Aj Levitib 17:10 - Quiché Bible

¹⁰ “In quinc'ulelaj na ronojel aj israel o ri man i winakil taj ri jekel chixo'l ri cutij, apachique ta ne quic'. In quinwesaj na chquixo'l ri e u tinimit.

Aj Levitib 17:10 Iomraidhean Croise

Chapletajic 9:4

C'o c'u jun jasach ri man cuya' taj quitijo: ri ti'j rachil ri u quiq'uel, chupam c'ut ri quic' c'o wi ri c'aslemal.

Ucab Samuel 23:17

xubij c'ut: “¡Muya' c'olbal ri Ajawaxel chi quinwuq'uiaj! ¡Xak junam ri' ruc' ri ruq'uiaxic ri qui quiq'uel we oxib achijab ri', ri xquijach ri qui c'aslemal pa cämical che u c'amic ulok we ja' ri'!” Man xraj ta c'ut xukumuj. We banoj ri' e are' xebanow ri oxib cowilaj tak achijab.

Salmib 34:16

Ri Ajawaxel quebuc'ulelaj ri e banal tak etzelal, che u chupisaxic u wäch ri natabal quech cho ri uwächulew.

Elem 30:33

We c'o jachin cusuc'umaj jun aseit ri junam ruc' wa' o cujamij puwi' apachique winak, quesax ri u bi' chquixo'l ri u winakil.’ ”

Ri Jeremiy 21:10

Xa' c'u ne jumul nu bim chi quinc'am ulok ri etzelal che u q'uexwäch utzil puwi' we tinimit ri'. Quinjach na pa u k'ab ri ajawinel re Babilon, cut'ik c'u na k'ak' che. In, ri Ajawaxel, quinjiquiba' u bixic.’

Ri Jeremiy 44:11

Rumal ri' in, ri Ajawaxel ri c'o ronojel u cuinem, ri u Dios ri Israel, quinbij chiwe: xchomataj wumal chi quinc'am ulok ri lawaloyil piwi' quinsachisaj c'u u wäch ronojel ri Juda.

Ri Ezequiel 14:8

Quinc'ulelaj na we winak ri' chupalaj quinya' c'u na jun c'äjisabal che c'utbal, jun jasach ri caquitzijola' na quinsachisaj c'u na u wäch chquixo'l ri nu tinimit. C'äte c'u ri' quiwetamaj na chi in ri' ri Ajawaxel.

Ri Ezequiel 15:7

In quink'alajisaj na wib chi e nu c'ulel. Queto'taj na chuwäch jun k'ak', jun k'ak' chi c'ut caq'uisow na tzij paquiwi'. Aretak c'u quink'alajisaj wib chi nu c'ulel, ri ix qui wetamaj na chi ri in, in ri' ri Ajawaxel.

Ri Ezequiel 33:25

Rumal ri', chabij chque: ‘Jewa' cubij ri Ajawaxel: Ri ix quitij ti'j ruc' quic', quebik'ijilaj ri e diosib, quebiban cämisanic, ¿Are c'u pa i c'u'x chi quixux tak ajchak'e ri ulew?

Ri Ezequiel 44:7

Ri ix qui wawasij ri wachoch quebiya' c'u c'olbal chi queboc ri man e i winakil taj chupam, winak ri man cuc'amtaj ri retal ri nu c'ulwächinic mawi pa ri qui chomanic mawi che ri qui cuerp; cäcawasij caquichi'j c'u chwe jacha' che k'obisabal ri xepo ri quic' quech tak ri tabal tok'ob, man are ta c'u caquibano jas ri cubij ri nu c'ulwächinic cumal ri qui banic tak we jastak ri' ri itzel quebenwilo.

Aj Levitib 17:11

Rumal rech chi ronojel c'aslic, c'asal rumal ri u quiq'uel, nu yo'm c'u in chiwe puwi' ri porobal rech rumal ri quic' quixcuinic quitoj ri u to'tajisaxic ri i c'aslemal, are' c'ut ri quic' cätojow ri u to'tajisaxic ri c'aslemal.

Aj Levitib 19:26

Mitij jun ti'j ri c'o quic' che. Mitijoj iwib che ch'obonic. Miban subunic che u k'alajisaxic ri c'ä maja' cäc'ulmatajic.

Aj Levitib 26:17

In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Aj Levitib 3:17

Pixab wa' ri kas xa jumul cäjeki'c canok quebel cuc' ri tataxelab cäk'ax cuc' ri alc'ualaxelab, apawije' ta ne ri ix jekel wi: c'o jubik' xepo mitijo mawi quic'.”

Ri Amos 9:4

we quebe pa jun ulew chic quec'am bic cumal tak ri quec'ulelanic, quintak c'u na bic ri ch'ich' re ch'o'j che qui cämisaxic. ¡Che etzelal, man che ta c'u utzil, amak'el quinya' nu wäch chque!”

Hechos 15:20

Cubana' chi ka tz'ibaj bic chque chi chquitasa' quib maquinak apachique jasach awasim cumal ri diosib, chi man cäquiban ta macunic cuc' achijab ixokib, mequitij qui ti'jal awaj ri e jitz'itajinak, o ri e jik'inak, mawi quic'.

Hechos 15:29

Mebitij qui ti'jal awaj ri e chi'm che tabal tok'ob chque ri e diosib, mebitij quic'. Mebitij quiti'jal awaj ri quejitz'itajic. Miban macunic cuc' achijab ixokib. We c'u kas quichajij iwib chi man quebiban ta wa', utz ri quibano. Chixuchajij ba' ri Dios.”

U Camulixic ri Pixab 12:16

Mitij c'u ri u quiq'uel, xa chijamij pa ulew jacha' ja'.

U Camulixic ri Pixab 12:23

Mawi c'u jubik' mitij ri quic', are c'u c'aslemal ri quic'; mitij ba ri c'aslemal junam ruc' ri ti'j,

U Camulixic ri Pixab 15:23

Mitij ri u quiq'uel, xa chi jamij puwi' ri ulew jacha' ja'.”

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Nabe Samuel 14:32

xquiq'uiak c'u quib puwi' ri quesan chque ri c'ulel, xequic'am c'u chij, ati'tab tak wacax xukuje' alaj tak ama'ib tak wacax, xequitok'ola qui kul cho ri ulew xquitij ronojel ri ti'j ruc' quic'.

Nabe Samuel 14:33

E c'o c'u jujun xequibij che ri Saul: “Ri winak cätajin quemacun chuwäch ri Ajawaxel, cätajin c'u cäquitij ti'j rachil ri u quiq'uel.” Xubij c'u ri Saul: “Ri ix man kas ta ix jic. Chiwolkotij ulok jun nimalaj abaj c'ä waral.