Aj Levitib 19:4 - Quiché Bible

⁴ Mat cojon chque tak ri diosib, xukuje' mebiban i diosib re ch'ich' ri e suc'umam pa k'ak'. In ri' ri Ajawaxel ri i Dios.

Aj Levitib 19:4 Iomraidhean Croise

Nabe Ajawinelab 14:9

ri at sibalaj at itzel na chquiwäch ri xec'oji' can nabe chawäch; at, che u yaquic woyowal, e a banom jule' tak diosib chic wächbal tak re räx ch'ich' ri e tzacom pa k'ak', awetzelam c'u nu wäch.

Nabe Tzijobelil 16:26

Ri e qui diosib ri e jule' tak tinimit chic man c'o ta qui banic, are c'u ri Ajawaxel are' xebanow tak ri caj.

Ucab Tzijobelil 28:2

xane' are xutakej u banic rech ri xequiban tak ri ajawinelab re Israel, xukuje' xebuban c'u tak u e wächbal ri Baal pa k'ak',

Salmib 96:5

Ri e qui diosib ri jule' tak tinimit chic man c'o ta jas ri quecuin ta che u banic, are' c'u ri Ajawaxel, are' xebanow ri caj.

Elem 20:23

Mebiban diosib re sak puak o re k'an puak rech quebik'ijilaj jacha' ri quiban chwe in.

Elem 32:4

xuc'am c'u chque, xuja'risaj ri k'an puak pa k'ak', xuban jun alaj ama' wacax, conojel c'ut je xquibij wa': “¡Israel, are a dios wa' ri xatesan ulok pa Ejipt!”

Elem 34:17

Mawi jumul mebiban ix i diosib re tzacom ch'ich'.”

Aj Levitib 11:44

“In c'ut ri Ajawaxel ri i Dios, ri ix rajawaxic chi kas quitas iwib, chixux c'u tastalic, in c'u in tastalic, man quinban ta etzelal. Mitz'iloj ba iwib ruc' apachique chicop ri cujururej rib cho ri ulew.

Aj Levitib 19:25

Aretak cätz'akat job junab cuya' chic quitij ri qui wäch. Xa jeri' ri che' sibalaj quewächin na. In ri' ri Ajawaxel.

Aj Levitib 19:5

Aretak quebiya' chuwäch ri Ajawaxel tabal tok'ob re utzirisan ib, je u banic wa' chibana' rech cuc'am ri Dios chiwe.

Aj Levitib 26:1

“Mebiban tak i diosib mawi tak wächbal; mebiwalajisaj tastalicalaj tak abaj ri quetzoq'uic; mebimej tak iwib chquiwäch, in c'u ri' ri Ajawaxel ri i Dios.

Ri Hajey 2:18

Camic, ri k'ij juwinak quiejeb rajilabal ri ubelej ic', xecoj tak ri e u tac'alibal ri wachoch.

1 Corintios 10:14

Rumal ri', lok'alaj tak wachalal, chixanimaj chuwäch ri qui k'ijilaxic tak ri diosib.

U Camulixic ri Pixab 27:15

‘C'okotajinak ri winak ri cuban jun u dios o jun wächbal re ch'ich' ri jarisam pa k'ak' ri cäban rumal jun k'olol dios, cuya' c'u pa jun c'olbal ri c'utalic, xawebal wa' che ri Ajawaxel.’ Conojel ri tinimit cäquibij na: ‘Je chelok.’

U Camulixic ri Pixab 4:16

mixkaj pa ri mac che qui banic tak wächbal ri junam ta u bantajic ruc' jun achi o jun ixok,

U Camulixic ri Pixab 7:25

Quebiporoj na ri e qui wächbal tak ri e qui banom che qui diosib, mebic'am c'u can ri k'an puak xukuje' ri sak puak ri ch'ukuwinak quij; mixkaj chupam we takchibal mac ri', quixkaj c'u ri' chupam jun banoj ri etzelal chuwäch ri Ajawaxel.

1 Juan 5:21

Lok'alaj tak walc'ual, mebiwokaj ri e diosib.