Apocalipsis 11:5 - Quiché Bible

⁵ We c'o jachin jun cäraj cuban c'ax chque, quel ulok k'ak' pa qui chi', quebutij ri quec'ulelanic. We c'o c'u jachin jun cäraj cuban c'ax chque, jewa' ri u cämical curik na.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ We kꞌo jun winaq karaj kubꞌan kꞌax chike we e kebꞌ qꞌalajisal taq tzij riꞌ, aꞌreꞌ kakesaj loq qꞌaqꞌ pa kichiꞌ rech keꞌkijaꞌrisaj ri e kikꞌulel, jeriꞌ keꞌkikamisaj.

K'iche'

⁵ We c'o jun craj cuban c'äx chque, ri e are' cäquesaj lok k'ak' pa qui chi' ri cusach qui wäch ri qui c'ulel. Je ri' cäcämisax na apachin ri craj cuban c'äx chque.

K'iche' (New Orthography)

⁵ We k'o jun kraj kub'an k'äx chke, ri e are' käkesaj loq q'aq' pa ki chi' ri kusach ki wäch ri ki k'ulel. Je ri' käkämisax na apachin ri kraj kub'an k'äx chke.

Apocalipsis 11:5 Iomraidhean Croise

Salmib 18:8

Pa ri u tza'm quel ulok si'b, pa ri u chi' jun k'ak' ri cächajirisanic; ¡rachak tak k'ak' ri quejuluwic quebel ulok pa u chi'!

Ri Isaiy 11:4

Cuk'at na tzij ruc' suq'uil paquiwi' ri tukarib, cuto' na qui wi' ri mebayib ri e c'o pa ri tinimit. Ri e u tzij are cäc'äjisan na u wäch ri man cuchomaj ta ri cubano, ruc' ri ruxlab cucämisaj na ri aj etzelal.

Ri Jeremiy 1:10

“In quebenya' na ri e nu tzij chachi'. Camic quinya' tz'akatalaj takanic pa a k'ab paquiwi' ajawibal xukuje' nimak tak tinimit, che bokonic xukuje' t'akinic, xukuje' che yojinic xukuje' che c'äjinic, xukuje' c'u che yacanic xukuje' che tac'abanic.”

Ri Ezequiel 43:3

Ri c'utwächinic jacha' ri xinwilo aretak xpe ri Ajawaxel che u sachisaxic u wäch ri Jerusalen, xukuje' jacha' ri xinwil chunakaj ri nima' Quebar. Xinmej wib c'ä xinya' na ri nu palaj cho ri ulew,

Ri Osey 6:5

Rumal ri' e nu muchum cumal tak ri e k'axal nu tzij; cumal tak ri tzij ri e elinak ulok pa nu chi' e nu cämisam. Ri nu suq'uilal caq'uiy ulok jacha' ri sakilal.

Ri Zacariy 1:6

Xebopan c'u ne tak ri e nu tzij xukuje' tak ri e nu takanic, ri nu yo'm u bixic chque ri pataninel tak wech ri e k'axal tak tzij, xebopan cuc' ri e i mam. Xetzelej wa' wuc' xquich'obo' chi ri in, ri Ajawaxel ri c'o ronojel u cuinem, je xuban chque jacha' ri takal che ri qui c'aslemal xukuje' chque tak ri e qui banoj.’ ”

Ri Zacariy 2:8

Ri Ajawaxel ri c'o ronojel u cuinem in u takom che u ya'ic we tzijol ri' che u banic c'ax chque ri nimak tak tinimit ri xixquitoloba'. “Apachin ta ne ri cänakow ri nu tinimit cunak ri u c'u'x ri e nu bak'wäch. Rumal ri' kas in quintij na nu chuk'ab chquij tak we nimak tak tinimit ri', quinban c'u na chi kas e are' ri e qui lok'om pataninelab quetolobanic.” Je wa' cuban na ri Ajawaxel ri c'o ronojel u cuinem che u c'utic ri u juluwem, je c'u ri' qui ch'ob na ix chi are' xintakow ulok.

Apocalipsis 13:13

Xebuban nimak tak etal. Xuban c'u ne chi xkaj ulok k'ak' chicaj cho ri uwächulew chquiwäch ri winak.

Apocalipsis 9:17

Je quilic wa' ri quiej ri xebenwil pa ri c'utwächinic, xukuje' ri e quiejeninak chquij qui cojom ch'ich' cho qui c'u'x che u to'ic quib. Ri ch'ich' are quiäk je ta ne k'ak', azul, xukuje' k'an je ta ne asubre. Ri qui jolom ri quiej je jas ri qui jolom ri coj. Pa qui chi' quel wi ulok k'ak', sib, xukuje' asubre.