San Juan 17:15 - Quechua South Bolivia: Dios Parlapawanchej

¹⁵ Mana nishayquichu cay pachamanta paycunata orkhopunayquita. Manachayrí sajra cajmanta wakaychanayquita nicuyqui.

Qheshwa Biblia DC

¹⁵ Mana mañakunichu paykunata mundomanta pusakapunaykita, astawanqa mañakuni paykunata sajramanta waqaychanaykita.

DIOSPA QHELQACHISQAN DEUTEROCANONICAL

¹⁵ Mana noqata qhatiwajkunata kay pachamanta orqhonaykitachu mañakuyki, manachayqa paykunata Supaymanta waqaychanaykita.

DIOSPA QHELQACHISQ

¹⁵ Mana noqata qhatiwajkunata kay pachamanta orqhonaykitachu mañakuyki, manachayqa paykunata Supaymanta waqaychanaykita.

San Juan 17:15 Iomraidhean Croise

San Mateo 5:37

Niskayquichejka junt'anayquichejpaj cachun. Chayman waj palabraswan yapawajchej chayka, supay Satanasmantamin.

San Mateo 6:13

Callpachawaycu jatun llaquiycunapi ama juchallicunaycupaj. Astawanpis wakaychawaycu juchallichiyta munajpa atiyninmanta. Kanka wiñaypaj camachinqui. Tucuy atiyniyoj, may curajpaj, jatunchaskapis canqui. Ajina cachun.

San Lucas 11:4

Juchasniycuta khechuspa perdonawaycu; nokaycupis perdonaycu tucuy juchata nokaycuman ruwajcunata. Llaquiycunapi callpachawaycu ama juchallicunaycupaj, —nispa.

San Lucas 22:32

Nokari kanpaj Diosmanta mañaporkayqui, Diospi jap'icuyniyqui ama chincapunanpaj. Nokaman cutiricamuskayquimanta cay hermanosniyquita sonkoncupi callpachanqui, —nispa.

Gálatas 1:4

Tata Diosninchejpa munayninmanjinataj Jesús causayninta jaywarka. Payka wañorka juchasninchejmanta cacharichinawanchejpaj, cunan p'unchay juchaj atiyninmantawan.

2 Tesalonicenses 3:3

Señor Jesucristorí niskanta junt'anpuni. Paytaj callpachasonkachej wakaychasonkachejtaj sajra cajmanta.

2 Timoteo 4:8

Cunanka chekan causayniymanta uj premio waquichiska capuwashan. Chayta Señorniy, chekan juez, kowanka jakay p'unchaypi. Manataj nokallamanchu, manachayrí tucuy runasninman konka. Paycunaka munacuywan riqhurimuyninta suyajcuna cancu.

1 Juan 5:18

Yachanchej Diospa wawasnenka manaña juchapajchu causashaskancuta. Diospa Wawan, Cristorí payta wakaychan. Ajinapi supay Satanaska mana imananchu Diospa wawanta.

1 Juan 5:19

Yachanchej Jesucristopi tucuy jap'icojcuna Diospa cheka wawasnin caskanchejta. Cay pachapi tucuy waj runasrí chay supaypa camachisnin cancu.