im cuc' tak nimak'ij. E q'ui c'u na chque ri winak re ri ulew xebux aj judeyib, rumal rech chi xech'äcataj rumal ri xe'n ib chquiwäch ri aj judeyib.

Elem 11:8

C'äte' c'u ri' quebe na ri e awach k'atal tak tzij che wilic, e xucuxuj caquibij na chwe: ‘Jix, at xukuje' conojel ri winak ri queteri bic chawij.’ C'ä mäjok c'u chban wa' man quinel ta na bic.” Sibalaj xoyowar ri Moises, xel bic chuwäch ri ajawinel.

Ri Isaiy 43:4

rumal rech chi lok' catinwil wi, nim awajil, in catinwaj. Rech catc'oji' wuc' xukuje' che u colic ri a c'aslemal quebenjach winak xukuje' nimak tak tinimit.

Ri Isaiy 45:14

Ri Ajawaxel cubij che ri Israel: “Ri ajchaquib aj Ejipt, ri ajc'ayib aj Etiopiy xukuje' ri winak aj Saba ri nimak cakan, cäquijach na quib pa k'ab, quebux c'u na jacha' e a pataninelab ri e lok'om; quexim na cuc' tikom ch'ich', queteri na chawij, cäquimej na quib chawäch, cäquita' na tok'ob chawe: ‘Kas ba tzij chi c'o ri Dios chixo'l, man c'o ta chi jun, man c'o ta chi na dios.’ ”

Ri Isaiy 49:23

Ri ajawinelab caquiban na calc'ual chiwe e are' c'ut ri e qui mia'l e yuk'ul tak iwech. Cäquimej na quib chawäch c'ä cho ri ulew, cäquirik' na ri ulew ri c'o chque tak ri awakan. Cäquetamaj c'u na chi in ri Ajawaxel, chi ri cäcu'bi qui c'u'x chwij man quel ta na qui q'uixbal.”

Ri Isaiy 60:14

Ri calc'ual ri xebanow c'ax chawe quepe na quel qui meja' na quib chawäch, conojel ri xquetzelaj a wäch quexuqui' na chawäch, ‘U tinimit ri Ajawaxel’ catuchix c'u na. ‘U Sion ri Tastalicalaj u Dios ri Israel.’

Ri Xuan 17:23

Ri in in c'o cuc' are', xukuje' ri lal lal c'o wuc' in, rech kas quebux xa' e jun, rech ri winak aj uwächulew cäquetamaj chi lal xintakow la ulok, cäquetamaj chi e lok'ok'em la je jas ri nu lok'ok'exic umal la.

Apocalipsis 2:9

Weta'm chi at c'o pa c'axc'olil, at meba', pune' c'ut at k'inom. Weta'm chi quixyok' cumal ri cäquibij quib chi e aj judeyib. Man e je ta c'ut, xane' e jun u comon ri Satanas.

Nabe Samuel 2:36

Apachin ta c'u ne ri cäc'asi can chque ri awachalaxic cäpe na culumeja' na rib chuwäch che u tz'onoxic jun u puak re sak puak o juba' u caxlanwa, cutz'onoj tok'ob che chi chuya' jun u chac chquixo'l ri e cojol tabal tok'ob che u ch'äquic ri cutijo.’ ”