Aj Levitib 4:3 - Quiché Bible

³ We ri camacunic are' ri quinimal ri e cojol tabal tok'ob, cuban c'ut chi cakaj na ri macaj puwi' ri tinimit, rajawaxic cuchi'j na che ri Ajawaxel jun alaj ama' wacax ri man c'o ta u yab jacha' che tabal tok'ob u mac ri macaj.

Aj Levitib 4:3 Iomraidhean Croise

Ucab Tzijobelil 29:21

E cuc'am bic wukub alaj tak ama'ib wacax, wukub ama'ib tak chij, wukub alaj ama'ib tak chij xukuje' wukub alaj tak ama'ib q'uisic', jacha' che sipanic che qui josk'ixic ri macaj ri e qui banom ri e rachalaxic ri ajawinel, che ri rachoch Dios xukuje' che ri Juda. Ri ajawinel xuya' takanic chque ri e cojol tabal tok'ob, ri e rija'lil ri Aaron, chi chequiya' wa' che tabal tok'ob ri cachajirisaxic puwi' ri porobal aj Ajawaxel.

Ri Esdras 8:35

E are' tak c'ut ri xquiya' can ri Babilon ri xetzelej ulok, xequijach che tabal tok'ob ri quechajirisaxic ri cäya' che ri u Dios ri Israel, pa qui bi' c'ut conojel ri aj israelib, cablajuj (12) alaj tak ama'ib wacax, jumuch' waklajuj (96) ama'ib tak chij, oxc'al wuklajuj (77) alaj ama'ib tak chij xukuje' cablajuj (12) ama'ib tak q'uisic' che sipanic rumal ri mac. Conojel xeporox che u ya'ic u k'ij ri Ajawaxel.

Elem 29:14

are c'u ri u ti'jal, ri alaj ama' wacax, ri u tz'umal, ri u mes, chaporoj chrij ri kajebal, tojbal c'u macaj wa'.

Elem 29:21

Chac'ama' jubik' che ri quic' xukuje' che ri aseit ri cäk'ij pa u jolom ri cojol tabal tok'ob ri c'o puwi' ri porobal, chachicoj chrij ri Aaron xukuje' chrij ri ratz'iak, chquij ri e u c'ojol xukuje' chquij ri catz'iak. Ruc' ri u banic wa' ri Aaron e rachilam ri e u c'ojol, quetastajic xukuje' ri catz'iak.

Elem 29:7

Chatasa' c'ut ri Aaron jacha' che cojol tabal tok'ob, chac'ama' ri aseit re tastajic, chak'ija' pa u jolom.

Elem 30:10

We porobal ri' xa jumul jachom che ri Ajawaxel, ri Aaron xa jumul pa ri jun junab cuya' ri quic' re ri tabal tok'ob re sachbal mac paquiwi' ri ruc'a' ri porobal. Xa jumul pa ri jun junab, cäya' ri tabal tok'ob re sachbal mac puwi' we porobal ri'.”

Ri Ezequiel 40:39

Pa ri uwo ja rech ri oquibal e c'o quiejeb mexa, cacab pa jujun u xcut, paquiwi' c'u wa' quepil wi ri awaj ri queya' che tabal tok'ob ri quechajirisaxic xukuje' ri queya' che tabal tok'ob u mac rech ri macaj o ri macunic.

Ri Ezequiel 43:19

Chque ri e cojol tabal tok'ob ri e aj levitib ri e rija'lil ri Sadoc, e are' tak c'u wa' ri e rajawaxic quekeb chnuwäch che nu patanixic, quiya' na jun alaj ama' wacax chque rech caquichi'j che tabal tok'ob che u q'uexwäch ri macaj. In, ri Ajawaxel, quinya' takanic che u banic.

Ri Ezequiel 44:27

Aretak c'u cheboc chic chuwäch ri ucab uwo ja ri c'o chuwäch ri Rachoch Dios che u tz'akatisaxic u banic ri qui patanijic, caquichi'j na jun tabal tok'ob rumal ri macaj. In, ri Ajawaxel, quintakanic chi cäbanic.

Aj Levitib 1:10

We ri awaj ri cuchi'j che tabal tok'ob ri cächajirisaxic, caresaj chquixo'l ri e u chij o u q'uisic; rajawaxic are jun ama' ri man c'o ta u yab.

Aj Levitib 1:3

We ri awaj ri cuchi'j che tabal tok'ob ri cächajirisaxic cäresaj ulok chquixo'l ri u wacax, rajawaxic are jun ama' wacax ri man c'o ta u yab. Rech cac'amar ri cuyao, rajawaxic cuchi'j chuwäch ri Ajawaxel chuchi' ri oquibal chupam ri Lic'om Rachoch Dios re rikoj ib,

Aj Levitib 16:11

Ri Aaron cuchi'j na ri c'ojol ama' wacax jacha' che ri u tabal tok'ob u mac rech ri macaj, rech quesachtaj ri e u mac xukuje' ri e quech ri rachalal.

Aj Levitib 16:3

Jewa' rajawaxic cuban ri Aaron aretak coc chupam ri k'ijilabal: cuc'am bic jun alaj ama' wacax jacha' che tabal tok'ob u mac rech ri macaj xukuje' jun ama' chij che u chi'xic che tabal tok'ob ri cächajirisaxic.

Aj Levitib 16:5

Che ri tinimit aj israelib ri Aaron quebuc'am quieb ama'ib tak q'uisic' tabal tok'ob re josk'ibal mac, xukuje' jun ama' chij che u chi'xic che tabal tok'ob ri cächajirisaxic.

Aj Levitib 16:6

Cuchi'j c'u na ri alaj ama' wacax che tabal tok'ob rumal ri mac ri u banom, rech quecuyutaj ri u mac, xukuje' ri qui mac ri rachalaxic.

Aj Levitib 4:14

aretak c'u quetamax ri mac ri qui banom, rajawaxic conojel junam cäquiya' jun alaj ama' wacax che tabal tok'ob u mac rech ri macaj. Caquic'am na u bic chuwäch ri Lic'om Rachoch Dios re rikoj ib.

Aj Levitib 4:23

Aretak c'u cuch'obo chi macuninak cuc'am na bic jacha' che sipanic jun ama' q'uisic' ri man c'o ta jun u yab.

Aj Levitib 4:28

aretak c'u cuch'obo chi macuninak cuc'am na bic jun ati't q'uisic' ri man c'o ta jun u yab, jacha' sipanic u mac rech ri macaj ri bantajinak.

Aj Levitib 4:5

Chwi chi c'u wa' kas are c'ut cuc'am na jubik' ri u quiq'uel ri alaj ama' wacax cuc'am c'u u bic chupam ri Lic'om Rachoch Dios re rikoj ib;

Aj Levitib 5:6

cujach na jun ati't awaj chuwäch ri Ajawaxel ri cresaj ulok chquixo'l ri u chij che tabal tok'ob u mac rech ri macaj ri bantajinak; cuya' cuc'am ulok jun ati't chij jun ati't q'uisic' rumal c'ut we tabal tok'ob ri', ri cojol tabal tok'ob curik ri sachbal u mac we winak ri'.

Aj Levitib 6:18

Conojel ri e ralc'ual ri Aaron ri alabom cuya' cäquitij que ri u tz'akatil ri sipanic ri queporoxic chuwäch ri Ajawaxel. Je chban wa' pa tak ri k'ij junab ri quepe na apachique jasach ri cächapowic cätastaj canok.”

Aj Levitib 8:12

Ri Moises xuk'ij c'ut puwi' ri Aaron ri aseit re tastajic che u tasic jacha' che cojol tabal tok'ob.

Aj Levitib 9:2

xubij c'u che ri Aaron: “Chac'ama' jun alaj ama' wacax che tabal tok'ob re cuyubal mac, xukuje' jun ama' chij ri man c'o ta u yab che tabal tok'ob ri cächajirisaxic chebaya' c'u chuwäch ri Ajawaxel.

Aj Levitib 9:3

Chabij chque ri aj israelib: chi chquic'ama' ulok jun alaj ama' q'uisic' che tabal tok'ob re cuyubal mac, jun alaj ama' wacax xukuje' jun alaj ama' chij re jujun qui junab ri man c'o ta qui yab ri queya' che tabal tok'ob ri quechajirisaxic,

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

Ajilanic 8:8

Caquic'am c'ut jun c'ojol wacax, xukuje' jubik' che ri c'äj ri utz na, ri cayok' aseit ruc', che u banic ri sipanic re c'äj ri cärachilaj, c'o chi c'u wi na jun c'ojol wacax che ri tabal tok'ob u mac ri macaj.

Romanos 8:3

U banom c'u ri Dios ri man xcuin ta ri u pixab ri Moises che u banic, man ticarel ta c'u che u banic u mac rech ri u tukaril ri aj macalaj winak: ri Dios xutak c'u ulok ri kas u C'ojol pa ri u junamil ri aj macalaj winak jacha' che tabal tok'ob rech cacuyutaj ri macaj, je c'u wa' ri u c'okotajic ri macaj chupam ri kas u tukaril ri winak.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Hebreos 5:3

Rajawaxic c'ut chi cuya' tabal tok'ob cho ri Dios man xuwi ta rumal quech ri qui mac ri winak, xane' xukuje' rumal quech ri u mac are'.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.