San Juan 21:17 - Quechua South Bolivia: Dios Parlapawanchej

¹⁷ Quinsa caj cutita taporka: —Jonaspa wawan Simonníy ¿munacuwanquichu? Pedrori quinsa cutita, “¿Munacuwanquichu?” tapuskanraycu phuticorka. Nerkataj: —Señorníy, tucuy imata yachanqui. Kan yachanquiña munacususkayta, —nispa. Jesustaj nerka: —Munaska runasniyta yachachiy.

Qheshwa Biblia DC

¹⁷ Kinsa kaj kutipi nillarqataj: Simón, Jonaspa churin, munakuwankichu? Pedrotaj llakikorqa, kinsa kutikama munakuwankichu?, nisqanmanta. Kuticherqataj: Señor, qan tukuy imata yachanki, munakususqaytapis yachanki. Jesustaj payman nerqa: Ovejasniyta michipuway.

DIOSPA QHELQACHISQAN DEUTEROCANONICAL

¹⁷ Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

DIOSPA QHELQACHISQ

¹⁷ Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

San Juan 21:17 Iomraidhean Croise

San Mateo 25:40

Noka, Camachejnincutaj, paycunaman cutichisaj: “Chekamanta cay uj pisipaj khawaska hermanoypaj imallatapis ruwaporkanquichej chayka, nokapaj ruwapuwarkanquichej”.

Marcos 14:72

Chay quiquinpachataj iscay caj cutita galloka wakarka. Pedrotaj chayta uyarispa Jesuspa cay niskanta yuyaricorka: “Manaraj gallo iscay cutita wakashajtin, kanka quinsa cutitaña ninqui, nokata mana rejsiwaskayquita”, nispa. Uyariskantawantaj sinch'ita wakarka.

San Juan 12:8

Wajcha runaska kancunawanpuni cashancu. Nokarí mana unaytañachu kancunawan casaj, —nispa.

San Juan 13:38

—¿Causayniyquita nokaraycu kowajchu? Chekatapuni niyqui: Manaraj gallo wakashajtin quinsa cutita ninqui, nokata mana rejsiwaskayquita, —nispa.

San Juan 14:15

‘Nokata munacuwanquichej chayka, niskasniyta casunquichej.

San Juan 15:10

Niskasniyta casuspalla munacuyniypi causacunquichej. Imaynatachus noka Tataypa niskasninta casuni, paytaj munacushallawanpuni, ajinallatataj niskasniyta casuwajchej chayka, nokapis munacuyquichej.

San Juan 16:30

Cunanmin yachaycu tucuy imata yachaskayquita manataj runa tapusunanta suyanayquichu tiyan. Chayraycu Diosmanta cachamuska Wawan caskayquita jap'icuycu, —nispa.

San Juan 18:27

Ujtawan Pedroka mananchacorka. Chay quiquinpachataj galloka wakarka.

San Juan 18:4

Jesuska tucuy imata paywan ruwanancuta yachaspa llojserka nerkataj: —¿Pitataj masc'anquichej?

San Juan 21:18

Chekatapuni niyqui: Joven cashaspaka chumpiycucoj canqui maymanchus munaskayquimantaj rej canqui. Viejoña casparí maquisniyquita okharinqui wajñataj chumpichisonka mana munaskayquimantaj pusasonka, —nispa.

San Juan 4:16

Jesustaj payta nin: —Riy, kosayquita wajyamuy. Chanta cutimuy, —nispa.

Hechos 1:24

Chanta paycunaka Diosmanta mañacuspa nerkancu: —Señorniycu Jesús, kan yachanqui sonkonpi runaj yuyaskanta. Chayraycu sut'ita ricuchiwaycu cay iscay runasmanta maykenta ajllacuskayquita.

Hechos 11:10

Ajina ruwacorka quinsa cutita. Chanta phullujinaka janaj pachaman okharicaporka.

Hechos 15:8

Runaj sonkonpi tucuy yuyaskanta sut'ita yachan Dios. Chay waj llajtayojcunatapis wawasninpaj jap'iskanta sut'ita ricucherka. Dioska cachamuspa Santo Espirituta sonkoncuman tiyacunanpaj chayta sut'incharka. Paycunaj sonkoncumanpis chay Espirituta cachallarkataj nokanchejpamanjina.

2 Corintios 1:12

Sonko-yuyayniycupi cusiywan yachaycu: Diosman t'akaskas, cheka caspataj cay pacha runas chaupipi causacushaycu. Manataj runaj sajra yachayninmanjinachu causaycu, manachayrí Diospa c'acha yanapayninmanjina. Astawanka kancuna chaupipeka ajinata causacuycu.

Efesios 4:30

Amataj Diospa Santo Espiritunta llaquichiychejchu. Espiritunnejtamin sellaskas carkanquichej jakay jamoj p'unchaypi wiñay causaypaj cachariskas canayquichejpaj.

1 Pedro 1:6

Ajinapi Diospi suyaskayquichejraycu mayta cusicunquichej. Cunanri Diospa munayninmanjina pisi llaquichiskaspis cashanquichej tucuy imaymana phutiywan. Chaywanpis mayta cusicushanquichej.

2 Pedro 3:1

Munaska hermanosníy, caywan iscay caj cutitaña kelkamuyquichej. Cay kelkaskaswan llimphu yuyayniyquichejta rijch'arichiyta munani caycunata yuyaricunayquichejpaj.

Apocalipsis 2:23

Chay warmej yachachiyninta casojcunata wañuywan tucuchisaj. Ajinapi tucuy ajllacuskasniyka yachankancu, runaj pacaska yuyayninta sonkontapis sut'ita noka khawaj caskayta. Yachankancutaj sapa ujniyquichejman ruwaskayquichejmanjina kosunayquichejta.

Apocalipsis 3:19

Nokaka munacuskasniyta juchancumanta reparachini wanachinitaj. Chayraycu tucuy sonkowan casuway. Juchayquita sakespataj nokaman cutiricuway