Aj Levitib 12:8 - Quiché Bible

⁸ We c'u ri u nan ri ac'al man cuban ta ri u rajil che u lok'ic ulok jun alaj ama' chij, cuya' quebuc'am na ulok quieb palomax o quieb tucumux jun che tabal tok'ob ri cächajirisaxic, ri jun chic jacha' che tabal tok'ob che u josk'ixic ri mac; ri cojol tabal tok'ob cutz'onoj ri sachbal u mac ri ixok, cäjosk'itaj c'ut.

Aj Levitib 12:8 Iomraidhean Croise

Aj Levitib 1:14

We ri awaj ri cuchi'j che tabal tok'ob ri cächajirisaxic che u ya'ic u k'ij ri Ajawaxel are jun chicop ri e c'o u xic', rajawaxic are jun palomax o jun alaj tucumux.

Aj Levitib 12:7

Are' c'u ri cojol tabal tok'ob quebuchi'j chuwäch ri Ajawaxel che u tz'onoxic ri sachbal u mac ri ixok, ruc' wa' cäjosk'itaj ri ixok che ri u quiq'uel.” E are tak pixab wa' che ri ixok aretak cäralaj jun ala o jun ali.

Aj Levitib 13:1

Ri Ajawaxel xutzijobej ri Moises, xukuje' ri Aaron, xubij chque:

Aj Levitib 14:21

We ri winak ri yawab meba' man c'o ta cuma' wi ri cätok'ix che, cuc'am na jun ama' chij jacha' che tabal tok'ob che u rikic ri cuyubal macaj cujach c'ut jacha' che sipanic ri nim u banic che qui rikic ri cuyubal tak u mac, cärachilaj quiejeb libra ruc' niq'uiaj utzalaj c'äj, yok'om aseit ruc' jacha' che sipanic quech c'äj, cärachilaj jun u roxil jun litro aseit.

Aj Levitib 14:22

Xukuje' quieb tucumux we quieb palomax, jas ri cäcuin che qui lok'ic; jun che josk'ibal mac, ri jun chic jacha' che tabal tok'ob ri cächajirisaxic.

Aj Levitib 15:14

Aretak cätz'akat wajxakib k'ij, quebuc'am ulok quieb tucumux o quieb palomax, cäbe chuchi' ri Lic'om Rachoch Dios re rikoj ib, quebujach pa u k'ab ri cojol tabal tok'ob chuwäch ri Ajawaxel;

Aj Levitib 15:15

ri cojol tabal tok'ob cuchi'j jun chque jacha' che tabal tok'ob u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri achi ri c'o we yabil ri' che, chuwäch ri Ajawaxel.

Aj Levitib 15:29

Aretak cätz'akat wajxakib k'ij, quebuc'am ulok quieb tucumux we ne quieb palomax, quebujach che ri cojol tabal tok'ob, chuchi' ri roquibal ri Lic'om Rachoch Dios re rikoj ib.

Aj Levitib 4:26

cuporoj c'u ronojel ri xepo puwi' ri porobal, jacha' ri cäban che ri u xepoyil ri tabal tok'ob re utzirisan ib. Jeri' ri cojol tabal tok'ob curik na ri cuyubal u mac ri c'amal be, cäsachtaj c'u na ri macaj ri banom.

Aj Levitib 5:11

We c'u ne man cäcuinic che qui lok'ic quieb palomax, mawi quieb tucumux, cuc'am na ulok che u sipanic, quiejeb libra ruc' niq'uiaj utzalaj c'äj che sachbal u mac. Man cuya' ta aseit ruc' mawi cuya' c'oc'alaj k'ol puwi', rumal rech chi are jun sipanic u mac rech ri macaj.

Aj Levitib 5:7

We c'u man cäcuin che u lok'ic jun alaj ama' chij, rajawaxic cuc'am na ulok chuwäch ri Ajawaxel quieb palomax o quieb tucumux u mac rech ri macaj ri bantajinak, jun chque che tabal tok'ob re sachbal mac ri jun chic che tabal tok'ob ri cächajirisaxic.

Ri Matey 21:12

Ri Jesus xoc chupam ri rachoch Dios, xeresaj bic conojel ri winak ri quec'ayinic xukuje' conojel ri quelok'omanic. Xebutzak ri qui mexa ri e q'uexel tak puak. Xebutzak ri qui tem ri ajc'ay tak palomax.

2 Corintios 8:9

Iweta'm c'ut ri u tok'ob ri Kajaw Jesucrist. Ri are' k'inom, xux c'u meba' rumal iwech, rech quixux k'inom rumal ri u mebayil.