Apocalipsis 1:3 - Quiché Bible

³ Utz re ri cusiq'uij xukuje' utz que ri cäquitatabej ri u siq'uibalil we tzijol ri' ri c'amom che ri Dios, xukuje' cäquinimaj ri tz'ibatal cho we wuj ri', canakajin chi c'ut ri k'ijol.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Utz rech ri kusikꞌij we tzij riꞌ xuqujeꞌ utz ke ri kakitatabꞌej we tzij riꞌ, xuqujeꞌ kakiyak pa kanimaꞌ ri jastaq ri tzꞌibꞌatal pa we wuj riꞌ, rumal cher man naj ta chik karaj kakꞌulmataj we jastaq riꞌ.

K'iche'

³ Utz re jachin ri cusiq'uij u wäch we wuj ri', xukuje' utz que jachin tak ri cäquitatabej u siq'uixic ri tzij ri yo'm rumal ri Lok'alaj Espíritu ri tz'ibtal chupam we wuj ri', cäquinimaj c'u ri cubij rumal chi nakaj chic c'o wi ri k'ij aretak cäbantaj na ronojel wa'.

K'iche' (New Orthography)

³ Utz re jachin ri kusik'ij u wäch we wuj ri', xuquje' utz ke jachin taq ri käkitatab'ej u sik'ixik ri tzij ri yo'm rumal ri Loq'alaj Espíritu ri tz'ib'tal chupam we wuj ri', käkinimaj k'u ri kub'ij rumal chi naqaj chik k'o wi ri q'ij aretaq käb'antaj na ronojel wa'.

Apocalipsis 1:3 Iomraidhean Croise

E C'ambal tak Tzij 8:34

Sibalaj utz re ri winak ri quinutatabej, cac'asc'at c'ut cächajin chquichi' ri wachoch.

Ri Jeremiy 51:61

xubij c'u che ri Seraiy: “Aretak chatopan pa Babilon, chatoc il che u ya'ic u siq'uibal ronojel we tzijol ri'.

Ri Matey 24:15

Ri Daniel ri k'axal tzij xutz'ibaj ri tz'ilalaj etzelal ri awas u banic pa ri k'ijilabal. Ri cäsiq'uinic ch'obonok: aretak ri ix quiwil ri xibibal tz'ilol pa ri k'ijilabal,

Ri Lucax 11:28

Ri Jesus xubij: “Are quicotemal chque ri cäquitatabej ri u tzij ri Dios, cäquinimaj c'ut.”

Romanos 13:11

Are chibana' wa'. Iweta'm c'ut jas qui banic ri k'ij camic. Are k'ijol wa' ri rajawaxic cujc'astaj che ri waram. Camic c'ut nakaj chic c'o wi ri ka colotajic chuwäch ri aretak c'äte xujcojonic.

Romanos 13:12

Oc'owem cuban ri ak'ab, cäketet chi ulok ri k'ij; mäkaban chi ri chac re ri k'eku'm. Chkabana' ba ri chac re ri sakil. Chkacojo' ri chacubal re ch'o'j.

1 Pedro 4:7

Cäpe c'u na ri k'ij aretak queq'uis conojel ri jastak. Utz ba' chixchomanok, chichomaj jas ri quibano, rech utz quiban che ri ch'awem ruc' Dios.

2 Pedro 3:8

Mäsach ba' wa' pa i jolom, lok'alaj tak wachalal: chi ri jun k'ij chuwäch ri Ajawaxel je jas ri mil junab, xukuje' ri mil junab je jas ri jun k'ij.

Apocalipsis 22:10

Xukuje' xubij chwe: “Mawawaj we tzij ri' ri c'amom che ri Dios ri c'o chupam we wuj ri'. Nakaj chi c'ut ri k'ij.

Apocalipsis 22:12

Chiwilampe', chanim quinpetic, wuc'am ri tojbal iwech. Quinya' na ri tojbal iwech chijujunal jas ri u banom.

Apocalipsis 22:20

Ri cäk'alajisan we jastak ri' cubij: “Je', chanim quinpetic.” “Je' chbanok. ¡Saj la, Ajaw Jesus!”

Apocalipsis 3:11

Chawilampe', quinbe na chanim iwuc'. Matzokopij ba' ri c'o awuc', rech c'o jun mämajow ri a corona', ri tojbal ri caya' na chawe.