Apocalipsis 11:2 - Quiché Bible

² Mawetaj ri uwo ja ri c'o cho ri rachoch Dios, rumal rech chi yo'm chque ri man aj judeyib taj. Ri e are' cäquitac'alej na ri tastalicalaj tinimit cawinak quieb ic'.

RI KꞌAKꞌ TESTAMENTO PA TZIJOBꞌAL KꞌICHEꞌ

² Xwi man kawetaj ta ri uwo ja, rumal cher xjachtaj chike ri winaq ri man aꞌj Israel taj, rumal cher we winaq riꞌ kakibꞌan na etzelal kawinaq kebꞌ ikꞌ.

K'iche'

² Mawetaj c'u ri uwoja ri c'o chrij ri nimalaj rachoch Dios, rumal chi yo'm wa' chque ri winak re niq'uiaj tinimit chic. Ri e are' c'ut cäquixak'lej na ri lok'alaj tinimit cawinak quieb ic'.

K'iche' (New Orthography)

² Mawetaj k'u ri uwoja ri k'o chrij ri nimalaj rachoch Dios, rumal chi yo'm wa' chke ri winaq re nik'iaj tinimit chik. Ri e are' k'ut käkixaq'lej na ri loq'alaj tinimit kawinaq kieb' ik'.

Apocalipsis 11:2 Iomraidhean Croise

Salmib 79:1

¡Nu Dios, ri quequik'ijilaj tak diosib qui majim ri jastak ech la! ¡Cawasim ri tastalicalaj achoch la quiyojyobisam c'ut ri Jerusalen!

Ri Isaiy 48:2

ri cabij awib chi at aj tastalicalaj tinimit, cato' c'u awib ruc' ri u Dios ri Israel, ri u bi' are' Ajawaxel ri c'o ronojel u cuinem:

Ri Isaiy 5:5

Quinbij c'u na chiwe ri xinchomaj u banic che ri nu ticbal uva: quinwesaj ri coral ri c'o chrij, rech cäsachisax u wäch; quinwor ri tapia ri c'o chrij, rech cätac'alexic;

Ri Isaiy 52:1

Chatc'astajok, Sion, chatc'astajok, chacojo' a chuk'ab Jerusalen, tastalicalaj tinimit, chacojo' ri awatz'iak ri sibalaj e je'l na, rumal rech chi ri e k'ijilal tak diosib, ri e tz'il tak winak, man queboc ta chi na awuc'.

Juyuwem 1:10

Ri c'ulel u banom rech chque tak ri e u k'inomal ri Jerusalen. Ri tinimit xeril ri e k'ijilal tak diosib quetininic xeboc chupam ri k'ijilabal, ¡Winak, ri yo'm wi la takanic Ajawaxel, chi man cuya' taj queboc chupam ri c'olbal la re mulin ib!

Ri Ezequiel 4:6

Aretak c'u atz'akatisam we k'ijol ri', catk'oyi na puwi' ri awiquiak'ab caya' c'u na ri u mac ri rajawibal ri Juda chawij cawinak k'ij. Jun k'ij cuc'ut jun junab chak'maquil.

Ri Ezequiel 42:20

Xuretaj pa ri u cajtzalajil. Ri rulew ri Rachoch Dios c'o jun nim tapia chrij: oxib sient job (305) bara' pa tak u xcut, ri cutas u xo'l ri tastalic ruc' ri man tastalic taj.

Ri Daniel 12:7

Ri achi ri e u cojom tak sakloloj atz'iak re lino xebuyac ri u k'ab chicaj, cätajin cuban ri chi'nic ri kas cäban na pa ri u bi' ri c'aslic Dios, xubij: ‘Pa oxib junab ruc' wakib ic', aretak cätanabax u banic c'ax che ri u cuinem ri u tinimit ri Dios, c'äte ri' cäq'uis na qui tza'm conojel we jastak ri'.’

Ri Daniel 7:19

In xinwaj xinwetamaj chi na ri quel cubij ri ucaj ri xibibalalaj awaj, ri sibalaj nim u jalbem rib chquiwäch ri jule' chic, sibalaj c'u xibibal ri u wächbal: e c'o u ware re räx ch'ich' xukuje' rixq'uiak re k'an ch'ich'; ronojel cubik'o, ronojel cut'ubu, quebuxak'alej c'u ri ch'akatak ri queto'tajic.

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Daniel 8:10

Sibalaj xnimaric chi xopan cuc' ri ajch'ojab aj caj, xebukasaj c'u jujun chque ri ch'imil xebuxak'alej c'ut,

Ri Daniel 8:13

Chuwi' chi c'u wa' xinto chi jun tako'n aj caj xuc'ot u chi' chic jun tako'n aj caj, xubij: ‘¿Jampa' cätanabax u banic wa' ri quilitaj puwi' ri porobal ri queya' wi tabal tok'ob ronojel k'ij? ¿Joropa' k'ijol cäbeytaj ri xibibalalaj mac chi cäjach ri tastalicalaj k'ijilabal ri cak'ijilax wi ri Ajawaxel xukuje' ri quecojon che, rech quexak'alexic?’

Ri Daniel 8:14

Ri xtzelebex u wäch are wa': ‘C'ä chu quieb mil oxib sient (2,300) xk'ekal xukuje' ak'abil. Aretak oc'owinak chi wa', ri k'ijilabal cäch'ajch'obisax na.’

Ajilanic 14:34

Ri ix cawinak k'ij xixbeytaj che retamaxic u wäch ri ulew; xukuje' quixbeytaj na cawinak junab che u tojic ri c'äjisabal i wäch: jun junab che jun k'ij. Jeri' quiwetamaj na ri cac'ulmatajic rumal ri nu c'ulelaxic'.

Ri Matey 27:53

Xebel c'u bic jawije' ri e mukum wi aretak c'astajinak chic ri Jesus. Xeboc pa Jerusalen, ri tastalicalaj tinimit, xquic'utula' quib chquiwäch q'ui winak.

Ri Matey 4:5

Ri itzel xuc'am bic chupam ri tastalicalaj tinimit Jerusalen, xuc'am c'u bic puwi' ri tz'ukutz'ic ri naj elinak chicaj puwi' ri rachoch Dios.

Ri Matey 5:13

“Ix ri' ri ratz'amil we uwächulew ri'. We c'u man c'o chic ri u tzayil ri atz'am, ¿jas ta c'u ri cubano cac'oji' ta chi u tzayil? Man c'o ta chic jas cupatanij. Xane' cäq'uiak apanok, cätac'alex c'u cumal ri winak.

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Apocalipsis 11:11

E oc'owinak chic oxib k'ij ruc' niq'uiaj, ri Dios xebuc'astajisaj. Xetaq'ui c'ut. Xquixe'j quib conojel ri xeilowic.

Apocalipsis 11:3

Quinya' na chque ri quieb nu k'alajisanelab, chi cäquitzijoj na ri nu tzij jun mil quieb sient oxc'al (1260) k'ij, qui cojom wakwoj catz'iak che u c'utic chi quebisonic.”

Apocalipsis 12:6

Ri ixok xanimaj bic pa ri chaki'j uwo sak, jawije' suc'umam wi jun u c'olbal rumal ri Dios, rech chila' cätzuk wi jun mil quieb sient oxc'al (1260) k'ij.

Apocalipsis 21:10

Ri tako'n aj caj xinuc'am bic pa ri Uxlabaxel puwi' jun nimalaj juyub naj elinak chicaj. Xuc'ut ri tastalicalaj u tinimit ri Dios chnuwäch, ri Jerusalen, ri cätajin cäkaj ulok chicaj ruc' ri Dios.

Apocalipsis 21:2

Ri in Xuan xinwil ri tastalicalaj tinimit, ri c'ac'alaj Jerusalen, ri cäkaj ulok chicaj ruc' ri Dios. Ri suc'umam jas jun ali, ri quec'ulanok, wiktal che ri rachajil.

Apocalipsis 22:19

We c'o jun ri c'o cäresaj chque tak we tzijol ri' ri e yo'm quibixic ri e c'o pa we wuj ri', ri Dios cäresaj na ri re che ri che' re c'aslemal, xukuje' che ri tastalicalaj tinimit ri tz'ibatal pa we wuj ri'.