Aj Levitib 6:16 - Quiché Bible

¹⁶ Are c'u ri u tz'akatil ri sipanic cutij na ri Aaron e rachil ri e u c'ojol; man ruc' ta ch'am pa ri c'olbal ri tastalic chuwäch ri uwo ja rech ri Lic'om Rachoch Dios re rikoj ib.

Aj Levitib 6:16 Iomraidhean Croise

Ucab Tzijobelil 31:14

Ri chajil u chi' ri oquibal ri c'o pa ri elebal k'ij, are' ri Core aj levi, u c'ojol ri Imna, are' chajininak tak ri sipanic ri caquic'am ulok ri winak pa quech wi che ri Dios xukuje' ri u jachic ri cuchuj ri quec'am ulok che ri Ajawaxel ri e tasom che ri Dios.

Elem 12:8

Pa ri ak'ab ri' cäquitij na ti'j ri cäsa' cho k'ak' rachilam c'ayilaj tak ichaj xukuje' caxlanwa ri man caya' ta ch'am ruc'.

Ri Ezequiel 44:29

Cuya' quequitij ri e u wächinic tak ri ulew ri quelquichi'j ri aj israelib chwe, xukuje' tak ri awaj quech tabal tak tok'ob ri queya'ic u mac rech ri macaj xukuje' ri queya'ic u mac rech ri chak'maquil. Junam xukuje' ronojel ri caquitas ri aj israelib chwe cäcanaj chque.

Aj Levitib 2:3

Are c'u ri jubik' ri cäto'taj can che ri sipanic, ri are jubik' ri sibalaj tastalic chquixo'l ri sipanic ri quec'atisax che u ya'ic u k'ij ri Ajawaxel, cacanaj che ri Aaron xukuje' chque tak ri e rija'lil.

Aj Levitib 5:13

Rech curik ri cojol tabal tok'ob ri cuyubal mac, che apachique mac ri u banom we winak ri' cäcuyutaj c'ut ri u mac. Jacha' c'ut ri caban chque tak ri sipanic que c'äj ri cäto'taj canok, cäcanaj che ri cojol tabal tok'ob.”

Aj Levitib 6:23

Ronojel sipanic ri quequiya' ri e cojol tabal tok'ob kas cäq'uis u poroxic, c'o jun metijowic.”

Aj Levitib 6:26

Ri cojol tabal tok'ob ri cachi'n ri tabal tok'ob u mac ri macaj cuya' cutij re che, rajawaxic c'ut cutij pa jun c'olbal ri tastalic, chuwäch ri uwo ja rech ri Lic'om Rachoch Dios re rikoj ib.

Ajilanic 18:8

Ri Ajawaxel xubij che ri Aaron: “Ri sipanic ri queban tak chwe in e nu jachom pa a k'ab. Conojel ri tastalic tak sipanic ri quequiban ri aj israelib chwe, quebenya' chawe xukuje' chque tak ri a c'ojol e are tak c'u wa' ri e ya'tal chiwe; jun nak'atisabal wa' re amak'el.

1 Corintios 5:8

Je c'u ri', chkabana' ri nimak'ij re ri oc'owem, man ruc' ta ri ojer ch'am, mawi ruc' ri ch'am re etzelal, re u banic itzel tak jastak. Xane' chkabana' ruc' caxlanwa ri man c'o ta ch'am ruc'. Man ruc' ta quieb kanima', xane' ruc' kastzij.