Apocalipsis 3:5 - Quiché Bible

⁵ Apachin ri cäch'äcanic, catz'iakix na cuc' sakloloj tak atz'iak. Man quinchup ta ri u bi' pa ri wuj re ri c'aslemal. Quink'alajisaj c'u na ri u bi' chuwäch ri nu Tat xukuje' chquiwäch ri u tako'nib aj caj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Ri kachꞌeken puꞌwiꞌ we kꞌax taq jastaq riꞌ, kakoj na saq taq ratzꞌyaq. Xuqujeꞌ man kinchup taj ri ubꞌiꞌ pa ri wuj rech kꞌaslemal, xuqujeꞌ kinqꞌalajisaj na ri ubꞌiꞌ cho ri nuTat xuqujeꞌ chikiwach ri angelibꞌ.

K'iche'

⁵ Jachin tak ri quech'acan na puwi' ri itzel cäquicoj na sak catz'iak. Man quinchup tä c'u ri qui bi' pa ri wuj re c'aslemal, xane quink'alajisaj na ri qui bi' chuwäch ri nu Tat, xukuje' chquiwäch ri ángeles ri e c'o ruc'.

K'iche' (New Orthography)

⁵ Jachin taq ri kech'akan na puwi' ri itzel käkikoj na saq katz'iaq. Man kinchup tä k'u ri ki b'i' pa ri wuj re k'aslemal, xane kinq'alajisaj na ri ki b'i' chuwäch ri nu Tat, xuquje' chkiwäch ri ángeles ri e k'o ruk'.

Apocalipsis 3:5 Iomraidhean Croise

Salmib 109:13

Chsach qui wäch ri rija'lil, kas xa jumul chupisax ri u bi'.

Salmib 69:28

¡Chechupu' la ri qui bi' chupam ri wuj re c'aslemal! Mätz'ibaj la ri qui bi' chquixo'l ri e suc'.

Ri Malaquiy 3:17

Ri Ajawaxel ri c'o ronojel u cuinem je cubij wa': “Cätajin quincolomaj jun k'ij aretak ri e are quebux chi na nu tinimit. Jacha' jun tataxel ri quel u c'u'x che ri u cojol ri capatanix rumal, je u tok'obisaxic qui wäch wa' quinban na.

Ri Matey 10:32

“We c'o jachin quink'alajisan chquiwäch ri winak, ri in xukuje' quink'alajisaj chuwäch ri nu tat ri c'o pa ri caj.

Ri Lucax 10:20

Mixquicot rumal wa', chi ri uxlabal cäquiya' quib pa takic chiwe. Xane' chixquicotok chi ri i bi' e tz'ibam chila' chicaj.”

Ri Lucax 12:8

“Quinbij c'u chiwe chi conojel ri cäquik'alajisaj chquiwäch ri winak chi quecojon chwe in, xukuje' ri Rija'l Winak cuk'alajisaj na chquiwäch ri e aj cajalaj tak u tako'n ri Dios chi ri e are' xecojon chwe.

U Camulixic ri Pixab 9:14

Chatel pa ri nu be, quinbe c'u che u sachic qui wäch, quinchup ri qui nataxic cho ri ulew; quinban c'u na chawe jun nim tinimit ri c'o na u chuk'ab xukuje' c'o na chquiwäch rajilabal.’

Filipenses 4:3

Xukuje' quinta' jun tok'ob chawe at, jicalaj wäch ajchac, chebato' ri ixokib ri'. Ri e are' xinquito' che u tzijoxic ri tzij re colobal ib, xukuje' ri Clement xukuje' ri e niq'uiaj wäch tak ajchaquib chic. C'o c'u ri qui bi' pa ri wuj re c'aslemal.

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Apocalipsis 17:8

Ri itzel awaj ri awilom ri xc'oji' canok, man c'o ta chi c'ut. Chanim cuban pakalem ulok pa ri jul re ri k'ekumalaj c'olbal, cäsach c'u na u wäch. Ri e jekel cho ri uwächulew, ri man tz'ibatal ta ri qui bi' pa ri wuj re ri c'aslemal kas pa ri u tiquiritajic ri uwächulew, ri e are' quemayin na aretak cäquil ri itzel awaj, chi xc'oji' canok man c'o ta chi c'ut cäc'oji' chi c'u na.

Apocalipsis 19:8

xya' che chi cucoj jun ch'ajch'oj atz'iak re ch'uch'ujalaj lino ri cäjuluwic. Ri ch'uch'ujalaj lino are cubij ri suc'alaj tak chac ri qui banom ri tastalic tak winak aj Dios.”

Apocalipsis 2:11

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, man curik ta c'ax rumal ri ucab cämical.’ ”

Apocalipsis 2:7

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri che' re ri c'aslemal pa tijic, ri c'o pa ri je'licalaj c'olbal ri c'o wi ri Dios pa ri caj.’ ”

Apocalipsis 20:12

Xebenwil ri cäminakib chi nimak chi ch'utik, ri e tac'atoj chuwäch ri tem re ajawibal. Xejaktaj c'u tak ri wuj. Xukuje' jun wuj chic xjakic, are wa' ri wuj re ri c'aslemal. Xk'at tzij paquiwi' ri cäminakib chquij ri jastak ri qui banom, jas ri e tz'ibatal pa tak ri wuj.

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.

Apocalipsis 21:27

Man c'o ta jun tz'ilalaj jasach ri coc chupam ri tinimit. Man coc ta jun ri quebanow itzelalaj tz'il tak jastak, man coc ta jun banal tzij, xuwi queboc ri tz'ibatal qui bi' pa ri wuj re c'aslemal rech ri Alaj Chij.

Apocalipsis 22:19

We c'o jun ri c'o cäresaj chque tak we tzijol ri' ri e yo'm quibixic ri e c'o pa we wuj ri', ri Dios cäresaj na ri re che ri che' re c'aslemal, xukuje' che ri tastalicalaj tinimit ri tz'ibatal pa we wuj ri'.

Apocalipsis 3:12

Apachin ri cäch'äcanic, quincoj na che rakan ja pa ri rachoch ri nu Dios, mawi jumul quel chi bic. Quintz'ibaj na ri u bi' ri nu Dios chrij, xukuje' ri u bi' ri u tinimit ri nu Dios, ri c'ac' Jerusalen ri cäkaj ulok chicaj ruc' ri nu Dios. Xukuje' quintz'ibaj na ri c'ac' nu bi' chrij.

Apocalipsis 3:4

E c'o c'u quieb oxib chiwe pa Sards ri man qui tz'ilom ta ri catz'iak. Ri e are' quebin na wuc' ruc' sakloloj tak catz'iak. Takal c'u wa' chque.

Apocalipsis 6:11

Xya' sakloloj tak catz'iak chquijujunal, xbix chque chi cheuxlan chi na quieb oxib k'ij, c'ä quetz'akat na ri cach tak pataninelab xukuje' ri cachalal, ri xukuje' quecämisax na jacha' ri e are'.

Nabe Samuel 17:25

je xquibij wa': “¿La xiwil ri achi ri elinak ulok? ¡Petinak che qui tzuric ri aj israelib! Jachin ta ne ri cäticar che u ch'äquic, ri ajawinel cuya' q'ui u k'inomal, cuya' na ri u mia'l che rixokil xukuje' man c'o ta chi tojbal cäquitoj chi na ri e rachalaxic.”