Aj Levitib 26:43 - Quiché Bible

⁴³ ri qui tzokopim canok cuxlan c'u na aretak ri ix man ix c'o ta chi chuwäch; quebitoj c'u na ix ri e i mac, rumal rech chi man nim ta xebiwil wi ri e nu takanic xebixutuj c'ut ri e nu pixab.

Aj Levitib 26:43 Iomraidhean Croise

Ucab Tzijobelil 33:12

Aretak xuna' ri rib chi c'o pa ri nimalaj c'ax xutz'onoj elebal c'u'x che ri Ajawaxel, xumach'irisaj c'u rib ruc' ronojel ranima' chuwäch ri qui Dios ri e nabe tak u mam.

Ucab Tzijobelil 36:21

rech catz'akat ri u bim ri Dios rumal ri Jeremiy, ri k'axal tzij. Jeri' ri ulew curik na ri ruxlanem; xuxlan c'ut ronojel ri k'ijol ri xbeytaj ri retzeletajic, c'ä xoc'ow na oxc'al lajuj junab.

Ri Job 5:17

Utz rech ri winak ri cäyaj rumal ri Dios; mawetzelaj u wäch ri u yajanic ri c'o ronojel u cuinem.

Salmib 119:67

Aretak maja' cäc'äjisax nu wäch, xebenban q'ui sachinakil, are c'u ri camic quinnimaj ri tzij la.

Salmib 119:71

Utz xuban chwe chi xc'äjisaj la nu wäch, rumal rech wa' xebenwetamaj tak ri pixab la.

Salmib 119:75

Ajawaxel, in weta'm chi ri pixab la ri e tz'ibam la e suc', chi c'o c'u rumal cäc'äjisaj la nu wäch.

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Salmib 50:17

We man cäkaj chawäch chi catinjic'o mawi nim quebawil wi tak ri e nu tzij.

Ri Isaiy 26:16

Pa ri ka bis cujtzucun che la Ajawaxel, aretak cujpixbej la chinojimal.

Ri Jeremiy 31:19

In xintas wib chij la, nu q'uexom c'u nu c'u'x; nu ch'obom ri nu mac quint'ocot'a c'ut ri wa'; quinna' wib chi elinak nu q'uixbal xukuje' in mach'irisam qui mac quech tak ri mac pa ri walc'alal.’

Ri Daniel 9:14

Rumal ri', suc'umam la we c'axc'olil ri' takom c'u la ulok pakawi'; rumal rech chi ri lal, Ajawaxel xukuje' ka Dios, lal suc' pa ronojel ri cäban la; are c'u ri uj man xkaj taj xkatatabej ri xbij la chke.

Aj Levitib 26:11

Quinjekeba' na ri nu c'olbal chixo'l, mawi jubik' quinwetzelaj ta i wäch;

Aj Levitib 26:15

we c'u quebijech'obisaj ri nu takanic, man nim ta quiwil wi ri nu pixab, mawi quitz'akatisaj qui banic ri cäquibij ri e nu takomal, man quebitz'akatisaj taj ri nu c'ulwächinic we je quiban wa',

Aj Levitib 26:30

In quebenc'äjij tak ri e i k'ijilabal ri e quech winak ri e k'ijilal tak diosib, quinban na cacab chque ri e i porobal quech c'oc' tak k'ol; quebenmulij na ri e i cuerp ri man c'o ta qui c'aslemal paquiwi' ri qui cuerp ri e i diosib ri man c'o ta qui c'aslemal, quinc'ut c'u na ri woyowal chiwäch.

Aj Levitib 26:41

xukuje' c'u ri in quixinc'ulelaj na quixinc'am c'u bic pa ri culew ri e i c'ulel; c'ä chi' c'ut cäquimach' na ri canima' ri quebuk'ijilaj tak diosib, caquitoj c'u na ri qui mac.

Ri Amos 5:10

¡Tok'ob i wäch ix, ri quiwetzelaj u wäch ri cuto' u wi' ri suq'uilal xukuje' c'u ne quixutuj c'ut ri k'alajisanel ri tz'akat pa ronojel!

Ri Zacariy 11:8

Xa' pa jun ic' xebenwesaj bic oxib ajyuk'ab ri xq'uistaj nu c'u'x cuc' caquetzelaj c'u nu wäch xukuje'.

Ri Xuan 7:7

Ri e aj uwächulew man quecuin taj cäquetzelaj i wäch ix. Cäquetzelaj c'u nu wäch in, rumal rech chi quink'alajisaj jas ri qui banic, chi cäquiban etzelal.

Romanos 8:7

Ri caquichomaj ri jastak aj winak re mac, cuban u c'ulel che ri Dios. Rumal ri' man cuya' ta rib chuxe' ri u pixab ri Dios, mawi cäcuinic.

U Camulixic ri Pixab 32:36

Ri Ajawaxel quel na ulok che u to'ic ri u tinimit aretak cärilo chi man c'o ta chic u chuk'ab; ri Ajawaxel quel na u c'u'x chque ri e u pataninelab aretak cärilo chi man e c'o ta chi tukarib, mawi e c'o ta qui chuk'ab.