Apocalipsis 19:6 - Quiché Bible

⁶ Xukuje' xinta' jun ch'abal, je ta ne qui ch'abal q'ui winak, je ta ne qui chojojem q'uialaj tak ja' xukuje' ri cok'ebal cowilaj tak cakulja, ri xubij: “¡Chnimarisax u k'ij ri Ajawaxel!, rumal rech chi ri Ajawaxel ri ka Dios ri c'o ronojel cuinem ruc', cätakan puwi' ronojel.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Xuqujeꞌ xinta kichꞌabꞌal sibꞌalaj e kꞌi winaq kajunumataj rukꞌ ri uchojojem sibꞌalaj kꞌi jaꞌ je xuqujeꞌ je katataj ri sibꞌalaj kꞌi kaqulja, jewaꞌ xkibꞌij: ¡Chiqꞌijilaꞌj ri Dios iwonojel! Rumal cher ri qaDios sibꞌalaj kwinel xuchapleꞌj ri utaqanik.

K'iche'

⁶ Xukuje' xinta jun wojojem ri je' ta ne e q'uia winak tajin quech'awic, ri je' ta ne ru chojojem q'uialaj nimak tak ja', xukuje' je' ta ne ru tililem cowilaj tak quiäkulja ri xquibij: ¡Aleluya! Ri Kajaw, ri ka Dios, ri c'o ronojel u wäch chuk'ab ruc', u c'utum chi Are' tajin cätakanic.

K'iche' (New Orthography)

⁶ Xuquje' xinta jun wojojem ri je' ta ne e k'ia winaq tajin kech'awik, ri je' ta ne ru chojojem k'ialaj nimaq taq ja', xuquje' je' ta ne ru tililem kowilaj taq kiäqulja ri xkib'ij: ¡Aleluya! Ri Qajaw, ri qa Dios, ri k'o ronojel u wäch chuq'ab' ruk', u k'utum chi Are' tajin kätaqanik.

Apocalipsis 19:6 Iomraidhean Croise

Ri Job 40:9

¿La xa pa u sibalaj at co jacha' ri in? ¿La cakulja ri a ch'abal, jacha' ri wech in?

Salmib 47:2

Rumal rech chi ri Ajawaxel, ri c'o chicaj, xibibal; are' ajawinel puwi' ronojel ri uwächulew.

Salmib 47:7

¡Chibixoj jun bix che ri Dios, rumal rech chi are' ajawinel puwi' ronojel ri uwächulew!

Salmib 77:18

Xetataj ri cakulja la pa ri salc'um; xsakar ri uwächulew cumal tak ri caypa' la, ri uwächulew xyicop cumal tak cabrakan.

Salmib 93:1

¡Ri Ajawaxel ajawinel! ¡Ri Ajawaxel xratz'iakij rib ruc' juluwem, xukuje' u sutim rij ruc' cuinem! Are' xjekeban ri uwächulew rech man cäslab taj.

Salmib 97:1

¡Chquicot ronojel ri uwächulew! ¡Chequicot ri ch'akatak tak ulew ri man e ajilatal taj ri e c'o chupam ri plo! ¡Ri Ajawaxel are' Ajawinel!

Salmib 97:12

¡Chixquicot ruc' ri Ajawaxel, utzalaj tak winak, chiya' c'u u k'ij ri tastalic u bi'!

Salmib 99:1

¡Ri Ajawaxel are' ajawinel! ¡U yo'm ri u tem re ajawibal paquiwi' ri aj cajalaj tak to'banelab ri e c'o qui xic'! Queyicop na ri nimak tak tinimit xukuje' ronojel ri uwächulew.

Ri Isaiy 52:7

¡Sibalaj je'l rilic ri ropanem tza'm tak ri juyub ri e ruc'am ulok utzalaj tak tzijol, ri e ruc'am ulok utzalaj tak tzijol aj jamaril, ri cuya' u bixic ri u torotajic ri Sion, cubij c'u che ri Sion: “Ri a Dios are' Ajawinel!”

Ri Jeremiy 51:48

Ri caj ri ulew xukuje' ronojel ri c'olic quejajat na aretak cätzak ri Babilon, aretak chepe pa ri riquiak'ab ri elebal k'ij ri e sachal tak u wäch. In, ri Ajawaxel, quinjiquiba' u bixic.

Ri Ezequiel 1:24

Xukuje' xinta' ri qui wojojem ri qui xic' aretak quebec: jacha' ri qui wojojem ri ja' re jun nima' ri nimarinak, jacha' ri u ch'abal ri C'o Ronojel U Cuinem, jacha' ri qui jininem ri jumulaj banal tak ch'o'j. Aretak quek'atatic, quequikasaj ri qui xic'.

Ri Ezequiel 43:2

Xinwil c'ut chi ri u juluwem ri u Dios ri Israel petinak pa ri elebal k'ij. Xtataj jun cowilaj chojojem, jacha' ta ne ri re ta jun nimalaj nima', ri cäwolkotic, are c'u ri uwächulew xnoj che sakilal.

Ri Matey 6:13

Mujya' la chuwäch ri takchibal macaj, xane' chujto' la chujesaj la pa u k'ab ri banal etzelal.’

Apocalipsis 1:15

Ri e rakan junam ruc' ri k'an ch'ich' ri carepc'unic, je ta ne quenicow pa jun jorno. Ri u ch'abal je ta ne ri qui chojojem q'uialaj ja'.

Apocalipsis 1:8

“In ri' ri nabe xukuje' ri q'uisbal,” cächa ri Ajawaxel ri Dios, ri c'olic, ri c'o ulok ojer, ri cäpe c'u na, ri c'o ronojel u cuinem.

Apocalipsis 12:10

Te c'u ri' xinta' jun nimalaj ch'abal pa ri caj, ri xubij: “Opaninak ri colonic, ri u cuinem ri Dios, xukuje' ri rajawinic. C'o chic ri takanic pa u k'ab ri Crist. Are c'ut ri tzujul quech ri kachalal ri quebutzujuj chuwäch ri ka Dios chi pa k'ij chi chak'ab q'uiakom bic.”

Apocalipsis 14:2

Xinta' jun ch'abal chicaj, jas ri qui chojojem q'uialaj ja', jas ri rok'ebal jun nimalaj cakulja. Ri ok'ebal ri xinto, are jacha' ri que ok'esan tak arp ri cäcok'isaj ri e q'ui arp.

Apocalipsis 19:1

E bantajinak chic we jastak ri', xinta' je ta ne ri cowilaj qui ch'abal e q'ui winak pa ri caj, ri xquibij: “¡Chnimarisax u k'ij ri Ajawaxel! Ri colobal ib, ri juluwem, xukuje' ri cuinem e rech ri ka Dios,

Apocalipsis 19:4

Ri juwinak quiejeb nimak tak tatayib xukuje' ri quiejeb awaj xexuquic, xquik'ijilaj ri Dios ri t'uyul puwi' ri tem re ajawibal, xquibij: “¡Je' chbanok! ¡Chanimarisax u k'ij ri Ajawaxel!”

Apocalipsis 21:22

Man xinwil ta c'u ri k'ijilabal chupam. Are c'u ri k'ijilabal re we tinimit ri' are ri Ajawaxel, Dios ri c'o ronojel u cuinem xukuje' ri Alaj Chij.

Apocalipsis 4:5

Quebel ulok caypa', ch'abal, xukuje' cakulja pa ri tem re ajawibal. Quenicow c'u wukub chaj chuwäch ri tem. E are' c'u wa' ri wukub ruxlabal ri Dios.

Apocalipsis 6:1

Xinwilo aretak ri Alaj Chij xujak jun chque ri wukub t'ikbal. Xinta' jun chque ri quiejeb awaj, chi xubij chwe ruc' jun ch'abebal ri je ta ne cakulja: “¡Tasaj!”

Apocalipsis 8:5

Ri tako'n aj caj xuc'am ri bukibal, xunojisaj che k'ak' re ri porobal, xuq'uiak puwi' ri uwächulew. Xuban cakulja, jininem, caypa' xukuje' cabrakan.