Aj Levitib 12:6 - Quiché Bible

⁶ Aretak quebetz'akat ri k'ij re ri u josk'itajic che ri ralanic jun ala o jun ali, ri u nan ri ac'al cuc'am ulok chuchi' ri Lic'om Rachoch Dios re rikoj ib jun alaj ama' chij re jun u junab che tabal tok'ob ri cächajirisaxic, xukuje' jun tucumux o jun palomax cujach pa u k'ab ri cojol tabal tok'ob, u mac rech ri macaj.

Aj Levitib 12:6 Iomraidhean Croise

Chapletajic 15:9

Ri Ajawaxel xubij che: “Chac'ama' ulok jun alaj ati't wacax, jun ati't q'uisic', jun ama' chij, ox ox qui junab, xukuje' chac'ama' ulok jun tucumux rachil jun alaj palomax.”

Aj Levitib 12:2

“Chabij chque ri aj israelib ri quinbij chawe: Aretak jun ixok cäcanaj yawab winak, caralaj c'u jun ral ala, cäcanaj tz'il wukub k'ij; jacha' ri cubano aretak cäyabin chi ic'.

Aj Levitib 12:5

We ali ri cäralaj, cajlajuj (14) k'ij cäcanaj tz'il, jacha' ri cubano aretak cäyabin chi ic', oxc'al wakib (66) k'ij cäbeytaj na ri u josk'itajic che ri u quiq'uel.

Aj Levitib 12:7

Are' c'u ri cojol tabal tok'ob quebuchi'j chuwäch ri Ajawaxel che u tz'onoxic ri sachbal u mac ri ixok, ruc' wa' cäjosk'itaj ri ixok che ri u quiq'uel.” E are tak pixab wa' che ri ixok aretak cäralaj jun ala o jun ali.

Aj Levitib 14:22

Xukuje' quieb tucumux we quieb palomax, jas ri cäcuin che qui lok'ic; jun che josk'ibal mac, ri jun chic jacha' che tabal tok'ob ri cächajirisaxic.

Aj Levitib 15:14

Aretak cätz'akat wajxakib k'ij, quebuc'am ulok quieb tucumux o quieb palomax, cäbe chuchi' ri Lic'om Rachoch Dios re rikoj ib, quebujach pa u k'ab ri cojol tabal tok'ob chuwäch ri Ajawaxel;

Aj Levitib 15:29

Aretak cätz'akat wajxakib k'ij, quebuc'am ulok quieb tucumux we ne quieb palomax, quebujach che ri cojol tabal tok'ob, chuchi' ri roquibal ri Lic'om Rachoch Dios re rikoj ib.

Ajilanic 6:10

Aretak quebel wajxakib k'ij cuc'am bic che ri cojol tabal tok'ob quieb palomax o quieb tucumux, chuchi' ri oquibal rech ri Lic'om Rachoch Dios re rikoj ib.

Ri Lucax 2:22

Aretak xetz'akat ri k'ij ri rajawaxic che ri u josk'ixic quib, jas ri cubij ri u pixab ri Moises, xquic'am bic ri alaj ne' pa Jerusalen che u jachic pa u k'ab ri Ajawaxel.

Ri Xuan 1:29

Chucab k'ij chic ri Xuan xril ri Jesus cätajin cäpe ruc', xubij “Chiwilampe', ri Alaj u Chij ri Dios, ri cäresaj ri qui mac ri winak.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.