Aj Levitib 4:20 - Quiché Bible

²⁰ ri u bixic chi je cäban che we alaj ama' wacax ri' junam jas ri cuban che ri alaj ama' wacax ri capil u mac rech ri macaj, jeri' ri cojol tabal tok'ob curik na ri cuyubal qui mac we winak ri', casach taj c'u na ri macaj ri qui banom.

Aj Levitib 4:20 Iomraidhean Croise

Elem 32:30

Chucab k'ij, xubij ri Moises chque ri aj israelib: “Ri ix, i banom jun nimalaj mac. Camic quinpaki' chi na jawije' c'o wi ri Ajawaxel, che rilic we quincuinic chi quixucuyu'.”

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Aj Levitib 1:4

quebuya' c'u ri u k'ab puwi' ri u jolom ri awaj. Cac'amar c'u na ri awaj ri cuyao, rech queburik ri cuyubal tak u mac.

Aj Levitib 12:8

We c'u ri u nan ri ac'al man cuban ta ri u rajil che u lok'ic ulok jun alaj ama' chij, cuya' quebuc'am na ulok quieb palomax o quieb tucumux jun che tabal tok'ob ri cächajirisaxic, ri jun chic jacha' che tabal tok'ob che u josk'ixic ri mac; ri cojol tabal tok'ob cutz'onoj ri sachbal u mac ri ixok, cäjosk'itaj c'ut.

Aj Levitib 14:18

Ri aseit ri to'tajinak pa u k'ab, cubil pa u jolom ri cäjosk'ixic. Jeri' ri cojol tabal tok'ob curik rumal ri Ajawaxel ri cuyubal mac che u josk'ixic ri macaj.

Aj Levitib 15:15

ri cojol tabal tok'ob cuchi'j jun chque jacha' che tabal tok'ob u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri achi ri c'o we yabil ri' che, chuwäch ri Ajawaxel.

Aj Levitib 19:22

Ruc' we ama' chij ri' ri jacha' che tabal tok'ob che u josk'ixic ri chak'maquil, ri cojol tabal tok'ob cutz'onoj tok'ob che ri Ajawaxel chi cusach u mac we achi ri', casachtaj c'u na ri u mac,

Aj Levitib 4:21

Cäresaj bic ri alaj ama' wacax chrij ri kajebal, cuporoj c'u na, jacha' ri caban che ri nabe alaj ama' wacax are c'ut ri tabal tok'ob u mac rech ri u mac ri tinimit.

Aj Levitib 4:26

cuporoj c'u ronojel ri xepo puwi' ri porobal, jacha' ri cäban che ri u xepoyil ri tabal tok'ob re utzirisan ib. Jeri' ri cojol tabal tok'ob curik na ri cuyubal u mac ri c'amal be, cäsachtaj c'u na ri macaj ri banom.

Aj Levitib 4:35

Cäresaj c'u ronojel ri u xepoyil, jas ri cäban che resaxic ri u xepoyil ri alaj ama' chij ri cächi'xic jacha' che tabal tok'ob re utzirisan ib, cuporoj c'u ri xepo puwi' ri porobal, junam ruc' ri sipanic ri porom che u ya'ic u k'ij ri Ajawaxel. Xa jeri' ri cojol tabal tok'ob curik na ri cuyubal mac u mac rech ri macaj ri xuban ri winak ri', cäsachtaj c'u na ri u mac.”

Aj Levitib 4:8

Cäresaj ronojel ri u xepoyil ri alaj ama' wacax ri yo'm che sachbal mac, ronojel ri xepo ri c'o chquij ri ixco'l xukuje' ri c'o chquij ri ti'j chupam,

Aj Levitib 5:10

Are c'u ri ucab cuya' che tabal tok'ob ri cächajirisaxic je jas ri nak'atisabal; xa jeri' ri cojol tabal tok'ob curik ri sachbal mac che ri mac ri u banom we winak ri', cäcuyutaj c'u ri u mac.

Aj Levitib 5:13

Rech curik ri cojol tabal tok'ob ri cuyubal mac, che apachique mac ri u banom we winak ri' cäcuyutaj c'ut ri u mac. Jacha' c'ut ri caban chque tak ri sipanic que c'äj ri cäto'taj canok, cäcanaj che ri cojol tabal tok'ob.”

Aj Levitib 5:16

Ri winak ri' cutoj na ri u t'orim chque ri tastalic tak jastak cuya' chi na jun u ro'il, ri cujach pa u k'ab ri cojol tabal tok'ob. Rumal c'u ri chij ri cäpil che cuyubal mac, ri cojol tabal tok'ob curik ri sachbal mac che ri u mac we winak ri', cäcuyutaj c'u ri u mac.

Aj Levitib 5:18

Rumal ri' rajawaxic cäresaj na ulok jun ama' chij chquixo'l ri u chij ri man c'o ta u yab, at c'u catk'atow jas ri kas rajil, cuc'am c'u na bic che ri cojol tabal tok'ob jacha' che tabal tok'ob u mac rech ri macunic, rech cärik ri sachbal u mac we winak ri' ri man ruc' ta ri u rayibal xubano, cäsachtaj c'ut ri u mac.

Aj Levitib 5:6

cujach na jun ati't awaj chuwäch ri Ajawaxel ri cresaj ulok chquixo'l ri u chij che tabal tok'ob u mac rech ri macaj ri bantajinak; cuya' cuc'am ulok jun ati't chij jun ati't q'uisic' rumal c'ut we tabal tok'ob ri', ri cojol tabal tok'ob curik ri sachbal u mac we winak ri'.

Aj Levitib 6:7

Ri cojol tabal tok'ob curik na ri cuyubal u mac we winak ri' pa u k'ab ri Ajawaxel chque jun chque we jastak ri' ri macuninak wi, cäcuyutaj c'ut ri u mac.”

Ajilanic 15:25

Ri cojol ri tabal tok'ob cuban ri nimak'ij ri nak'atisabal che u rikic ri sachbal macaj che utzil che ronojel ri tinimit Israel, quinsach c'u na qui mac are c'u jun macaj ri man xquinabej ta xquibano xquijäch c'ut ri qui sipanic chnuwäch xukuje' ri qui tabal tok'ob che u josk'ixic ri macaj.

Ajilanic 15:28

Ri cojol ri tabal tok'ob cuban ri nimak'ij ri nak'atisabal chnuwäch che u rikic ri sachbal mac che u josk'ixic ri macaj ri bantajinak ri man xunabej ta we winak ri', in quinsach c'u na ri u mac.

Romanos 5:11

Man xuwi ta c'u wa', xane' xukuje' cujquicot rumal ri Dios rumal ri Ajawaxel Jesucrist, rumal c'ut ri Crist karikom ri jamaril ruc' ri Dios.

Gálatas 3:13

Are ri Crist xujcoloben chuxe' ri u c'okonic ri pixab, xux c'u c'okotajinak che ka q'uexwäch. Tz'ibatal c'ut: “C'okotajinak ronojel ri cätzayabax cho jun che'.”

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

Hebreos 2:17

Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

1 Juan 2:2

Ri Jesucrist xuchi'j rib che tabal tok'ob rech quecuy taj ri e ka mac; man xuwi ta c'ut ri e kech uj xane' xukuje' ri e quech conojel ri e c'o cho ri uwächulew.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,