Aj Levitib 23:14 - Quiché Bible

¹⁴ C'ä pa ri k'ij aretak ri qui c'am na bic ri i sipanic che ri Ajawaxel, mitij ta na caxlanwa mawi q'uilim trico o iq'uel. Jun pixab wa' ri coc'ow cuc' ri tataxelab cäk'ax c'u cuc' ri c'ojolaxelab apawije' ta ne ri quixjeki' wi.

Aj Levitib 23:14 Iomraidhean Croise

Elem 34:26

Rajawaxic quebic'am bic ri nabe utzalaj tak qui wächinic ri e iwulew pa ri rachoch ri Ajawaxel. Mebitzac ri alaj tak q'uisic' chupam ri u leche ri qui nan.”

Ri Nehemiy 9:14

Xetijoj c'u la che u tasic ri k'ij re uxlanem che la, xeya' c'u la tak takomal chque, tijonic tak ri e colom, pixab tak xukuje' tak tijonic rumal ri pataninel ech la ri Moises.

U Camulixic ri Pixab 16:12

Chnataj chiwe chi xukuje' ri ix xixux na lok'om pataninelab pa Ejipt; rumal ri' chixoc che qui nimaxic tak we pixab ri'.

Aj Levitib 10:11

rech quixcuinic quebitijoj ri aj israelib chque conojel ri pixab ri u yo'm u bixic ri Ajawaxel chiwe rumal ri Moises.”

Aj Levitib 3:17

Pixab wa' ri kas xa jumul cäjeki'c canok quebel cuc' ri tataxelab cäk'ax cuc' ri alc'ualaxelab, apawije' ta ne ri ix jekel wi: c'o jubik' xepo mitijo mawi quic'.”

Salmib 19:8

Ri u pixab ri Ajawaxel ri e banom e suc', quequic'am c'u ulok quicotemal che ri anima'. Ri u takomal ri Ajawaxel ch'ajch'oj quebunojisaj c'ut ri bak'wächaj che chäj.

Aj Levitib 2:14

We caya' jun sipanic che ri Ajawaxel quech c'äj quech ri nabe tak u wächinic ri awulew, rajawaxic e u jolom tak trico ri e chaki'j chic q'uilim puwi' ri k'ak' ri xukuje' e c'ac' u jolom tak trico k'ichom ri awesam che ri nabe tak u wächinic ri awulew.

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Aj Levitib 23:31

Mawi jun chac quibano; pixab wa' ri caquitz'akatisaj ri tataxelab xukuje' ri c'ojolaxelab pa apachique c'olbal ri quixjeki' wi.

Aj Levitib 23:41

Chi junab quiban wukub k'ij nimak'ij chuwäch ri Ajawaxel; jun pixab wa' ri cäjekic ri caquiban ri tataxelab xukuje' ri c'ojolaxelab.