Aj Levitib 23:3 - Quiché Bible

³ Wakib k'ij catchacun, are c'u ri uwuk k'ij; man ya'tal taj jun chac, are jun k'ij ri nim u banic re uxlanem c'o c'u na jun mulin ib. We k'ij ri cux na k'ij re uxlanem che u ya'ic u k'ij ri Ajawaxel.

Aj Levitib 23:3 Iomraidhean Croise

Elem 16:23

xubij c'u ri Moises chque: “Are wa' ri takanic ri u yo'm ri Ajawaxel. Chwek are k'ij re uxlanem, jun uxlanem ri tastalic che u k'ijilaxic ri Ajawaxel. Chitzaca' camic ri rajawaxic u tzaquic, ri rajawaxic u rokowisaxic chi rokowisaj, ronojel c'u ri cäto'taj canok chic'olo' che re chwek.”

Elem 16:29

Choc ba pa i jolom chi ri in, ri Ajawaxel, nu yo'm c'u jun k'ij chiwe re uxlanem, rumal ri' pa ri uwak k'ij quinya' i wa re quieb k'ij. Chijujunal chixcanaj cho tak iwachoch pa ri uwuk k'ij, man quixel ta c'u bic chupam.”

Elem 16:30

Xebuxlan c'u ri winak pa ri uwuk k'ij.

Elem 23:12

Ronojel ri rajawaxic u banic awumal, chabana' can pa ri wakib k'ij, pa ri uwuk k'ij c'ut rajawaxic catuxlanic, rech cuxlan ri a wacax, ri a bur, rech cuc'ac'arisaj ri u chuk'ab ri lok'om a pataninel xukuje' ri man a winakil taj.

Elem 34:21

Wakib k'ij chixchacunok, pa ri uwuk k'ij chixuxlanok, pune' pa u k'ijol ticonijic o pa u k'ijol k'atoj.

Ri Isaiy 56:2

Sibalaj utz rech ri winak ri quebutakej, ri nim cäril wi ri k'ij re uxlanem man cutz'iloj ta c'ut, ri sibalaj cuchajij rib man cuban ta mawi jun jasach ri tz'il.”

Ri Isaiy 56:6

Are c'u ri winak ri e re jun tinimit chic ri cäquijach quib pa nu k'ab che nu patanixic xukuje' che nu lok'ok'exic, rech quebux pataninel wech, we nim cäquil wi ri k'ij re uxlanem man cäquitz'iloj ta c'ut, xukuje' quejeki' chupam ri nu c'ulwächinic,

Ri Isaiy 58:13

“Nim chawila' wi ri k'ij re uxlanem mebaban ch'äcoj chupam ri tastalicalaj nu k'ij. Chach'obo' chi we k'ij ri' k'ij wa' re quicotemal, jacha' jun tastalicalaj k'ij che ri Ajawaxel ri takal u ya'ic u k'ij nim chawila' wi mebaban ri jastak awech pa we k'ij ri', mawi are catzucuj ri utz chawe at ri c'o cach'äc chquij.

Aj Levitib 19:3

Chijujunal nim chebiwila' wi ri i tat xukuje' ri i nan. Nim chebiwila' wi tak ri e nu k'ij re uxlanem. In ri' ri Ajawaxel ri i Dios.

Ri Lucax 13:14

Ri qui nimal ri winak pa ri ja ri cäquitijoj wi quib che ri pixab, xpe royowal rumal rech chi ri Jesus xucunaj ri ixok pa ri k'ij re uxlanem. Xubij c'u chque ri winak: “E c'o wakib k'ij ri quixchacunic. Tisaj c'ut pa tak we k'ij ri' che i cunaxic, mixpe pa ri k'ij re uxlanem.”

Ri Lucax 23:56

Aretak xetzelej ulok, xequisuc'umaj tak c'oc'al xukuje' c'oc'alaj tak cunabal. Xebuxlan c'u pa ri k'ij re uxlanem, jas ri cubij ri pixab.

Hechos 15:21

Kas pa ri ojer tak k'ij c'ä camic, pa conojel tak ri tinimit, e c'o winak ri cäquisiq'uij u wäch ri u pixab ri Moises ronojel k'ij re uxlanem pa tak ri ja ri cäquitijoj wi quib ri aj judeyib che ri pixab.”

Apocalipsis 1:10

Xc'ulmataj c'ut chi pa ri k'ij re ri Ajawaxel, in c'o pa ri Uxlabaxel. Xinta' c'u jun nimalaj ch'abal chwij je ta ne ri rok'ebal jun trompet,