Apocalipsis 21:24 - Quiché Bible

²⁴ Ri tinimit tak quebin na pa ri u sakil. Ri ajawinelab re ri uwächulew cäquic'am na ulok ri qui juluwem che.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Konojel ri tinimit ri xekolotajik ketunax na rumal ri tunal ri kel loq pa ri tinimit, konojel ri e taqanelabꞌ cho ri uwachulew kakijach na ri kiqꞌinomal che we tinimit riꞌ.

K'iche'

²⁴ Conojel qui wäch winak cho ruwächulew ri qui rikom ru tobanic ri Dios quebin na pa ru sakil ri tinimit ri'. Are c'u ri nimak tak takanelab re ri uwächulew cäquic'am na bi ri jastak que ri nimak qui k'ij, ri nim queil wi, quequiya c'u na can pa ri tinimit.

K'iche' (New Orthography)

²⁴ Konojel ki wäch winaq cho ruwächulew ri ki riqom ru tob'anik ri Dios keb'in na pa ru saqil ri tinimit ri'. Are k'u ri nimaq taq taqanelab' re ri uwächulew käkik'am na b'i ri jastaq ke ri nimaq ki q'ij, ri nim keil wi, kekiya k'u na kan pa ri tinimit.

Apocalipsis 21:24 Iomraidhean Croise

Salmib 22:27

Ronojel qui wäch winak xukuje' nimak tak tinimit que conojel ri e u jutz'il ri uwächulew: chnataj ri Ajawaxel chiwe, chixpet ruc'; chixelxucul chuwäch.

Ri Isaiy 2:2

Pa ri q'uisbal tak k'ij junab, cäjiquibax na u bixic ri juyub ri cariktaj wi ri rachoch ri Ajawaxel. Are juyub wa' ri sibalaj naj quel na chicaj, ri sibalaj naj elinak chicaj chuwäch apachique jun juyub chic. Ronojel c'u qui wäch nimak tak tinimit quebopan na chila',

Ri Isaiy 2:5

¡Jo', u tinimit ri Jacob, chujbin pa ri sakilal ri cuya' ri Ajawaxel!

Ri Isaiy 49:23

Ri ajawinelab caquiban na calc'ual chiwe e are' c'ut ri e qui mia'l e yuk'ul tak iwech. Cäquimej na quib chawäch c'ä cho ri ulew, cäquirik' na ri ulew ri c'o chque tak ri awakan. Cäquetamaj c'u na chi in ri Ajawaxel, chi ri cäcu'bi qui c'u'x chwij man quel ta na qui q'uixbal.”

Ri Isaiy 52:15

jeri' xukuje' sibalaj e q'ui nimak tak tinimit ri quecanaj na che mayinic; ri ajawinelab aretak caquilo man c'o ta tzij quecuin che u bixic, rumal rech chi cäquil na xukuje' cäquich'ob na jun jasach ri mawi jubik' qui tom.

Ri Isaiy 55:10

Jacha' ri jäb xukuje' ri sak tew cäkaj ulok chicaj, man quetzelej ta chi c'u jumul chicaj xane' cäquich'akba' ri ulew, cäquibano chi cäwächinic, cuq'uiyisaj c'u ri ija' rech cätiquic, xukuje' ri wa ri cätijic,

Ri Isaiy 55:5

At quebasiq'uij na tak tinimit ri man etamatal ta qui wäch; quexiq'uinic quepe na awuc', in c'ut ri Ajawaxel ri a Dios, ri Tastalicalaj u Dios ri Israel nu yo'm a k'ij.

Ri Isaiy 60:13

Ri Ajawaxel cubij che ri Jerusalen: “Ri e u k'inomal ri Libano quepe na awuc': chäj, tz'inchäj xukuje' q'uisis quec'am na ulok che u banic je'lic che ri wachoch, che u ya'ic u k'ij ri c'olbal ri quebenya' wi ri wakan.

Ri Isaiy 60:16

Ri nimak tak tinimit quequiya' na ri utzalaj tak qui k'obibal chawe, ri ajawinelab tak quequic'am na ulok ri qui k'inomal chawe cäquetamaj c'u na chi in, ri Ajawaxel, in ri a colonel, chi ri in, ri c'o ronojel u cuinem che ri Jacob in torol awech.

Ri Jeremiy 4:2

c'äte c'u ri' catcuinic caban ri chi'nic ri kas cäban na pa ri nu bi' ruc' kastzij, suq'uilal xukuje' colomal. Ri nu bi' cux na chque ri nimak tak tinimit che tewichibal xukuje' che k'ijilanic.

Ri Zacariy 2:11

Aretak chec'ulmataj wa', e q'ui tak ri nimak tak tinimit ri caquijunaj na quib ruc' ri Ajawaxel. Ri are' cubij na: “Xukuje' we nimak tak tinimit ri' quebux na nu tinimit. Quinjeki' c'u na ri in chixo'l ix.” Je c'u ri' ri ix quich'ob na ix chi are' ri Ajawaxel ri c'o ronojel u cuinem are' in takowinak ulok.

Romanos 15:16

chi quinux pataninel re ri Jesucrist chquixo'l ri man aj judeyib taj. Quinpatanin che u tzijoxic ri utzalaj tak u tzij ri Dios, rech ri man aj judeyib taj cäquijach quib che ri Dios che jun sipanic ri cäkaj chuwäch ri Dios, ri cäc'am rumal, e tasom rumal ri Ruxlabal ri Dios.

Romanos 15:26

E are' tak c'ut ri e aj Masedon xukuje' ri e aj Acay cäquiya' jun cuchuj chque ri mebayib kachalal ri e c'o pa Jerusalen.

U Camulixic ri Pixab 32:43

Chixquicotok nimak tak tinimit ruc' ri u tinimit ri Dios, Ri are' cuya' na rajil u q'uexel ri qui cämisaxic ri e pataninel tak rech, cuya' na ri rajil q'uexel chque ri e u c'ulel, cusach na u mac ri rulew xukuje' ri e u tinimit.”

Apocalipsis 21:26

Quequic'am na ulok ri qui juluwem xukuje' ri nim quilic we tinimit ri' che.

Apocalipsis 22:2

Pa u niq'uiajil c'ut ri u be ri nimalaj tinimit xukuje' che ri quieb u chi' ri nima' c'o wi ri che' re c'aslemal. Cuya' cablajuj u wäch, cäwächin chi ic'. Ri e u xak ri che' quecoj na che qui cunaxic ri nimak tak tinimit.