1 Juan 2:7 - Quiché Bible

⁷ Lok'alaj tak wachalal, we takomal ri' ri quintz'ibaj bic chiwe man c'ac' taj: are wa' ri xic'am ix kas pa ri tictajic. We ojer takomal ri' are tzijol wa' ri i tom chic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Loqꞌalaj taq wachalal, man jun kꞌakꞌ taqanik taj ri kintzꞌibꞌaj chiꞌwe, xane ojer chik yaꞌtal loq chiꞌwe. We ojer taqanik riꞌ are ri utzij ri Dios ri xitatabꞌej.

K'iche'

⁷ Kachalal, man c'ac' tä wa' we takanic ri' ri tajin quintz'ibaj bi chiwe, xane are wa' ri xyi' chiwe petinak lok. We ojer takanic ri' tzare wa' ru Lok' Pixab ri Dios ri ya i tom chic.

K'iche' (New Orthography)

⁷ Qachalal, man k'ak' tä wa' we taqanik ri' ri tajin kintz'ib'aj b'i chiwe, xane are wa' ri xyi' chiwe petinaq loq. We ojer taqanik ri' tzare wa' ru Loq' Pixab' ri Dios ri ya i tom chik.

1 Juan 2:7 Iomraidhean Croise

Aj Levitib 19:18

Maya' rajil u q'uexel ri c'ax ri cuban ri awajil a tz'akat chawe, mawi c'ax mana' che. Lok' chawila' ri awajil a tz'akat jacha' ri at chbil awib. In ri' ri Ajawaxel.

Aj Levitib 19:34

Je chibana' che ri man i winakil taj jacha' ri quiban che ri i winakil; chilok'ok'ej, xäk c'u junam iwuc', je c'u ne xiban ix xa xiwokxanij na iwib pa Ejipt. In ri' ri Ajawaxel ri i Dios.

Ri Matey 5:43

“I tom chi xbixic: ‘Chalok'ok'ej ri awajil a tz'akat, chawetzelaj c'u u wäch ri a c'ulel.’

Ri Xuan 13:34

Jun c'ac' takomal quinya' chiwe: Chilok'ok'ela' iwib. Je jas ri in ix nu lok'ok'em, xukuje' ri ix chilok'ok'ela' iwib.

Hechos 17:19

Xquic'am c'u bic pa ri Areop, chupam ri c'olbal ri qui nak'atisam wi quib che chomanic, xquibij: “¿La cuya' cäketamaj jas we c'ac' tijonic ri' ri catzijoj?

U Camulixic ri Pixab 6:5

Chalok'ok'ej ri Ajawaxel ri a Dios ruc' ronojel awanima', ruc' ronojel a c'aslibal xukuje' ruc' ronojel a chuk'ab.

Hebreos 6:9

Pune' je cujtzijon wa', ka jiquibam ka c'u'x chiwij, lok'alaj tak kachalal, chi ronojel ri quiban na ix sibalaj utz na, jas ri takal chiwe ix ri ix colotajinak chic.

1 Juan 2:24

Rumal ri', ri ix chic'olo' chupam ri iwanima' ri tijonic ri xitatabej kas pa ri tiquiritajic; we c'u ri xitatabej kas pa ri ticaritajic canajinak chupam ri iwanima', xukuje' ri ix kas ix nuc'utal ri' ruc' ri C'ojolaxel xukuje' ruc' ri Tataxel.

1 Juan 3:11

Are tijonic wa' ri i tom ulok kas pa ri tiquiritajic chi chekalok'ok'ela' kib.

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.

1 Juan 3:21

Lok'alaj tak wachalal, we ri kanima' man c'o ta jas cujutzujuj wi, c'o u cu'lbal ka c'u'x ri' chuwäch ri Dios;

1 Juan 3:23

Ri u takomal, chi chujcojon che ri Jesucrist, ri u C'ojol, cäkalok'ok'ela' c'u kib, jacha' ri are' uj u lok'ok'em.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

1 Juan 4:11

Lok'alaj tak wachalal, we je xuban ri Dios wa' chke, xujulok'ok'ej, xukuje' ri uj rajawaxic cäkalok'ok'ela' kib.

1 Juan 4:21

We takomal ri' yo'm chke rumal ri Jesucrist: Apachin ri culok'ok'ej ri Dios, xukuje' rajawaxic culok'ok'ej ri rachalal.

1 Juan 4:7

Lok'alaj tak wachalal, chkalok'ok'ela' kib, rumal rech chi ri lok'ok'ebal c'u'x ruc' ri Dios cäpe wi. Ronojel ri cälok'ok'enic, ralc'ual ri Dios, cäquich'ob c'u u wäch ri Dios.