1 Juan 5:14 - Quiché Bible

¹⁴ Are wa' ka cu'bisam wi ka c'u'x chrij ri Dios, chi we c'o ri cäkatz'onoj jas ri u beya'l ri u rayinic, cujutatabej.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ We kujqebꞌ rukꞌ ri Dios chutayik jun jastaq ri are urayibꞌal ukꞌuꞌx, areꞌ kujuto. Are waꞌ ri kꞌulibꞌal qakꞌuꞌx ri kꞌolik.

K'iche'

¹⁴ Cu'l c'u ka c'ux chrij ri Dios chi apachique ri cäkaj cäkata' che, cutatabej na wa' ri cäkabij che, we are u rayibal ri Are'.

K'iche' (New Orthography)

¹⁴ Ku'l k'u qa k'ux chrij ri Dios chi apachike ri käqaj käqata' che, kutatab'ej na wa' ri käqab'ij che, we are u rayib'al ri Are'.

1 Juan 5:14 Iomraidhean Croise

Nabe Ajawinelab 3:12

quinban na ri a tz'onon chwe: ri in quinya' na no'j chawe xukuje' etamanic jacha' ri man c'o ta jun rikowinak nabe chawäch mawi queburik ta na jun ri c'äte ta cäpe chi na.

Ri Job 34:28

Xquibano chi ri qui rakoj tak chi'aj ri mebayib ri e c'o chupam ri c'ax xebopan c'ä chuwäch ri Dios, xetatabex c'u rumal.

Salmib 145:19

Ri are' cutz'akatisaj ri qui rayibal ri q'ueyo'w u k'ij; aretak cäquitz'onoj ri u to'banic, quebuto', quebucolo.

Salmib 31:22

Pa ri nu ch'ujilal xinchomaj chi in q'uiakom apan la chwäch la; aretak c'ut xintz'onoj ri to'banic la xta' la ri nu rakoj chi'aj.

Salmib 34:17

Ri Ajawaxel coc il che ri cok'ej ri winak ri utz canima', queresaj c'u chquipam tak ri qui c'axc'olil.

Salmib 69:33

ri Ajawaxel quebutatabej na ri mebayib mawi cäretzelaj qui wäch ri e rech ri e c'o pa che'.

E C'ambal tak Tzij 10:24

Ri sibalaj cuxe'j wi rib ri banal etzelal are' wa' cuc'ulmaj na, are' c'u ri suc' queya'taj ri jastak che ri queburayij.

E C'ambal tak Tzij 15:29

Ri Ajawaxel naj cäc'oji' wi chque ri e banal tak etzelal, coc c'u il che ri qui ch'awem ri e suc' ruc' Dios.

Ri Jeremiy 33:3

Chinasiq'uij quintzelej c'u na u wäch ri a tzij, quinya' c'u na qui bixic nimak tak jastak chawe ri e awatalic ri man e aweta'm taj.

Ri Matey 21:22

Ronojel ri qui tz'onoj che ri Dios pa ch'awem ruc' Dios, ruc' cojonic, cäyataj na chiwe.”

Ri Xuan 11:42

Ri in weta'm chi amak'el quintatabej la. Xinbij c'u wa' rumal quech ri e q'ui winak ri e c'o chwij, rech cäquicojo chi ri lal xintakow la ulok.”

Ri Xuan 14:13

Ronojel c'ut ri qui tz'onoj pa ri nu bi', in quinban na, rech rumal ri C'ojolaxel cac'utun ri u juluwem ri Tataxel.

Ri Xuan 15:7

We ri ix quixjeki' wuc' rech xa ix jun wuc' xukuje' ri nu tzij cäjeki' pa ri iwanima', chita' apachique ta ne jasach ri quiwaj, cäyataj na chiwe.

Ri Xuan 16:24

C'ä camic man c'o ta jas i tz'onom che pa ri nu bi'. Chixtz'ononok, quic'am c'u na rech cätz'akatisax ri i quicotemal.”

Ri Xuan 9:31

Keta'm chi ri Dios man quebutatabej ta ri ajmaquib. We c'u c'o jachin ri cuya' u k'ij ri Dios, ri cuban ri u rayibal, are wa' cätatabex rumal.

Efesios 3:12

Rumal ri are', cuya' cäkaban ch'awem ruc' Dios, cuya' cäkabij ronojel che, man cäkaxe'j ta kib. Rumal ri are' cuya' cujoc chuwäch ri Dios, cäkajiquiba' ka c'u'x rumal ri ka cojonic.

Hebreos 10:35

Mitzak ba' ri i jiquibam c'uxaj, we jiquibam c'uxaj ri' cuc'am na ulok jun nimalaj rajil c'axelal.

Hebreos 3:14

Je c'ut e jacha' ri alc'ualaxelab re jun ja winak e re xa' junam ti'j xukuje' junam quic', jeri' xukuje' ri Jesus aj ti'j xukuje' aj quic' aj winak, ruc' ri u cämical xuch'äc ri cuinelalaj cämisanel, ri u bixic wa' are' ri itzel.

Hebreos 3:6

Are c'u ri Crist jacha' jun c'ojolaxel, puwi' ri rachoch Dios; uj c'u ri' we ja ri', we co ka tiquibam ri jiquibam c'uxaj xukuje' ri u nimarisaxic ka k'ij che ri cu'lbal c'uxaj.

Santiago 4:3

Quita' ri quiwaj, man quic'am ta c'ut, rumal rech chi man utz ta ri quito. Xak quita' jastak che u sachic pa tak i quicotemal.

Santiago 5:16

Chik'alajisala' ri i mac chiwäch. Chibanala' ch'awem ruc' Dios piwi', rech quixcunatajic. Sibalaj nim na u cuinem ri u bochi'nic jun suc'alaj winak.

1 Juan 2:28

Are c'u ri camic lok'alaj tak wa'lc'ual, chixcanaj nuc'talic ruc' ri Crist rech cäcu'bi ka c'u'x aretak cuc'utunisaj rib ma ta c'u cakana' q'uixbal chuwäch ri are' aretak cäpetic.