1 Juan 4:6 - Quiché Bible

⁶ Are c'u ri uj uj rech ri Dios. Are' c'ut ri reta'm u wäch ri Dios cujutatabej, are' c'ut ri man rech ta ri Dios man cujutatabej taj. Chupam c'u wa', cujcuinic caketamaj jachin ri c'o ri uxlabal re ri kastzij ruc' xukuje' jachin ri c'o ri uxlabal re ri subunic ruc'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Ri uj uj rech ri Dios, konojel ri winaq ri ketaꞌm uwach ri Dios kakitatabꞌej ri kaqabꞌij; ri winaq ri man e rech ta ri Dios man kutatabꞌej ta ri kaqabꞌij. Jeriꞌ kaqabꞌan chi retaꞌmaxik jachin chike ri uxlabꞌal rech ri qas tzij xuqujeꞌ jachin ri uxlabꞌal rech bꞌanal tzij.

K'iche'

⁶ Ri uj, uj rech ri Dios. Apachique winak ri kas retam u wäch ri Dios cuta ri' ri ka tzij. Jachin c'u ri man rech tä ri Dios man cuta tä ri'. Je ri' cujcowinic cäketamaj jachin ri c'o ri Espíritu pa ranima' ri cubij ri Kas Tzij, cäketamaj c'ut jachin ri c'o ri espíritu pa ranima' ri cuban subunic.

K'iche' (New Orthography)

⁶ Ri uj, uj rech ri Dios. Apachike winaq ri qas retam u wäch ri Dios kuta ri' ri qa tzij. Jachin k'u ri man rech tä ri Dios man kuta tä ri'. Je ri' kujkowinik käqetamaj jachin ri k'o ri Espíritu pa ranima' ri kub'ij ri Qas Tzij, käqetamaj k'ut jachin ri k'o ri espíritu pa ranima' ri kub'an sub'unik.

1 Juan 4:6 Iomraidhean Croise

Ucab Tzijobelil 18:21

ri uxlabal xutzelej u bixic chi queruxlabaj banoj tak tzij pa ri canima' conojel ri e k'axal u tzij ri ajawinel. Xubij c'ut ri Ajawaxel che chi, kas cäticar na che u subic, jät c'u che u banic.

Ri Isaiy 29:10

U takom c'u bic ri Ajawaxel jun nimalaj waram piwi'. Ri e k'axal tzij e are' ri e u bak'wäch ri tinimit, are' c'u ri Ajawaxel u ch'ukum ruc' jun ch'ukubal.

Ri Isaiy 8:20

che u c'amic jun tijonic o jun k'alajisanic?” Kas c'u jewa' cäquibij na, are c'u ri cäquibij xa jun conil.

Ri Osey 4:12

Ri nu tinimit cutz'onoj u no'j chque tak ri e diosib ri e re che'; cumal c'u tak ri ch'imiy quequiban tak ri ch'obonic. E ch'äctajinak rumal ri qui mac ri nim ch'utin, ri nu tinimit e u takem sachinak tak be: cux je ta ne ri quech ri jun nim ch'utin cutas c'u rib, cuyacan ri u Dios.

Ri Miquey 2:11

We c'o jachin jun cuban banoj tzij, cubij c'ut: “In quinya' u bixic u wa'l uva xukuje' tzam”, are' k'axal tzij wa' ri takal che we tinimit ri'.

Ri Miquey 3:8

Are c'u ri chwe in, ri ruxlabal ri Ajawaxel qui nu nojisaj che chuk'ab, suq'uilal xukuje' cuinem, rech quinq'uiak chi qui palaj ri aj israelib ri man qui nimanic taj xukuje' ri qui mac.

Ri Lucax 10:22

Conojel ri jastak e jachom chwe rumal ri nu Tat. Man c'o ta jun reta'm jachin ri' ri C'ojolaxel, xuwi ri Tataxel reta'm. Mawi c'o jun reta'm jachin ri' ri Tataxel, xuwi ri C'ojolaxel xukuje' jachin chquiwäch ri C'ojolaxel cäraj cuc'ut wi.”

Ri Xuan 10:16

E c'o chi c'u niq'uiaj nu chij, ri man e rech ta we warabal ri'. E are c'u ri' xukuje' rajawaxic quebenc'ama' na ulok. Cäquitatabej na ri nu ch'abal. Cäc'oji' na xa' jumulaj chij, xukuje' xa' jun ajyuk'.

Ri Xuan 10:27

Ri e nu chij cäquitatabej ri nu ch'abal. Ri in quinch'ob qui wäch, ri e are' queteri chwij.

Ri Xuan 10:3

Ri chajinel cujak ri oquibal chuwäch ri are'. Ri chij cäquita' ri u ch'abal. Ri are' quebusiq'uij ri u chij che ri qui bi', queresaj c'u bic.

Ri Xuan 13:20

Kastzij, kastzij quinbij chiwe: Jachin ri cac'amowan ri quintak bic, quinuc'amowaj in; jachin c'u ri quinuc'amowaj in, cuc'amowaj ri xintakow ulok.”

Ri Xuan 14:17

Are wa' ri Uxlabaxel re ri kastzij. Ri e aj uwächulew man quecuintaj caquic'amowaj, rumal rech chi man cäquil taj mawi queta'm u wäch; are c'u ri ix iweta'm u wäch. Ri are' jekel c'u iwuc', cäc'oji' na pa iwanima'.

Ri Xuan 15:26

Aretak c'u cäpe ri cucu'bisaj c'uxaj, ri quintak na ulok chiwe, ri aj nu Tat, ri Uxlabaxel aj kastzij ri quel ulok ruc' ri nu Tat, are' ri' cuk'alajisaj na chwij.

Ri Xuan 16:13

Aretak c'ut cäpe ri Uxlabaxel ri kastzij, are quelc'amow na i be pa ronojel ri kastzij. Man queltzijon ta c'u na pa re wi, xane' culutzijoj na ri cutatabej, quebulutzijoj na chiwe ri jastak ri quepe na.

Ri Xuan 18:37

Xubij c'u ri Pilat che: “¡At ba' ajawinel!” Ri Jesus xubij che: “Lal cabin la chi in ajawinel. Che wa' xinalax wi, che wa' in ulinak wi cho ri uwächulew, rech quink'alajisaj ri kastzij. Conojel ri e aj kastzij cäquita' ri nu ch'abal.”

Ri Xuan 20:21

Xubij chi c'u jumul ri Jesus chque: “Chc'ol ri jamaril iwuc'. Jacha' ri Tataxel xinutak ulok in, je xukuje' ri in quixintak bic ix.”

Ri Xuan 8:19

Ri e are' c'ut xquibij che: “¿Jawije' c'o wi ri a Tat?” Ri Jesus xubij chque: “Ix man quich'ob ta nu wäch, mawi quich'ob u wäch ri nu Tat. We ta quich'ob nu wäch in, xukuje' quich'ob ta u wäch ri' ri nu Tat.”

Ri Xuan 8:23

Ri are' xubij chque: “Ix ix aj waral ix aj iquim, in in aj chicaj. Ix ix rech we uwächulew ri', in man in ta rech we uwächulew ri'.

Romanos 1:1

In Pawl, in pataninel rech ri Jesucrist. In siq'uim xukuje' in tasom rumal ri Dios che takom, rech quintzijoj ri utzalaj tak tzij re colobal ib.

Romanos 11:8

Jas ri tz'ibatalic: “Ri Dios xuya' jun uxlabal siquirinak chque bak'wächaj ri man queca'y taj, xiquinaj ri man quetan taj, c'ä pa ri k'ij camic.”

1 Corintios 14:37

We c'o jun cuchomaj rib chi k'axal u tzij ri Dios, o cuchomaj rib chi uxlabisam rumal ri Uxlabaxel, cuch'ob na wa' we cätajin quintz'ibaj u takanic ri Ajawaxel.

2 Corintios 10:7

Ri ix xuwi quiya' i wäch chque tak ri wächbalil. We c'o jun cuchomaj pa ranima' chi ri are' rech ri Crist, chuchomaj ba pa ranima' chi jas ri are' rech ri Crist, jeri' ri uj xukuje' uj rech ri Crist.

2 Tesalonicenses 1:8

cutoj na u q'uexel chque ri man queta'm ta u wäch ri Dios, ri man queniman ta che ri u tzij ri Kajaw Jesus re colobal ib.

1 Timoteo 4:1

K'alaj cubij ri Uxlabaxel chi pa ri q'uisbal tak k'ij, e c'o jujun cäquitas na quib chrij ri cojonic, quequitatabej na ri uxlabal ri e subunelab, xukuje' ri qui tijonic ri itzel tak uxlabal.

2 Pedro 3:2

Rech cänataj chiwe ri tzij ri bim can cumal ri tastalic k'axal tak tzij, xukuje' ri u takanic ri Ajawaxel, ri Colonel, ri xixtijox wi cumal ri e u takomxenlab.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

1 Juan 4:4

Lok'alaj tak walc'ual, ri ix ix rech ri Dios e i ch'äcom c'ut we e banal tak tzij ri', rumal rech chi ri c'o iwuc' ix, c'o na u cuinem chuwäch ri c'o cuc' ri e aj uwächulew.

1 Juan 4:8

Ri man calok'ok'en taj, man cuch'ob ta u wäch ri Dios ri', rumal rech chi ri Dios are' lok'ok'ebal c'uxaj.

1 Juan 5:19

Keta'm chi ri uj, uj rech ri Dios. Ronojel c'u ri uwächulew c'o pa u k'ab ri itzel.

Ri Juds 1:17

Ri ix c'ut, lok'alaj tak wachalal, chenataj ba' chiwe ri tzij ri e bim can rumal ri e takomxenlab re ri Kajaw Jesucrist,