San Lucas 4:34 - Quechua South Bolivia: Dios Parlapawanchej

³⁴ —Nazaret llajtayoj Jesús ¿imaman chapucuwaycu? ¿Tucuchinawaycupajchu jamunqui? Sumajta yachani pichus caskayquita. Kan Diospa ajllaskan canqui, —nispa.

DIOSPA QHELQACHISQAN DEUTEROCANONICAL

³⁴ Saqewayku ari. Nazaretmanta Jesús, ima nispa noqaykuwan jap'inakoj jamunki? Noqaykuta chinkachejchu jamunki? Noqa yachani pichus kasqaykita: Qanqa Diospa May Llimphu Ajllakusqan kanki, nispa.

DIOSPA QHELQACHISQ

³⁴ Saqewayku ari. Nazaretmanta Jesús, ima nispa noqaykuwan jap'inakoj jamunki? Noqaykuta chinkachejchu jamunki? Noqa yachani pichus kasqaykita: Qanqa Diospa May Llimphu Ajllakusqan kanki, nispa.

San Lucas 4:34 Iomraidhean Croise

San Mateo 8:29

Chay supayniyoj runastaj khaparispa nerkancu: —¡C'ata Diospa Wawan, Jesús, imaman chapucuwanqui! ¿Manaraj ñac'arinaycu cashajtinñachu ñac'arichej jamuwaycu?

Marcos 1:24

—Jesús Nazaret llajtayoj ¿imamantaj chapucuwaycu? ¿Tucuchinawaycupajchu jamunqui? Sumajta yachani pichus caskayquita. Kan Diospa santo Cajninmin canqui, —nispa.

Marcos 1:34

Ashqha onkoska runasta tucuy laya ñac'arichiskasta Jesuska thañicherka. Ashqha runasmantataj supaycunata kharkorka. Supaycunari payta rejserkancu. Chayraycu Jesuska mana parlarejta sakerkachu.

Marcos 5:7

Jatunmanta khaparerka khaykeyaspa: —¡C'ata Diospa Wawan Jesús, imaman chapucuwanqui! Diospa ñaupakenpi sumajta mañacuyqui ama ñac'arichinawayquita, —nispa.

San Lucas 1:35

Angeltaj payman cuticherka: —Santo Espíritu kanman uraycamusonka. C'ata Diospa atiynintaj kanta c'anchaycamusonka. Chayraycu wawayqueka mana juchayoj, c'acha rejsiska canka, Diospa cheka Wawan.

San Lucas 4:33

Tantacuna-wasipi millay supayniyoj runa carka. Sinch'ita khaparerkataj:

San Lucas 4:41

Chaywanpis ashqha runasmanta supaycunata kharkorka. Supaycunataj khaparisharkancu: —Kan Diospa Wawan Cristo canqui, —nispa. Jesusrí paycunata sinch'ita c'amispa mana sakerkachu parlanancuta chayta sumajta yachaskancuraycu.

San Lucas 8:28

Chay runataj Jesusta ricuspa khaparicorka. Jesuspa ñaupakenman konkoricuspa sinch'iwan nerka: —Jesús, c'ata Diospa Wawan ¿imaman chapucuwanqui? Sumajta mañacuyqui ama ñac'arichinawayquita, —nispa.

San Lucas 8:37

Tucuy Gadara jallp'amanta runas Jesusta ripunanta mañarkancu anchata manchachicuskancuraycu. Mañaskancumanjinataj Jesús barcoman yaycorka kocha chimpaman cutinanpaj.

Hechos 16:39

Paycunari carcelman jamuspa Pabloman Silasmanwan niricusharkancu: —Pantarkaycu, perdonariwaycu, —nispa. Paycunata cacharipuspataj nerkancu: —Cay llajtamanta ripullaychej, ari, —nispa.

Hechos 2:27

Noka kanllata casoj camachiyquimin cani. Manapuni sakewanquichu wañuska runas cancu, chaypi. Nitaj cuerpoyta ismunanta sakenquichu.

Hechos 3:14

Ajinapi khesacharkanquichej Jesusta. Payka Diosllata casoj, chekan ruwajmin. Astawanpis mañarkanquichej runa wañuchi cachariska cananta.

Hechos 4:27

—Chekatapuni cay llajtapi ashqha runas tantaycucorkancu ajllaska Camachiyqui Jesuspa contranpi. Payka kanllaman t'akaskamin tucuyta camachinanpaj. Chekatapuni cay llajtapi Herodeswan Poncio Pilatowan tantaycucorkancu. Llajta-masisniycuwan waj llajtayojcunapiwan cusca Jesuspa contranpi churacorkancu.

Hebreos 2:14

Chay wawasnenka cay pacha runas cancu. Chayraycu Jesuspis paycunawan ujchacunanpaj runa nacecorka. Wañuyninnejtataj supay Satanasta k'alata atiparka. Chayraycu Satanaska manaña wañuchiyta atinchu.

Santiago 2:19

Diospi jap'icuspa ninqui chekatapuni uj sapan Dios caskanta. Allintataj ninqui. Supaycunapis uj sapan Dios caskanta creencu. Manchachicuywantaj qharcatitincu.

1 Juan 3:8

Juchallishanpuni, chay runarí supay Satanasmantamin. Chay supayka kallariymantapacha juchallillanpuni. Diospa Wawan Cristorí jamorka chay supaypa ruwaskanta t'unaraspa tucuchinanpaj.

Apocalipsis 20:2

Dragontataj jap'iycorka. Dragonka chay ñaupa catari, diablo, Satanás sutiyoj. Paytataj angelka cadenawan wataycorka waranka watapaj.

Apocalipsis 3:7

‘Filadelfiapi iglesia tantacojcunaj willajnincuman kelkay: Noka cani cheka caj, Diospa ajllaskan caj. [Imaynatachus Davidka llajtanpa llaventa jap'erka, ajinallatataj nokapis Diospa mosoj llajtanpa] llaventa jap'iniña. Quichariskayman yaycojtaka ni pi jarc'ayta atinchu. Wisk'askaymantaj ni pi yaycuyta atinchu. Nishayquitaj: