San Lucas 14:23 - Quechua South Bolivia: Dios Parlapawanchej

²³ Señortaj camachinta nerka: “Riy campoman. Jatun ñancunamanta chaqui ñancunamantapis runasta pusarimuspa yaycuchiy. Wasiy junt'a cananta munani.

Qheshwa Biblia DC

²³ Chantataj patrón nerqa: Jina kajtenqa, riy tukuy chaki ñankunasman, jatun ñankunaman ima, usqhay usqhaytataj pusaramuy wajkunata, wasiy junt'a kanampaj.

DIOSPA QHELQACHISQAN DEUTEROCANONICAL

²³ Chaymantataj patronqa kamachita nisqa: Jina kajtenqa, tukuy chaki ñankunaman riy, jatun ñankunaman ima, jinataj wajkunata usqhay usqhayta pusaramuy, wasiy junt'a kananpaj, nispa.

DIOSPA QHELQACHISQ

²³ Chaymantataj patronqa kamachita nisqa: Jina kajtenqa, tukuy chaki ñankunaman riy, jatun ñankunaman ima, jinataj wajkunata usqhay usqhayta pusaramuy, wasiy junt'a kananpaj, nispa.

San Lucas 14:23 Iomraidhean Croise

San Mateo 21:43

‘Chayraycu niyquichej Dios camachin, chayman kancuna Israel llajtayojcuna, mana yaycuyta atinayquichejta. Dios camachin, chayman paypa munayninta ruwajcunalla yayconkancu. Ajinapi waj llajta canka pay camachinanpaj.

San Mateo 5:41

Pillapis k'epinta cuscan leguatajina apanayquipaj camachisunquiman chayka, uj leguatajina apapuy.

San Lucas 14:22

Paycunata pusamuspaña camacheka willarka: “Señorníy, camachiwaskayquita ruwaniña. Chaywanpis campoka canraj”, nispa.

San Lucas 14:24

Chayraycu niyquichej: Chay wajyaska runasmanta ni ujpis miqhunaytaka mallenkachu”, —nispa.

San Lucas 24:29

Paycunataj jarc'arkancu: —Nokaycuwan khepacuy ch'isiyaycushaskanraycu, —nispa. Jesustaj wasiman yaycorka paycunawan khepacoj.

Hechos 16:15

Ajinapi payka wasinpi tiyacojcunawan bautizacorkancu Jesuspi jap'icuskancuta ricuchinancupaj. Chaymantataj payka mayta niwasharkaycu: —Señor Jesuspi chekamanta jap'icojpaj khawawanquichej chayka, wasiyman jamuychej caricunayquichejpaj, —nispa. Ajinata wasinman pusawarkaycu.

Hechos 18:6

Chay israelcunarí Pabloj contranpi jatarerkancu sajrata rimaspa. Chayraycu Pabloka p'achasninta thalacorka paycunata sakerparinanta ricuchinanpaj. Nerkataj: —Kancuna wiñay wañuyman wijch'uycuchicunquichej chayka, kancunallataj juchayoj canquichej. Kancunamanta mana juchayojchu casaj. Cunanmantapachataj risaj waj runasman willaranaypaj, —nispa.

Hechos 28:28

‘Chayraycu sumajta reparaychej Dioska runasta juchamanta cacharichinanpaj Wawanta cachamuskanta. Cay sumaj willanastaj waj llajtayojcunaman willaraska canka. Paycunataj uyarispa casonkancu, —nispa.

Hechos 9:15

Señor Jesusrí nerka: —Kanka rillay payman. Paytaka ajllarkani nokamanta willaramunanpaj. Diosmanta manaraj yachajcunaman, curaj camachejcunaman, israel runasniymanpis willaramunan tiyan.

Romanos 10:18

Chanta ¿manachu uyarincuman carka? ¡Uyarerkancupuni! Dios palabranpipis nin: Tucuy cay pachapi willanasta uyarerkancu. Maycunapichus runa tiyacun chaycama niskasnincu chayarka.

2 Corintios 5:11

Señorta manchachicunata yachaspa runasman mayta willarashaycu Diospi jap'icunancupaj. Tucuy imapi imaynachus caskaycuta Dios yachanña. Sonko-yuyayniyquichejpipis imaynachus caskaycuta kancunapis yachaskayquichejtaña confiani.

2 Corintios 5:20

Chay willanamanjina Cristoj cachasnin canaycupaj churawarkaycu. Ajinapimin nokaycunejta Dios munacuyninwan wajyashasunquichej. Cristoj sutinpi mañayquichej: Diosman allinyacapuychej.

2 Corintios 6:1

Dioswan cusca llanc'ajcuna caspataj encargayquichej: C'acha yanapayninta ama yankhapaj jap'iychejchu.

Colosenses 1:23

Astawanrí Diospi jap'icuspa mana cuyoj sinch'ita sayacunayquichej tiyan. Sumaj willanaspi confiacuspapunitaj mana cuyucunayquichejchu tiyan. Chay uyariskayquichej sumaj willanasmin tucuy cay pachantinpi willaraska cashan. Chayta willaranaypajtaj Dioska noka Pablota camachinpaj churawarka.

Colosenses 1:28

Chay Cristomantatajmin nokaycu willaraycu. Tucuy yuyaywan willaraspa tucuy runata yuyaychaycu tucuy runatataj yachachiycu. Ajinata willaraycu sapa uj runa Cristowan ujchaska causayninpi sumaj wiñaska cananpaj.

2 Timoteo 4:2

Paypa niskanta willaray. C'uchi, waquichiskapuni cay willaranayquipaj, tiemponpipis mana tiemponpipis. Runasman juchasnincuta reparachiy, c'amiy, yuyaychaytaj, mana tucucoj qhuyacuywan yachachispa.