1 Juan 5:19 - Quiché Bible

¹⁹ Keta'm chi ri uj, uj rech ri Dios. Ronojel c'u ri uwächulew c'o pa u k'ab ri itzel.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Ri uj qetaꞌm chi uj ralkꞌwaꞌl ri Dios, are kꞌu ri winaq ri man e kojonelabꞌ taj e kꞌo chuxeꞌ raqan uqꞌabꞌ ri Itzel.

K'iche'

¹⁹ Ri uj ketam chi uj rech ri Dios, conojel c'u ri winak ajuwächulew e c'o pu k'ab ri Itzel.

K'iche' (New Orthography)

¹⁹ Ri uj qetam chi uj rech ri Dios, konojel k'u ri winaq ajuwächulew e k'o pu q'ab' ri Itzel.

1 Juan 5:19 Iomraidhean Croise

Ri Lucax 4:6

Xubij c'u ri itzel che: “Quebenya' conojel ri takanic pa a k'ab, quinya' ronojel ri qui juluwem chawe. E jachom chwe in, quebenya' che jachin ri quinwaj quinya' wi.”

Ri Xuan 12:31

Camic ri k'ijol ri cäban ri k'atoj tzij puwi' we uwächulew ri'. Camic quesax na bic ri c'o u takanic puwi' we uwächulew ri'.

Ri Xuan 14:30

Man quintzijon ta chi na q'ui k'ijol iwuc'. Cätajin c'u copan ri u nimal we uwächulew ri'. Man c'o ta c'u u takanic panuwi' in.

Ri Xuan 16:11

ri k'atan tzij, chi c'okotajinak chic ri catakan puwi' we uwächulew ri'.

Ri Xuan 17:15

Man quinbochi'n ta che la chi quebesaj la cho ri uwächulew, xane' quinbochi'n che la chi quechajij la chuwäch ri etzelal.

Romanos 8:16

Kas are' ri Uxlabaxel ruc' ri kanima' junam quek'alajisanic chi uj ralc'ual ri Dios.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

2 Corintios 5:1

Ri uj uj junam ruc' jun ja aj uwächulew, jacha' jun lic'om cäbal. Keta'm c'ut chi we cäsach u wäch wa', c'o jun kachoch ri junalic ruc' ri Dios pa ri caj, ri man k'abaj ta banowinak.

Gálatas 1:4

ri are' xuya' ri u c'aslemal rumal rech ri ka mac, che kesaxic pa ri etzelal re we uwächulew ri', jas ri u rayibal ri Dios ka Tat.

Efesios 2:2

Xiban ri mac jas ri u beya'l we uwächulew ri', xinimaj ri nim u banic ri c'o u takanic pa ri quiakik', ri uxlabal ri cätakan paquiwi' ri man queniman ta che ri Dios.

2 Timoteo 1:12

Xukuje' rumal rech wa' quinrik we c'ax ri'. Man quinq'uix ta c'ut, rumal rech chi weta'm jachin che in cojoninak wi. Elinak chi sak chnuwäch chi c'o u cuinem che u chajixic ri nu yo'm pa u k'ab c'ä pa ri k'ij ri'.

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

Santiago 4:4

¡Ix ri man ix jic taj chrij ri Dios! ¿La ma ta iweta'm chi jun ri carachilaj ri uwächulew, are ri' u c'ulel ri Dios? Jachin c'u ri cäraj cärachilaj rib ruc' ri uwächulew, cucoj rib che u c'ulel ri Dios.

1 Juan 3:14

Uj keta'm chi uj elinak chic pa ri cämical, uj c'o chic pa ri c'aslemal, ketamam c'ut rumal rech chi quekalok'ok'ej ri kachalal. Apachin c'u ri man culok'ok'ej ta ri rachalal, cäminak na ri'.

1 Juan 3:24

Ri quequinimaj ri e qui banic ri e u takomal e jekel pa ri Dios, are c'u ri Dios jekel pa ri e are'. Rumal c'u wa' caketamaj chi ri Dios jekel pa ri uj: rumal ri Uxlabaxel ri u yo'm chke.

1 Juan 5:10

Apachin ri cäcojon che ri u C'ojol ri Dios, ruc'am we k'alajisanic ri' pa ri ranima'. Apachin ri man cäcojon taj, u banom chi ri Dios are banal tzij, rumal rech chi man cojoninak ta che ri u tzij ri Dios aretak xuk'alajisaj ri u C'ojol.

1 Juan 5:13

We jastak ri' e nu tz'ibam chiwe, rech quiwetamaj chi c'o junalic i c'aslemal, ri ix ix cojoninak che ri u bi' ri u C'ojol ri Dios.

1 Juan 5:15

We c'u keta'm chi cujuto aretak cäkata' apachique jasach che, keta'm chi cuya' na jas ri xkata' che.

1 Juan 5:18

Keta'm chi apachin ta ne ri e alc'ualam rumal ri Dios man quebin ta pa ri mac. Are ri u C'ojol ri Dios quechajinic, man quenak ta c'u rumal ri itzel.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Apocalipsis 20:3

Xuq'uiak bic pa ri jul re ri k'ekumalaj c'olbal, xutz'apij, xucoj c'u t'ikbal che ri tz'apibal u wi': Je xuban wa' che ri itzel rech man quebusub ta chic ri nimak tak tinimit, c'ä quetz'akat na jun mil junab. E oc'owinak chi c'ut ri jun mil junab, rajawaxic chi cäquir na quieb oxib k'ij.