Apocalipsis 1:7 - Quiché Bible

⁷ Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ ¡Chiwilampeꞌ, ri Cristo kape na pa ri sutzꞌ! Konojel ri winaq kakil na rukꞌ ri kibꞌoqꞌoch, xuqujeꞌ konojel ri winaq ri e kꞌo cho ri uwachulew ri xekamisan bꞌik koꞌqꞌ na rumal rech. Jeꞌ jeriꞌ.

K'iche'

⁷ ¡Chiwilampe', ri Cristo petinak pa ri sutz'! Conojel winak cäquil na wa', xukuje' ri xebanow c'äx che cäquil na u wäch. Ronojel qui wäch winak cho ruwächulew quebok' na aretak cäquil ri Are' cäpetic. Je', kas je' quel wi na.

K'iche' (New Orthography)

⁷ ¡Chiwilampe', ri Cristo petinaq pa ri sutz'! Konojel winaq käkil na wa', xuquje' ri xeb'anow k'äx che käkil na u wäch. Ronojel ki wäch winaq cho ruwächulew keb'oq' na aretaq käkil ri Are' käpetik. Je', qas je' kel wi na.

Apocalipsis 1:7 Iomraidhean Croise

Ri Job 33:26

Quebuban na bochi'nic chuwäch ri Dios quec'amowar c'u rumal; ruc' quicotemal cäril na rib ri qui palaj ruc' ri Dios, cubixoj c'u na chque ri winak ri rutzil ranima' ri Dios.

Salmib 22:16

Jumulaj banal tak etzelal e jacha' ri tz'i' qui sutim wij; e qui worom ri nu k'ab xukuje' ri e wakan.

Salmib 68:1

Aretak ri Dios cucoj ri u cuinem, ri e u c'ulel cäquijabuj quib; ri cäquetzelaj u wäch quebanimaj chuwäch;

Salmib 97:2

Sutim rij rumal jun tzatzalaj sutz'; ri suq'uil xukuje' ri takal u banic are' e tok'eninak ri u tem re ajawibal;

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Daniel 7:13

Ri in nu takem quilic tak we c'utwächinic ri' pa ri chak'ab ri', xak c'u c'ätetal: Xinwilo chi petinak jun pa tak ri sutz' ri je ta ne cäpe jun rija'l winak, xbe c'ut jawije' c'o wi ri Nim Winak; xoquisax c'u chuwäch.

Ri Nahum 1:3

Ri Ajawaxel coch'onel c'o c'u ne ronojel u cuinem, man cuya' ta c'u can ri ajchak'mac chi ma ta cuc'äjisaj u wäch. Ri Ajawaxel cäbin puwi' ri cakulja, e are c'u ri sutz' e are u puc'uq'uil ulew che ri rakan.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Ri Zacariy 12:11

Cäbeytaj c'u na ri nimalaj u bisoxic pa Jerusalen jacha' ta ne ri caban che u beytajisaxic u bisoxic ri dios Adad-rimon chupam ri lianic ri c'o pa ri Meguid.

Ajilanic 24:17

Quinwil apan ri petinak, c'o ri quinwil apanok ri c'o chinaj: jun ch'imil ri quebel che ri Jacob, jun ajawinel ri cäwalij pa Israel. Cuxak'alej na ri u jolom ri Moab, quebuxak'alej na ri e rija'lil ri Set.

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

Ri Matey 16:28

Kastzij quinbij chiwe: E c'o jujun chque ri e c'o waral, c'ä maja' quecämic cäquil na ri Rija'l winak petinak pa ri rajawibal.”

Ri Matey 24:30

C'äte ri' quil na chila' chicaj ri retal ri Rija'l winak. Ri winak c'ut ri e c'o pa tak conojel tinimit cho ri uwächulew cäquiq'uis na quib che ok'ej. Cäquil c'u na ri Rija'l winak petinak pa tak ri sutz' chicaj, petinak ruc' chuk'ab, nim u k'ij cäpetic.

Ri Matey 25:31

“Aretak cäpe ri Rija'l winak cuc' conojel ri e u tako'nib ri Dios, nim u k'ij cäpetic. C'äte ri' cät'uyi' na puwi' ri tem re ri u juluwem.

Ri Matey 26:64

Ri Jesus xubij che: “At atbininak. Quinbij c'u chawe, chi quiwil na ri Rija'l winak, t'uyul pa ri riquiak'ab ri Dios ri c'o ronojel u cuinem. Quiwil c'u na petinak pa ri sutz' chicaj.”

Marcos 13:26

C'äte ri' quil na ri Rija'l Winak petinak pa tak ri sutz' ruc' nimalaj cuinem, nim u k'ij cäpetic.

Marcos 14:62

Ri Jesus xubij che: “In ri'. Quiwil c'u na ri Rija'l Winak t'uyul pa ri u wiquiak'ab ri c'o ronojel u cuinem, petinak pa tak ri sutz' cho ri caj.”

Ri Lucax 21:27

C'äte ri' quilitaj na ri Rija'l Winak petinak pa jun sutz' ruc' chuk'ab, sibalaj nim u k'ij.

Ri Xuan 19:34

Jun c'ut chque ri ajch'ojab xujut bic ri u tz'imaj ch'ich' pa ri u c'alc'a'x, chanim xel ulok quic' ruc' ja'.

Ri Xuan 19:37

Xukuje' cubij chi jun Tz'ibatalic: “Cäquil na ri xquijulupij.”

1 Tesalonicenses 1:10

Rech quiweyej ri u C'ojol, ri cäpe na chicaj, ri xc'astajisax rumal chquixo'l ri cäminakib. Are' ri Jesus, ri xujresaj chuwäch ri royowal ri Dios ri cäpe na paquiwi' ri winak.

1 Tesalonicenses 4:17

C'äte ri' ri uj, ri uj c'asc'oj ri uj canajinak canok, cujc'am na bic junam cuc' ri cäminakib pa tak ri sutz' che u rikic ri Ajawaxel pa ri quiakik'. Jeri' cujc'oji' na ruc' ri Ajawaxel chbe k'ij sak.

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Hebreos 6:6

xquijech'obisaj c'u quib, man cäban ta chi cuinic chque quetzelex ruc' ri Dios, rumal rech chi cäquirip chi jumul pa que wi ri u C'ojol ri Dios, cäquesaj u q'uixbal.

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.

Ri Juds 1:14

Ri Enoc, are ri uwak rija'lil can ri Adan, xuk'axej chque ri winak ri u tzij ri Dios chquij we winak ri', xubij: “Chiwilampe' ri Ajawaxel petinak e rachilam q'ui mil tastalic tak winak ri e rech,

Apocalipsis 22:20

Ri cäk'alajisan we jastak ri' cubij: “Je', chanim quinpetic.” “Je' chbanok. ¡Saj la, Ajaw Jesus!”

Apocalipsis 22:4

Cäquil c'u na ri u palaj. Ri u bi' cäc'oji' na cho ri u metz'al ri qui palaj.

K'atal tak Tzij 5:31

¡Ajawaxel je ta u sachic qui wäch wa', conojel ri e c'ulel la, quejulk'in ta c'u na ri quelok'ok'en che la, jacha' ri k'ij aretak sibalaj cätununic!” Aretak xbantaj wa', cawinak junab xc'oji' jamaril pa Israel.