Aj Levitib 8:1 - Quiché Bible

¹ Ri Ajawaxel xutzijobej ri Moises, xubij che:

Aj Levitib 8:1 Iomraidhean Croise

Nabe Tzijobelil 6:49

Ri Aaron xukuje' tak ri e rija'lil e are' ri queporon tak ri sipanic puwi' ri c'olbal ri cäporox wi ri tabal tok'ob ri cächajirisaxic xukuje' puwi' ri c'olbal ri cäporox wi ri c'oc' k'ol. Xukuje' e are' xebanow ronojel ri patanijic chupam ri C'olbal ri Sibalaj Tastalic xukuje' ri u rikic ri sachbal u mac ri Israel, je jas u cholajil ronojel ri takanic u yo'm ri Moises ri pataninel rech ri Dios.

Salmib 99:6

Ri Moises xukuje' ri Aaron e c'o chquixo'l ri e cojol tak tabal tok'ob; ri Samuel c'o chquixo'l ri cäquiya' u k'ij ri u bi'. Ri Ajawaxel cutzelej u wäch qui tzij aretak caquitz'onoj ri u to'banic.

Elem 28:1

“Chasiq'uij ri Aaron ri awachalal e rachilam ri e u c'ojol ri Nadab, ri Abiu, ri Eleazar, xukuje' ri Itamar, chebawesaj ulok chquixo'l ri aj israelib, rech queboc che cojol tabal tok'ob chnuwäch.

Elem 28:41

Chebacojo' we atz'iak ri' chrij ri Aaron xukuje' chquij ri e u c'ojol, cak'ij c'u aseit puwi' ri qui jolom che u ya'ic takanic pa qui k'ab xukuje' che qui tewichi'xic rech quecanaj che cojol tabal tok'ob chnuwäch.

Elem 29:1

“Che qui tasic e jacha' che nu cojol tabal tak tok'ob, are wa' ri rajawaxic caban chque: chacha' jun alaj ama' wacax xukuje' quieb ama'ib tak chij ri man c'o ta qui yab;

Elem 29:29

Ri tastalicalaj tak ratz'iak ri Aaron cäquechbej can ri e u wi' tak u mam aretak quetas che cojol tabal tok'ob xukuje' aretak cäya' takanic pa qui k'ab che cojol tabal tok'ob.

Elem 29:9

Utz u cojic ri u pas ri Aaron cabano xukuje' ri qui pas ri e u c'ojol, utz caban che u cojic ri pisbal jolomaj chqui jolom. Je caban wa' che u ya'ic ri takanic pa qui k'ab, xukuje' ri qui chac re cojol tabal tok'ob cäcanaj c'u can che jun pixab re chbe k'ij sak.

Elem 39:32

Xtz'akat c'u u banic ri k'ijilabal, ri Lic'om Rachoch Dios re rikoj ib ruc' ri Dios. Ri aj israelib je u banic ronojel xquibano jacha' ri takanic ri xuya' ri Ajawaxel che ri Moises,

Elem 40:12

Chebac'ama' bic ri Aaron e rachilam ri e u c'ojol chunakaj ri u chi' ri Lic'om Rachoch Dios re rikoj ib, chabij chque chi chebatinok,

Aj Levitib 7:38

are wa' ri takanic ri xuya' ri Ajawaxel che ri Moises puwi' ri juyub Sinai, aretak xubij chque ri aj israelib pa ri chaki'j uwo sak aj Sinai chi cäquiya' sipanic che.”

Aj Levitib 8:2

“Chac'ama' ri Aaron e rachil ri e u c'ojol, xukuje' chebac'ama' ri atz'iak ri cäquicoj ri cojol tabal tok'ob, ri aseit re ri tastajic, ri alaj ama' wacax re cuyubal mac, ri quieb ama'ib tak chij, ri alaj chicäch ri e c'o caxlanwa chupam ri man cäya' ta ch'am cuc',

Ajilanic 3:3

Ri quiejeb xetasic xjach c'u ri chac re u cojic ri tabal tok'ob pa qui k'ab,