Aj Levitib 16:6 - Quiché Bible

⁶ Cuchi'j c'u na ri alaj ama' wacax che tabal tok'ob rumal ri mac ri u banom, rech quecuyutaj ri u mac, xukuje' ri qui mac ri rachalaxic.

Aj Levitib 16:6 Iomraidhean Croise

Ri Job 1:5

Aretak queq'uis ri k'ij re ri ula'nic, ri Job quebusiq'uij ri e u c'ojol, sibalaj c'u ak'ab cäwalijic, quebuchi'j tabal tok'ob che qui q'uexwäch chquijujunal, che qui ch'ajch'obisaxic chque tak ri qui mac. Ri Job je cuban wa' amak'el, cuchomaj c'ut chi craj ne xemacun ri e u c'ojol craj ne c'o tzij xquibij chrij ri Dios pa canima'.

Ri Ezequiel 43:19

Chque ri e cojol tabal tok'ob ri e aj levitib ri e rija'lil ri Sadoc, e are' tak c'u wa' ri e rajawaxic quekeb chnuwäch che nu patanixic, quiya' na jun alaj ama' wacax chque rech caquichi'j che tabal tok'ob che u q'uexwäch ri macaj. In, ri Ajawaxel, quinya' takanic che u banic.

Ri Ezequiel 43:27

Wukub k'ij qui takej u banic wa', pa ri uwajxak k'ij quitakej qui chi'xic tak ri tabal tok'ob ri cachajirisaxic xukuje' tak ri tabal tak tok'ob re utzirisan ib. Quixinc'am c'u na ruc' quicotemal. In, ri Ajawaxel, quinya' ri nu tzij.”

Aj Levitib 16:3

Jewa' rajawaxic cuban ri Aaron aretak coc chupam ri k'ijilabal: cuc'am bic jun alaj ama' wacax jacha' che tabal tok'ob u mac rech ri macaj xukuje' jun ama' chij che u chi'xic che tabal tok'ob ri cächajirisaxic.

Aj Levitib 16:7

C'äte ri' quebuc'am ri quieb ama'ib tak q'uisic', quebuchi'j c'u chuwäch ri Ajawaxel chuchi' ri oquibal chupam ri Lic'om Rachoch Dios re rikoj ib;

Aj Levitib 9:7

Xubij c'u ri Moises che ri Aaron: “Chatkeb ruc' ri porobal, chaya' ri tabal tok'ob re ri cuyubal a mac xukuje' ri awaj re tabal tok'ob ri cächajirisaxic rech quecuyutaj ri a mac xukuje' ri qui mac ri aj israelib. Xukuje' chaya' ri qui sipanic ri aj israelib che cuyubal qui mac, jacha' ri takanic ri xuya' ri Ajawaxel.”

Hebreos 7:27

Man rajawaxic ta che chi ronojel k'ij cucämisaj ta jun awaj che tabal tok'ob cho ri Dios nabe paquiwi' ri u mac ri are', te c'u ri' paquiwi' ri qui mac ri winak, jas cäquiban ri niq'uiaj e cojol tabal tok'ob. Xa' c'u jumul chbe k'ij sak ri Jesus xuya' tabal tok'ob, aretak xuya' ri u c'aslemal cho ri ripibal.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

Hebreos 9:7

Pa ri ucab c'u u pam ri Lic'om Rachoch Dios, xa' jumul pa ri jun junab coc ri qui nimal ri e cojol tabal tok'ob chupam. Aretak coc bic, rajawaxic chi ruc'am quic' ri cuya' chuwäch ri Dios rumal quech ri u mac ri are' xukuje' rumal quech ri qui mac ri winak.