1 Juan 1:3 - Quiché Bible

³ Cäkaya' c'ut u bixic chiwe ri kilom xukuje' ri ka tom, rech xukuje' ri ix quixjunamataj kuc', jacha' ri uj uj junamatajinak ruc' ri Dios ri Tataxel, xukuje' ruc' ri u C'ojol ri are' ri Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Kaqatzijoj chiꞌwe ri xqilo xuqujeꞌ xqato rech kꞌo qariqoj ibꞌ iwukꞌ, xuqujeꞌ rukꞌ ri Tataxel Dios, rachiꞌl ri ukꞌojol Jesucristo.

K'iche'

³ Cäkatzijoj c'u chiwe jachique ri kilom, jachique ri ka tom, rech ri ix xa ix jun chic kuc' uj, je' jas ri uj kas tzij xa uj jun ruc' ri Dios ka Tat, xukuje' ruc' ri Jesucristo ru C'ojol.

K'iche' (New Orthography)

³ Käqatzijoj k'u chiwe jachike ri qilom, jachike ri qa tom, rech ri ix xa ix jun chik quk' uj, je' jas ri uj qas tzij xa uj jun ruk' ri Dios qa Tat, xuquje' ruk' ri Jesucristo ru K'ojol.

1 Juan 1:3 Iomraidhean Croise

Ri Job 13:1

Xubij ri Job: “Ronojel wa' e wilom cuc' ri kas e nu bak'wäch, xintatabej cuc' ri kas e nu xiquin.

Salmib 2:7

Quinya' u bixic ri u chomam u banic ri Ajawaxel: Ri are' u bim chwe: “At at nu c'ojol; in, camic in uxinak a tat.

Salmib 22:22

Quinya' na tzijol la chque ri wachalal, quinya' na k'ij la pa tak ri u mulixic quib.

Ri Isaiy 66:19

Ri in quinya' na jun etal chquiwäch: quinya' c'olbal chi quebanimaj jujun quebentak c'u bic pa ri nimak tak tinimit: pa Tarsis, pa Libiy, pa Lid, ulew jawije' ri etamatal wi quicojic ri q'uiakbal ch'ab, cumal ri winak pa Tubal, pa Gres, xukuje' pa ri naj tak tinimit ri e c'o chupam ri plo, ri mawi jumul qui tom nu tzijol mawi quilom ri nu juluwem cäquesaj c'u na u tzijol ri nu juluwem chquixo'l conojel tak ri winak.

Ajilanic 10:32

We catpe kuc', cakaya' na awe ri utzil ri cuya' na ri Ajawaxel chke.”

Ri Xuan 17:11

In man quinbeytaj ta chic cho ri uwächulew. Ri e are' quebeytaj na cho ri uwächulew, ri in quinbe uc' la. Suc'alaj nu Tat, chec'olo' la ri e are' pa ri bi' la ri e yo'm la chwe, rech quebux xa' e jun, e jacha' ri uj xa' uj jun.

Ri Xuan 17:21

rech conojel xa' e jun. Jas ri lal, Tat, ri lal c'o la wuc' in, xukuje' ri in in c'o uc' la, rech xukuje' ri e are' e c'o kuc' uj, rech ri winak aj uwächulew cäquicojo chi ri lal xintakow la ulok.

Ri Xuan 17:25

Suc'alaj Tataxel, ri winak aj uwächulew man cäquich'ob ta wäch la. Ri in c'ut quinch'ob wäch la. We winak ri' queta'm chi ri lal xintakow la ulok.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Ri Xuan 19:35

Ri xilowic are cäk'alajisanic, kastzij ri u k'alajisanic. Reta'm c'u ri are' chi cubij ri kastzij, rech xukuje' ri ix quixcojonic.

Hechos 13:32

Je c'u ri' ri uj cätajin cäkatzijoj ri utzalaj tak tzij chiwe: Ri chi'nic ri xuban ri Dios chque ri e ka mam,

Hechos 13:41

Chixul ba' pa sak, ri ix xutunelab; chixmayinok, chsach i wäch. Quinban c'u na jun nu chac pa tak we i k'ij ri', chac ri man quicoj ta ri', we ta c'o jachin cätzijon chiwe.”

Hechos 2:42

Co c'u xec'oji' conojel chupam ri qui tijonic ri takomxenlab, xukuje' xec'oji' pa ri comonic chquixo'l, cäquipir c'u ri caxlanwa junam, xukuje' cäquimulij quib cäquiban ch'awem.

Hechos 20:27

Nu tzijom c'u ronojel ri u chomanic ri Dios chiwe. Man c'o ta jas ma ta xinbij chiwe.

Hechos 4:20

Man cujcuin ta c'ut chi ma ta cäkatzijoj ri kilom ri ka tom.”

Romanos 15:27

Jewa' cäcaj cäquibano. C'o qui c'as cuc' ri e aj Jerusalen rumal rech chi ri man aj judeyib taj qui c'amom que ri jastak aj uxlabal chque ri aj judeyib. Utz chi ri e are' quequito' na ri aj judeyib ruc' ri jastak que.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

1 Corintios 1:9

Jic c'u ri Dios. Amak'el cutz'akatisaj ri u bin. Ri are' xixusiq'uij rech quixc'oji' junam ruc' ri Kajaw Jesucrist ri u C'ojol.

1 Corintios 15:1

Wachalal, quinwaj chi cänataj chiwe jas ri xintzijoj canok. Are ri utzalaj tak tzij wa' ri xic'amowaj, man i yo'm ta c'u canok.

2 Corintios 13:14

Ri u tok'ob ri Ajawaxel Jesucrist, ri lok'ok'ebal u c'u'x ri Dios, xukuje' ri u wächbal ri Ruxlabal ri Dios cäc'oji' iwuc' chnimalaj iwonojel.

Efesios 3:6

che u bixic wa': chi rumal ri tijonic aj colobal ib, ri man aj judeyib taj cäquic'am na ri junam echbal cuc' ri aj judeyib, e u tz'akatil c'ut ri junam cuerp, junam c'ut cäquic'am que ri chi'nic ri xuban ri Dios rumal ri Crist Jesus.

Filipenses 1:7

Suc' ri nu chomanic chiwe iwonojel, rumal rech chi ix c'o pa wanima'. Aretak in c'o pa che', aretak quintzijoj chque ri winak jasche quincojon che ri tzij re colobal ib xukuje' quink'alajisaj chquiwäch chi are' ri kastzij, ix wachil pa ri u tok'ob ri Dios.

Filipenses 2:1

We ri Crist cuya' i chuk'ab, we ri lok'ok'ebal u c'u'x cucu'bisaj i c'u'x, we c'o u comonixic ri Uxlabaxel iwuc', we c'o jun ja'laj c'uxaj iwuc' xukuje' we quel i c'u'x chque niq'uiaj chic,

Filipenses 3:10

Quinwaj kas quinwetamaj u wäch ri Crist xukuje' ri u chuk'ab ri u c'astajic. Xukuje' quinwaj quinrik c'ax junam ruc', nu c'amom chic ri u banic ri u cämical,

Colosenses 1:13

Xujresaj pa ri u cuinem ri k'eku'm, xujuk'axej c'u pa ri rajawibal ri lok'alaj u C'ojol,

1 Tesalonicenses 1:10

Rech quiweyej ri u C'ojol, ri cäpe na chicaj, ri xc'astajisax rumal chquixo'l ri cäminakib. Are' ri Jesus, ri xujresaj chuwäch ri royowal ri Dios ri cäpe na paquiwi' ri winak.

1 Timoteo 6:2

E are c'u ri e c'o cajaw cojonelab, mäquetzelaj qui wäch xa' rumal rech chi cachalal quib. Xane' utz na qui patanixic chquibana', rumal rech chi ri quepatanix rumal ri utzalaj qui chac, are lok'alaj tak cojonelab wa'. Chebatijoj che we jastak ri', chebapixbej che u banic wa':

Hebreos 2:12

Cubij c'ut: “Quintzijoj na ri bi' la chque ri wachalal, quinbixoj na pa ri u mulixic quib.”

Hebreos 3:1

Je c'u ri', tastalic tak wachalal, ix siq'uim cuc' niq'uiaj chic chi quixux rech ri Dios. Kas chichomaj ba' ri Crist Jesus, are takom xukuje' qui nimal ri cojol tabal tok'ob re ri ka cojonic.

Hebreos 3:14

Je c'ut e jacha' ri alc'ualaxelab re jun ja winak e re xa' junam ti'j xukuje' junam quic', jeri' xukuje' ri Jesus aj ti'j xukuje' aj quic' aj winak, ruc' ri u cämical xuch'äc ri cuinelalaj cämisanel, ri u bixic wa' are' ri itzel.

1 Pedro 5:1

Quebenpixbej ri tatayib ri e c'o chixo'l ri quetakan chque ri comon cojonelab. In c'u cach tata', in xinwil ri c'ax ri xurik ri Crist, xukuje' junam cuc' ri e are' quinc'am na we ri juluwem ri quilitaj na.

2 Pedro 1:16

Aretak xkatzijoj ri u cuinem xukuje' ri u petic ri Kajaw Jesucrist chiwe, man xkatzijoj ta chomanic chiwe ri xa' ta pa qui jolom ri winak elinak wi ulok, xane kas uj xujilow ri u nimalil ri Jesucrist.

1 Juan 1:1

Cäkatz'ibaj bic chiwe ri kas c'olinak ulok pa ri tiquiritajic, ri ka tom, xukuje' ri kilom cuc' ri kas e ka bak'wäch. Kilom c'ut xukuje' xekachap cuc' tak ri e ka k'ab. Are wa' ri Tzij rech c'aslemal.

1 Juan 1:5

Are tzijol wa' ri xujutijoj wi ri Jesucrist rech cakaya' c'u u bixic chiwe: chi ri Dios sakilal chi man c'o ta jun k'ekumalil ruc' ri are'.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.