Aj Levitib 1:3 - Quiché Bible

³ We ri awaj ri cuchi'j che tabal tok'ob ri cächajirisaxic cäresaj ulok chquixo'l ri u wacax, rajawaxic are jun ama' wacax ri man c'o ta u yab. Rech cac'amar ri cuyao, rajawaxic cuchi'j chuwäch ri Ajawaxel chuchi' ri oquibal chupam ri Lic'om Rachoch Dios re rikoj ib,

Aj Levitib 1:3 Iomraidhean Croise

Chapletajic 22:13

Ri Abraham xtaki' apan u wäch xril jun chij ri ralital ri ruc'a' pa jun patzäpic k'ayes; xuc'ama' ri chij, xujach che tabal tok'ob ri cächajirisaxic che u q'uexwäch ri u c'ojol.

Chapletajic 22:2

Ri Dios xubij che: “Chac'ama' ri Isaac, ri a c'ojol ri xa jun ri sibalaj lok' chawäch, jät pa ri ulew Mor. Aretak catopan chila', chachi'j che tabal tok'ob ri cächajirisaxic puwi' jun chque ri juyub ri quinc'ut na chawäch.”

Chapletajic 22:8

“Ri Dios cäyo'w na ri chij ri cajwataj che ri tabal tok'ob ri cächajirisaxic, nu c'ojol,” xcha' ri u tat. Xquitakej c'u binem junam.

Chapletajic 8:20

Xuban c'ut ri Noe jun porobal ri che u ya'ic u k'ij ri Ajawaxel. Xebuc'am awaj xukuje' chicop ri c'o qui xic' ri e ch'ajch'oj jujun che jujun qui wäch, xebuporoj che tabal tok'ob ri quechajirisaxic chuwäch ri Ajawaxel.

Ucab Tzijobelil 29:32

Ri awaj ri xequic'am ulok ri tinimit winak che ri tabal tok'ob ri cachajirisaxic e oxc'al lajuj (70) ama'ib tak wacax, jun sient (100) ama'ib tak chij xukuje' quieb sient (200) alaj ama'ib tak chij. Ronojel che u chi'xic che ri Ajawaxel jacha' che tabal tok'ob ri cachajirisaxic.

Ucab Tzijobelil 35:12

Xquitas c'ut ri xepo ri rajawaxic u poroxic, jas ri qui cholajil ri jujun tak ja winak re ri tinimit, rech caquichi'j che ri Ajawaxel, jacha' ri tz'ibatal chupam ri u wuj ri Moises; junam c'u xquiban chque ri alaj tak ama'ib wacax.

Salmib 110:3

Ri tinimit la cäjach na pa k'ab la chupam ri k'ij re ri ch'äcanic la. Paquiwi' tak ri tastalicalaj tak juyub, je c'ut jacha' ri räxk'ab ri cäq'uiy pa ri u sakaric, ri alc'ual la cac'ac'ar chi k'ij chi k'ij.

Salmib 40:8

Ri in cäkaj chnuwäch ri u banic ri rayibal la; ¡e nu c'olom ri tijonic la pa ri wanima'!

Elem 12:5

Ri awaj rajawaxic chi c'o chic jun u junab, ama' xukuje' man c'o ta u yab, we alaj chij o alaj q'uisic'.

Elem 24:5

Xebusiq'uij jujun alabom chquixo'l ri aj israelib, xebutak che qui pilic jujun wacax che qui poroxic che tabal tok'ob ri quechajirisaxic xukuje' che tabal tak tok'ob quech utzirisan ib.

Elem 29:18

Chachi'j c'u ri ama' chij puwi' ri porobal, jacha' tabal tok'ob ri cächajirisaxic che u ya'ic u k'ij ri Ajawaxel, jacha' sipanic porom ri cäc'oc'atic.

Elem 29:4

chac'ama' c'u bic ri Aaron e rachilam ri e u c'ojol chuchi' ri Lic'om Rachoch Dios re rikoj ib, cabij chque chi quebatinic;

Elem 29:42

We sipanic tak ri' ri queporox che u ya'ic nu k'ij e are' tak wa' ri cätakex qui poroxic cumal ri tataxelab xukuje' cumal ri alc'ualaxelab amak'el chnuwäch, chuchi' ri oquibal chupam ri Lic'om Rachoch Dios re rikoj ib, chila' c'ut ri quinrik wi na wib awuc' che a tzijobexic.

Elem 32:6

Ak'ab xewalij chucab k'ij, xequiya' tabal tak tok'ob ri quechajirisaxic, xukuje' tabal tak tok'ob che utzirisan ib. C'äte c'u ri xt'uyi c'u ri tinimit che wa'im, xuq'uianic, aretak xnojic xwalij che etz'enem.

Elem 35:21

conojel c'ut ri xsalabetaj ri canima', ruc' qui rayibal ri man xa ta e cawäch xquic'am ulok jun sipanic che ri Ajawaxel, rech cäban ri Lic'om Rachoch Dios re rikoj ib xukuje' ronojel ri cajwatajic, je jacha' ri cajwataj che ri atz'iak ri nim u banic.

Elem 35:29

Conojel ri aj israelib chi achijab chi ixokib, ri xpe pa canima' chi quetobanic rech cäbantaj ri xtakanic ri xuya' ri Ajawaxel che ri Moises, conojel xequic'am ulok ri qui sipanic ruc' ronojel canima' che ri Ajawaxel.

Elem 35:5

Chic'ama' ulok sipanic che ri Ajawaxel. Conojel c'u ri cäcaj cäquic'am ulok ri qui sipanic che ri Ajawaxel ruc' ronojel canima', chquic'ama' ulok k'an puak, sak puak, k'an ch'ich',

Elem 36:3

Ri Moises xebujach ri sipanic pa qui k'ab ri e qui c'amom ulok ri aj israelib, rech cäquichaplej u banic ri cajwataj che ri k'ijilanic chupam ri k'ijilabal. Ronojel k'ij c'ut cäquic'am ulok sipanic ri aj israelib ruc' ronojel canima'.

Elem 38:1

Q'uisis xucoj ri Bezaleel che u banic ri porobal ri cäporox wi ri tabal tok'ob ri cächajirisaxic. Quiejeb u xcut xubano, quieb bara' ruc' quieb k'abaj ruc' niq'uiaj k'abaj quetan ri jujun u xcut, jun bara' ruc' quieb k'abaj ri rak'anibal.

Ri Isaiy 1:11

Ri Ajawaxel cubij: “¿Jasche quebic'am ulok jumulaj tabal tak tok'ob chnuwäch? Q'uistajinak chi nu c'u'x chque ri e tabal tok'ob que ama'ib tak chij ri quechajirisaxic xukuje' chque ri qui xepoyil ri alaj ama'ib tak wacax; man utz ta chi quinwil ri qui quiq'uel ri ama'ib tak wacax, ri ama'ib tak chij xukuje' ri ama'ib tak q'uisic'.

Ri Ezequiel 20:40

Ronojel Israel qui nu k'ijilaj na chupam ri nu juyub, chupam ri juyub ri naj elinak chicaj pa Israel, ri c'o pa ri ulew. In, ri Ajawaxel, quinjiquiba' u bixic. Chila' quebenc'am wi na ruc' ronojel wanima'; chila' quinbij wi na chque chi quequiban wi na ri qui sipanic, chebequic'ama' c'u ulok ri nabe tak qui wächinic tak ri culew xukuje' ronojel ri' chqui jacha' chwe.

Ri Ezequiel 40:39

Pa ri uwo ja rech ri oquibal e c'o quiejeb mexa, cacab pa jujun u xcut, paquiwi' c'u wa' quepil wi ri awaj ri queya' che tabal tok'ob ri quechajirisaxic xukuje' ri queya' che tabal tok'ob u mac rech ri macaj o ri macunic.

Aj Levitib 1:10

We ri awaj ri cuchi'j che tabal tok'ob ri cächajirisaxic, caresaj chquixo'l ri e u chij o u q'uisic; rajawaxic are jun ama' ri man c'o ta u yab.

Aj Levitib 14:10

Aretak catz'akat wajxakib k'ij quebuc'am ulok quieb ama'ib tak chij ri man c'o ta qui yab, xukuje' jun ati't chij re jun u junab ri man c'o ta u yab; cajlajuj (14) libra utzalaj c'äj che sipanic re c'äj ri yok'om aseit ruc', carachilaj jun u roxil jun litro aseit.

Aj Levitib 16:7

C'äte ri' quebuc'am ri quieb ama'ib tak q'uisic', quebuchi'j c'u chuwäch ri Ajawaxel chuchi' ri oquibal chupam ri Lic'om Rachoch Dios re rikoj ib;

Aj Levitib 17:4

we man cuc'am ta c'u ulok chuchi' ri oquibal chupam ri Lic'om Rachoch Dios re rikoj ib che u chi'xic jacha' che sipanic che ri Ajawaxel chuwäch ri cäk'ijilax wi, cux na ajchak'mac che u jamixic ri quic', rumal ri' quesax na ri u bi' chquixo'l ri e u winakil.

Aj Levitib 17:8

Xukuje' chabij chque: apachique ta ne aj israel o jun ri man i winakil taj ri jekel chixo'l, ri cuya' ta jun tabal tok'ob ri cächajirisaxic o apachique chi jun tabal tok'ob,

Aj Levitib 17:9

we man cuc'am ta ulok chuchi' ri oquibal re ri Lic'om Rachoch Dios re rikoj ib, che u chi'xic che ri Ajawaxel, quesax na ri u bi' chquixo'l ri u winakil.”

Aj Levitib 23:12

Kas pa ri k'ij aretak quichi'j ri ya'taj, quichi'j xukuje' jun alaj ama' chij ri man c'o ta u yab re jun u junab che tabal tok'ob ri cächajirisaxic che u ya'ic u k'ij ri Ajawaxel.

Aj Levitib 23:18

Aretak quichi'j ri caxlanwa xukuje' quichi'j wukub ama'ib alaj tak chij jujun qui junab ri man c'o ta qui yab, jun alaj ama' wacax, xukuje' quieb ama'ib tak chij ri quiya' che tabal tok'ob ri quechajirisax chuwäch ri Ajawaxel, rachil ri sipanic xukuje' tak ri cäjam puwi', c'oc'alaj sipanic wa' ri cänicowisaxic ri cäkaj chuwäch ri Ajawaxel.

Aj Levitib 3:1

“We c'o jachin jun cuc'am chquixo'l ri rawaj jun ati't wacax o jun ama' wacax che u chi'xic jun tabal tok'ob che ri Ajawaxel re utzirisan ib, ri awaj ri cächi'xic ma ta c'o jun u yab.

Aj Levitib 4:15

Ri cäquiya' wi ri qui k'ab ri nimak tak tatayib ri e re ri tinimit puwi' ri u jolom ri alaj ama' wacax, chuwäch ri Ajawaxel, kas chila' c'ut cäquitok' wi na ri u kul.

Aj Levitib 4:23

Aretak c'u cuch'obo chi macuninak cuc'am na bic jacha' che sipanic jun ama' q'uisic' ri man c'o ta jun u yab.

Aj Levitib 4:3

We ri camacunic are' ri quinimal ri e cojol tabal tok'ob, cuban c'ut chi cakaj na ri macaj puwi' ri tinimit, rajawaxic cuchi'j na che ri Ajawaxel jun alaj ama' wacax ri man c'o ta u yab jacha' che tabal tok'ob u mac ri macaj.

Aj Levitib 4:32

We ri winak ri' cuc'am ulok jun ati't chij che tabal tok'ob u mac rech ri macaj, rajawaxic cuc'am ulok jun ati't chij ri man c'o ta jun u yab.

Aj Levitib 5:15

“Ri winak ri camacunic ri man ruc' taj ri u rayibal cux c'u ajchak'mac re ri quit'orixic ri tastalic tak jastak rech ri Ajawaxel, rajawaxic cäresaj chquixo'l ri u tzobaj jun ama' chij ri man c'o ta jun u yab, jacha' tabal tok'ob u mac rech ri macaj, cuc'am c'u bic che ri Ajawaxel. Ri rajil ri ama' chij rajawaxic u chomaxic joropa' sak puak cäreklej je jacha' ri pajbal ri c'o chupam ri k'ijilabal.

Aj Levitib 5:18

Rumal ri' rajawaxic cäresaj na ulok jun ama' chij chquixo'l ri u chij ri man c'o ta u yab, at c'u catk'atow jas ri kas rajil, cuc'am c'u na bic che ri cojol tabal tok'ob jacha' che tabal tok'ob u mac rech ri macunic, rech cärik ri sachbal u mac we winak ri' ri man ruc' ta ri u rayibal xubano, cäsachtaj c'ut ri u mac.

Aj Levitib 6:2

“Aretak c'o jachin camacunic cux c'u ajchak'mac re t'orinic chuwäch ri Ajawaxel rumal ri u subic ri rach aj k'uch pa jun ch'äcoj o puak ri jachom pa u k'ab o rumal eläk'anic o u cojic chuk'ab che ri rach winak,

Aj Levitib 6:8

Ri Ajawaxel xutzijobej ri Moises, xubij che:

Aj Levitib 7:16

We c'u ne cächi'x ri awaj che u tz'akatisaxic jun chi'nic, o jun sipanic ri caq'uiy pa anima'aj, rajawaxic u tijic kas pa ri k'ij aretak cäpil ri cächi'xic, ri cäto'taj canok cuya' cätij chucab k'ij;

Aj Levitib 8:18

Ri Moises xubano chi chnakajix ri ama' chij ri cächi'x che tabal tok'ob ri cächajirisaxic are' c'u ri Aaron e rachil ri e u c'ojol, xquiya' ri qui k'ab pa u jolom ri ama' chij.

Aj Levitib 8:21

xebuch'aj ri ti'j chupam xukuje' tak ri e ra', ri chij xuporoj c'u ronojel puwi' ri porobal; jacha' ri cachajirisaxic, jacha' che sipanic re c'oc'al ri cäkaj chuwäch ri Ajawaxel, jacha' ri takanic ri u yo'm ri Ajawaxel che.

Aj Levitib 9:2

xubij c'u che ri Aaron: “Chac'ama' jun alaj ama' wacax che tabal tok'ob re cuyubal mac, xukuje' jun ama' chij ri man c'o ta u yab che tabal tok'ob ri cächajirisaxic chebaya' c'u chuwäch ri Ajawaxel.

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ri Malaquiy 1:14

¡C'okotajinak ri cojol c'amibal ri cuchi'j jun awaj ri man c'o ta u yab ri c'o chuxo'l ri u jumulaj cupil c'ut jun chwe ri c'o u yab! In ri' ri Ajawaxel ri nim nu k'ij, in c'u xibibal chquixo'l ri nimak tak tinimit.” Are wa' ri cubij ri Ajawaxel ri c'o ronojel u cuinem.

Ajilanic 15:3

qui chi'j c'u jun ama' wacax o jun chij che u poroxic che u ya'ic nu k'ij jacha' che tabal tok'ob o tabal tok'ob ri cachajirisaxic ri sibalaj cäc'oc'atic, we che u tz'akatisaxic jun chi'nic o jacha' sipanic ri pa ech wi, o rumal jun nimak'ij,

Ajilanic 15:8

We ri tabal tok'ob are jun c'ojol ama' wacax, che u chi'xic jacha' che tabal tok'ob ri cächajirisaxic o jacha' che tabal tok'ob re utzirisan ib, o che u tz'akatisaxic jun chi'nic,

Ajilanic 19:2

“In, ri Ajawaxel, quinya' we takanic ri': Chabij chque ri aj israelib chi chiquic'ama' ulok chawe jun ati't wacax ri quiäkcoj rismal, ri ma ta c'o jun u yab ri xukuje' mawi jumul cojom ta eka'bal chrij u wi'.

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

Ajilanic 23:27

Xubij c'ut ri Balac che: “Tasaj, catinc'am chi c'u bic pa jun c'olbal chic. Craj ne man cäpe ta royowal ri Dios chi cac'okoj ri Israel kas chila'.”

Ajilanic 23:3

Xubij c'u ri Balaam che ri Balac: “Chatcanaj can ruc' ri tabal tok'ob, quinbe c'u na che rilic we cäpe ri Ajawaxel che u rikic rib wuc'. Quinbij c'u chawe jachique ri cuya' retamaxic chwe.”

Ajilanic 23:30

Ri Balac xubano jachique ri xubij ri Balaam che, pa jujun porobal xupil jujun c'ojol wacax xukuje' jujun ama'ib tak chij.

Ajilanic 28:11

“Chupam ri nabe k'ij re jujun tak ic' qui chi'j na jacha' che tabal tok'ob ri cächajirisaxic che ri Ajawaxel quieb c'ojol tak wacax, jun ama' chij xukuje' wukub alaj ama'ib tak chij re jujun qui junab, ri man c'o ta qui yab.

Ajilanic 28:19

Jacha' che tabal tok'ob ri cachajirisaxic, qui chi'j na che ri Ajawaxel quieb c'ojol tak wacax, jun ama' chij wukub alaj tak ama'ib chij re jujun qui junab ri ma ta c'o qui yab.

Ajilanic 28:31

We tabal tok'ob ri' ri cächajirisaxic xukuje' tak ri sipanic quech c'äj ri querachilaj xukuje' ri u wa'l uva caquiya' na c'o chi c'u wi na ri' ri tabal tok'ob ri cächajirisaxic k'ij chk'ij. Ri awaj ma ta c'o qui yab.”

Ajilanic 29:13

Chupam ri nabe k'ij quichi'j na jacha' che tabal tok'ob ri cächajirisaxic ri cäc'oc'at ruxlab che ri Ajawaxel, oxlajuj c'ojol tak wacax, quiejeb ama'ib chij. Xukuje' cajlajuj alaj ama'ib tak chij re jujun qui junab ri ma ta c'o qui yab.

Ajilanic 29:2

Jacha' che tabal tok'ob ri cächajirisaxic ri cäc'oc'at ruxlab che ri Ajawaxel, qui chi'j na jun c'ojol wacax, jun ama' chij xukuje' wukub alaj ama'ib tak chij re jujun qui junab ri ma ta c'o qui yab.

Ri Lucax 1:35

Ri tako'n xubij che: “Ri Ruxlabal ri Dios cäpe na pawi'. Ri u chuk'ab ri Dios aj chicaj cäpe na pawi' jas jun sutz'. Rumal ri' ri ac'al ri calax na, cäbix na ‘Tastalic’ xukuje' ‘U C'ojol ri Dios’ che.

Ri Xuan 1:36

Xca'y c'u apan che ri Jesus cätajin cäbin apanok, xubij: “Chiwilampe' ri Alaj u Chij ri Dios.”

Ri Xuan 10:7

Xubij chi c'u ri Jesus jumul: “Kastzij, kastzij quinbij chiwe: In ri' ri oquibal ri quek'ax wi ri chij.

Ri Xuan 10:9

In ri' ri oquibal. We c'o jachin coc pa ri in, cäcolotaj na. Coc na ulok, quel na bic, curik na recha'.

2 Corintios 8:12

We c'u c'o jachin jun kastzij che cäyanic, ri Dios cuc'amowaj ri sipanic ri cuyao jas kas ri c'o ruc'. Ri Dios man cutz'onoj taj chke ri man c'o ta kuc'.

2 Corintios 9:7

Chijujunal ba' chiya' jas ri cäpe pa iwanima', man ruc' ta bis, mawi rumal ta rech chi xa' ta cäcoj chuk'ab chiwe. Ri Dios c'ut culok'ok'ej ri cäyan ruc' quicotemal.

Efesios 2:18

Rumal c'u ri Crist, ri uj quieb ka wäch cuya' cujoc ruc' ri Tataxel rumal ri xa' jun Uxlabaxel.

Efesios 5:27

rech cutac'aba' ri comon cojonelab chuwäch are', jun comon cojonelab ri nim u k'ij, man tz'ajtajinak taj, mawi c'o bach'uy che, mawi jun jasach jewa' xane' jun tastalic comon cojonelab, utz ronojel.

U Camulixic ri Pixab 12:27

chila' c'ut, puwi' ri porobal ri rech ri Ajawaxel ri i Dios, quichi'j wi na ri tabal tak tok'ob ri quechajirisaxic. Ri qui quiq'uel ri awaj ri quebichi'j quijamij na puwi' ri porobal ri rech ri Ajawaxel ri i Dios, are c'u ri ti'j cuya' quitijo.

U Camulixic ri Pixab 15:21

We c'u ne c'o jun u yab, o we ne ch'äcoj o moy o c'o chi apachique jun chi u yab, man caya' ta che tabal tok'ob chuwäch ri Ajawaxel.

U Camulixic ri Pixab 17:1

“Michi'j jacha' che tabal tok'ob jun ama' wacax mawi jun chij ri c'o u yab che tabal tok'ob che ri Ajawaxel ri i Dios, o jun jasach ri man utz taj. Ri Ajawaxel ri i Dios man utz ta cäril wa'.

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!