Apocalipsis 17:3 - Quiché Bible

³ Pa ri Uxlabaxel, ri tako'n aj caj xinuc'am bic pa jun chaki'j uwo sak. Xinwil c'u jun ixok t'uyul chrij jun quiäk rij itzel awaj. Ri awaj nojinak che bi'aj ri queyok'on che ri Dios. C'o wukub u jolom, c'o lajuj ruc'a'.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Ri Uxlabꞌixel rech ri Dios xinukꞌam bꞌik pa ri kꞌolibꞌal ri katzꞌinowik. Chilaꞌ xinwil jun ixoq tꞌuyul chirij jun kyaq nimalaj awaj, we awaj riꞌ nojinaq che ubꞌiꞌ awas taq tzij. Kꞌo wuqubꞌ ujolom xuqujeꞌ lajuj rukꞌaꞌ.

K'iche'

³ Te c'u ri', chupam ri xc'ut chnuwäch rumal ri Lok'alaj Espíritu, ri ángel xinuc'am bi pa ri juyub ri cätz'inowic. Chila' c'ut xinwil wi jun ixok t'uyul puwi' jun xibibalalaj awaj quiäk rij, ri tz'ibtal ronojel ri rij che tak bi'aj ri sibalaj äwas qui bixic chrij ri Dios. Ri awaj ri' c'o wukub u jolom, c'o c'u lajuj ru c'a'.

K'iche' (New Orthography)

³ Te k'u ri', chupam ri xk'ut chnuwäch rumal ri Loq'alaj Espíritu, ri ángel xinuk'am b'i pa ri juyub' ri kätz'inowik. Chila' k'ut xinwil wi jun ixoq t'uyul puwi' jun xib'ib'alalaj awaj kiäq rij, ri tz'ib'tal ronojel ri rij che taq b'i'aj ri sib'alaj äwas ki b'ixik chrij ri Dios. Ri awaj ri' k'o wuqub' u jolom, k'o k'u lajuj ru k'a'.

Apocalipsis 17:3 Iomraidhean Croise

Nabe Ajawinelab 18:12

Ri quec'ulmatajok chi, aretak quintas wib chwäch la, ri ruxlabal ri Ajawaxel cac'am la bic rumal pa jun c'olbal chic ri man weta'm taj. Aretak quinya' u bixic che ri Acab, man c'u cärik ta la rumal, quinucämisaj c'u na. We pataninel ech la ri', c'ä pa ri rac'alal ulok, amak'el u yo'm u k'ij ri Ajawaxel.

Ucab Ajawinelab 2:16

Xquibij che: “Ampe', chakaxo'l, ri uj pataninel ech la, e c'o cawinak lajuj (50) cowilaj tak achijab. Nimaj la chi cheboj che u tzucuxic ri ajtij la, we ne xa' xyac rumal ri ruxlabal ri Dios we ne xerokix can puwi' jun c'ache'laj o pa jun beya'.” Xubij c'ut ri are': “Jayi', c'o jachin matak ba alak.”

Bixonic Tak 8:5

“¿Jachin wa' ri cätajin capaki' ulok pa ri chaki'j uwo sak, tzalan puwi' ri u teleb ri lok' chuwäch?” “Chuxe' jun u che'al mansa'n xinya' wi latz' che ri a waram: chila' jawije' xebucoch' wi k'oxom ri a nan; chila' jawije' xatralaj wi ri a nan.”

Ri Ezequiel 11:24

Xinuwalijisaj c'ut ri u cuinem ri Dios, xuban chwe chi xintzelej pa Babilon, jawije' ri e c'o wi ri niq'uiaj chic ri e c'amom bic chila'. Xc'ulmataj c'u wa' pa jun c'utwächinic ri xuc'ut ri ruxlabal ri Dios chnuwäch. Chuwi' chi c'u wa ri c'utwächinic, xsachic.

Ri Ezequiel 3:12

Are' c'ut ri u cuinem ri Dios xinuwalijisaj, chwij c'ut xinta' jun cowilaj jininem jacha' ri re jun nimalaj cabrakan, aretak xwalij ri u juluwem ri Ajawaxel jawije' ri c'o wi'.

Ri Ezequiel 8:3

Ri winak xulic' ri je ta ne u banic jun k'abaj xinumich'ej c'u che ri nu wi'. Are' c'ut ri u cuinem ri Dios xinuwalijisaj pa ri quiakik', pa tak c'ut ri c'utwächinic ri xuc'ut ri Dios chnuwäch, xinuc'am bic pa Jerusalen xinuya' chuchi' ri roquibal ri tinimit, ri cäca'y pa ri u mox elebal k'ij, jawije' ri e c'o wi ri diosib ri yacbal royowal ri Ajawaxel.

Ri Daniel 11:36

Ri ajawinel ri c'o pa elebal k'ij cuban na ronojel ri cäpe pa u jolom. Sibalaj nim ri nimal ri cäc'amowic chi cuna' na rib chi c'o na u k'ij chquiwäch conojel ri diosib, quebubij c'u na xibibalalaj tak yok'obal che u yok'ic ri kas Dios; ronojel c'ut ri cubano utz quel na chuwäch, c'ä cutak na ulok ri Dios ri c'äjisabal u wäch; rumal rech chi ri cuban c'u na ri Dios, cuban na.

Ri Daniel 7:20

Xukuje' xinwaj xinwetamaj chi jubik' ri quel cubij ri lajuj ruc'a', xukuje' ri quel cubij ri alaj uc'a' ri e c'o u bak'wäch xukuje' jun u chi' ri cäch'aw ruc' sibalaj nimal, je ta ne ri tza are' ta ri sibalaj nim na chquiwäch ri niq'uiaj uc'a' chic, e tzakinak c'u oxib uc'a' che u ya'ic c'olbal che.

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Daniel 7:8

Aretak c'u cätajin quebenca'yej tak ri uc'a', xinwilo chi cätajin quel chi ulok jun alaj uc'a' chquixo'l, xebok c'u oxib ruc'a' rech cäya' can c'olbal che ri q'uisbal ri c'äte xel ulok, ri e c'o u bak'wäch jas ri e c'o che jun winak xukuje' jun u chi' ri cäch'aw ruc' banoj nimal.”

Ri Matey 27:28

Xquesaj ri u k'u', xquicoj jun quiäk u k'u'.

Hechos 8:39

Aretak xebel ulok pa ri ja', ri Uxlabal re ri Ajawaxel xuc'am bic ri Pelip, man xil ta chic rumal ri aj Etiopiy; xutakej c'ut ri u be cäquicotic.

2 Tesalonicenses 2:4

Ri are' cuc'ulelaj xukuje' cuwalijisaj rib chrij ronojel ri re ri Dios xukuje' chrij ronojel ri cäk'ijilaxic. Je cubano rech cät'uyi' na pa ri rachoch Dios, je ta ne Dios, cuc'ut na rib chi are Dios.

Apocalipsis 1:10

Xc'ulmataj c'ut chi pa ri k'ij re ri Ajawaxel, in c'o pa ri Uxlabaxel. Xinta' c'u jun nimalaj ch'abal chwij je ta ne ri rok'ebal jun trompet,

Apocalipsis 12:14

Xeya' c'u quieb u xic' rech nimalaj cot che ri ixok rech cäcuinic cärapapic pa ri c'olbal ri suc'uman che pa ri chaki'j uwo sak, naj che ri cumätz'. Chila' cätzuk wi na oxib junab ruc' niq'uiaj.

Apocalipsis 12:3

Xilitaj chi jun etal pa ri caj: Xinwil jun nimalaj dragon quiäk rij, ri e c'o wukub u jolom, e c'o lajuj ruc'a', paquiwi' ri e u jolom e c'o wukub corona'.

Apocalipsis 12:6

Ri ixok xanimaj bic pa ri chaki'j uwo sak, jawije' suc'umam wi jun u c'olbal rumal ri Dios, rech chila' cätzuk wi jun mil quieb sient oxc'al (1260) k'ij.

Apocalipsis 17:18

Ri ixok ri awilom, are cubij ri nimalaj tinimit ri cätakan paquiwi' ri ajawinelab re ri uwächulew.”

Apocalipsis 17:4

Ri ixok u cojom atz'iak morato xukuje' quiäk, wiktal ruc' k'an puak, cuc' je'lalaj tak abaj pakal tak cajil, xukuje' cuc' tak perl. C'o jun lak re k'an puak pa u k'ab, nojinak che nimalaj c'ulelanic re yok'onic, xukuje' che ri u tz'ilol ri u macunic.

Apocalipsis 18:12

ri qui c'ay re k'an puak, sak puak, abaj pakal tak rajil, perl tak, atz'iak re ch'uch'ujalaj lino xukuje' re seda, atz'iak morato xukuje' quiäk, ronojel c'oc'alaj che', ronojel jasach re marpil, ronojel jasach re che' pakal rajil, re k'an ch'ich', re sak ch'ich', re abaj marmol,

Apocalipsis 18:16

cäquibij c'u na: “¡Tok'ob u wäch, tok'ob u wäch ri nimalaj tinimit, ri u cojom atz'iak re ch'uch'ujalaj lino, atz'iak morato, xukuje' atz'iak quiäk, wiktal ruc' k'an puak, cuc' abaj pakal tak rajil, xukuje' cuc' tak perl!

Apocalipsis 21:10

Ri tako'n aj caj xinuc'am bic pa ri Uxlabaxel puwi' jun nimalaj juyub naj elinak chicaj. Xuc'ut ri tastalicalaj u tinimit ri Dios chnuwäch, ri Jerusalen, ri cätajin cäkaj ulok chicaj ruc' ri Dios.

Apocalipsis 4:2

Chanim xinc'oji' pa ri Uxlabaxel. Xinwil jun tem re ajawibal ri yo'm pa ri caj, c'o c'u jun t'uyul puwi'.